16/08/2026
محکمہ اسکول ایجوکیشن سندھ کی جانب سے سرکاری اسکولوں میں فیشل ریکگنیشن اٹینڈنس مانیٹرنگ اینڈ ایویلیوایشن سسٹم (FRAMES) کے آغاز کے انتظامات مکمل
سندھ کے 6 اضلاع میں FRAMES کا باقاعدہ نفاذ 17 اگست سے شروع کیا جائے گا۔
پائلٹ مرحلے کے لیے صوبے کے ہر ڈویژن سے ایک ضلع منتخب کیا گیا ہے، جس میں تدریسی عملے کے ساتھ نان ٹیچنگ اسٹاف کی حاضری بھی مانیٹر کی جائے گی۔
پہلے مرحلے میں کراچی ایسٹ، حیدرآباد، نوشہروفیروز، جیکب آباد، گھوٹکی اور عمرکوٹ کے اضلاع شامل ہوں گے۔
ڈیجیٹل موبائل ایپلیکیشن FRAMES کے ذریعے اساتذہ اور نان ٹیچنگ اسٹاف کی حاضری فیشل ریکگنیشن ٹیکنالوجی کے ذریعے مانیٹر کی جائے گی۔
صوبائی وزیر تعلیم سید سردار علی شاہ نے کہا ہے کہ FRAMES کی شروعات پائلٹ اقدام کے طور پر 6 اضلاع سے کی جا رہی ہے۔
کامیاب پائلٹ مرحلے کے بعد FRAMES کو مرحلہ وار سندھ کے تمام اضلاع تک توسیع دی جائے گی، وزیر تعلیم سندھ
ایپلیکیشن کو یوزر فرینڈلی بنایا گیا ہے، جبکہ ممکنہ تکنیکی مسائل کی نگرانی، نشاندہی اور بروقت حل کے لیے بھی باقاعدہ میکنزم وضع کیا گیا ہے، سید سردار علی شاہ
۔FRAMES صرف حاضری کا نظام نہیں بلکہ طلبہ کے اس حق کو یقینی بنانے کا ایک مؤثر ذریعہ ہے کہ انہیں اسکول میں اساتذہ کی دستیابی حاصل ہو، صوبائی وزیر تعلیم
ابتدائی مرحلے میں 6 اضلاع کے 49,565 تدریسی اور نان ٹیچنگ عملے کی حاضری FRAMES کے ذریعے مانیٹر کی جائے گی۔
۔FRAMES کے ذریعے حاضری لگانے کے لیے ہر استاد کے پاس ذاتی موبائل فون ہونا ضروری نہیں، استاد ہیڈ ماسٹر یا کسی ساتھی کے موبائل فون سے بھی اپنی حاضری لگا سکتا ہے۔
انٹرنیٹ کی عدم دستیابی کی صورت میں بھی حاضری درج کی جا سکے گی، جبکہ انٹرنیٹ دستیاب ہوتے ہی حاضری خودکار طور پر اپڈیٹ ہو جائے گی۔
اساتذہ ایپلیکیشن کے ذریعے اپنی حاضری کا ریکارڈ خود بھی دیکھ سکیں گے اور ماہ کے اختتام پر حاضری کا ریکارڈ ڈاؤن لوڈ بھی کر سکیں گے۔
چھٹی کی صورت میں اساتذہ لیو ریکارڈ کی بنیاد پر دفتر کے چکر لگائے بغیر گھر سے ہی ایپلیکیشن کے ذریعے چھٹی کی درخواست جمع کرا سکیں گے، جس کی منظوری آن لائن دی جائے گی۔
ایپلیکیشن کے مؤثر استعمال کے لیے انتظامی افسران، اسکول سربراہان اور اساتذہ کی تربیت بھی مکمل کر لی گئی ہے، جبکہ اسکول سربراہان کو اساتذہ کی رہنمائی اور معاونت کے حوالے سے خصوصی تربیت فراہم کی گئی ہے۔
۔FRAMES رجسٹریشن سے رہ جانے والے اساتذہ اور عملے کو مشورہ دیا جاتا ہے کہ وہ ڈائریکٹر جنرل مانیٹرنگ اینڈ ایوالوئشن آفیس سے رابطے میں آ کر حاضری نظام اپ ڈیٹ کروائیں۔
حاضری مانیٹرنگ ایپلیکیشن FRAMES ایپل اور انڈرائیڈ دونوں سسٹمز پر دستیاب ہے۔
