11/09/2021
Rrjeti i kujdesit shëndetësor, Deutsche Gesellschaft für Pflegedienstvermittlung (DGAPV) GmbH, me seli në Mynih të Gjermanisë, është duke kërkuar specialistë nga sektori i mjekësisë dhe kujdesit shëndetësor.
Përmes miratimit të ligjit për imigrim të fuqisë punëtore të kualifikuar nga Qeveria Gjermane me 1 mars, 2020, punëkërkuesit me kualifikim të njohur në arsimin profesional nga shtetet jo-anëtare të BE-së (përfshirë Kosovën dhe vendet fqinj), do të kenë mundësinë që në mënyrë të përshpejtuar të pajisen me viza pune dhe të punësohen në Gjermani. Rrjedhimisht, aplikuesit që përmbushin të gjitha kriteret e nevojshme do të kenë mundësi shfrytëzimi të kësaj procedure, duke u pajisur me vizë pune në jo më shumë se 3 muaj.
Me qëllim të lehtësimit të procedurës së aplikimit dhe grumbullimit të dokumentëve, DGAPV GmbH ka krijuar partneritet me Students Employment Network SH.P.K. (Rrjeti për Punësim të Studentëce), ku kjo e fundit do të ofrojë të gjithë asistencën e nevojshme për aplikuesit nga Kosova (dhe vendet fqinjë), në:
1. Grumbullim të dokumentëve të nevojshme
2. Verifikim paraprak të vlefshmërisë së dokumentëve (akreditimet)
3. Ndërmjetësim tek partnerët gjerman për sigurim të kontratës së punës
4. Ndërmjetësim tek partnerët gjerman për validim të dokumentëve në Gjermani
5. Caktim të terminit në ambasadë
-------
Kush ka të drejtë të aplikojë në këto pozita?
Kategoria 1.
Personat të cilët mund të aplikojnë dhe të përfitojnë shërbimet e procedurës së përshpejtuar për marrjen e vizës mund të jenë infermierë apo fizioterapistë nga Kosova të cilët:
1. Kanë përfunduar shkollimin e mesëm të mjekësisë (Dega Infermieri apo Fizioterapi) apo kanë përfunduar universitetin (Bachelor apo Master) në një program të akredituar në fushat përkatëse
2. Janë të licensuar nga Oda e Infermierëve të Kosovës (OIK) apo Oda e Fizioterapeutëve të Kosovës (OFTK)
3. Posedojnë së paku nivelin A2 të gjuhës gjermane (Goethe apo ÖSD)
4. Nuk kanë aplikuar dhe nuk janë refuzuar nga ambasada gjermane më parë
Kategoria 2.
Të drejtë aplikimi kanë edhe të gjithë personat e tjerë të cilët janë në mungesë të plotësmit të një apo më shumë kritereve të cekura tek Kategoria 1., por të cilët mund t'i plotësojnë ato në një afat prej më së largu 1 viti. Për shembull, dikush që nuk ka ende licensë (apo kursin e gjuhës), por mendon (dhe ekziston mundësia) ta marrë atë brenda një viti. Personat që aplikojnë dhe i përkasin Kategorisë 2, do të marrin asistencën e nevojshme gjatë gjithë kohës për plotësim dhe arritje të objektivave.
I gjithë procesi i ndërmjetësimit është dhe do të jetë pa pagesë.
Për të aplikuar, ju lutem plotësojeni formularin i cili gjendet në vegzën e mëposhtme:
https://docs.google.com/forms/d/e/1FAIpQLSfH6Yfvw1A1NxSf73yr3v9E6SsQensrWlt90o7Qtuu4xXVGRg/viewform
