05/05/2022
عالسلامة يا جماعة 👋👋
حبينا نوضحو اليوم للناس اللي معندهاش الباك أو ثانية ثانوي فما فوق و تحب تعرف المعادلة متاع المستوى الدراسي هذا كيفاش تصير في ألمانيا!؟
تختلف الشروط المطلوبة ما بين المقاطعات و هنا نفسرولكم الخطوات المتبعة في Rheindland Pfalz و Nrw باش تحصلنا على المعادلة:
* أول خطوة لازمك تصادق على الشهادة المدرسية و المعدل الثلاثي ل3 سنوات الأخيرة في كل من المندوبية الجهوية للتربية و وزارة التربية و وزارة الخارجية،
* ثانيا تعمل نسخ مطابقة للأصل منهم (و تطلب الكاشي يكون بالفرنسية)
* ثالثا لازمك تعمل ترجمة للوثائق هاذي عند مترجم محلف من عند المحاكم الألمانية (فما مترجم تونسي في ألمانيا يقوم بكل هذا)،
* رابعا وجود مراسلة بينك و بين Arbeitgeber يطلب منك فيها المعادلة في نفس المقاطعة.
👈 ثم ترفق الوثائق التالية في الملف متاعك و تبعثهم للجهة المختصة بالإعتراف في تلك المقاطعة:
✅- مطلب الإعتراف تحمله من الموقع المعني بالمعادلة في تلك المقاطعة.
✅- سيرة ذاتية بالألمانية.
✅-نسخ مطابقة للاصل من الشهادة المدرسية و المعدلات الثلاثية.
✅- نسخ مطابقة للأصل من هذه الوثائق المترجمة عند عدل منفذ (Notar).
-نسخ من:
✅بطاقة التعريف و جواز السفر.
✅الإيمايل لي فيه طلب الإعتراف.
⚠️ ملاحظة: المعادلة المتحصل عليها صالحة فقط للتقدم بها في ذات المقاطعة و إذا ما توفر لك عرض أوسبيلدونغ في مقاطعة أخرى ف نسخة مطابقة للأصل منها و طلب جديد للإعتراف كافي.
و ربي يوفق الجميع 😊
