08/06/2026
Sa pagbubukas ng klase ngayong araw ng Lunes, Hunyo 8, 2026, narito ang mga mahahalagang paalala ng pag-iingat:
🏠 Pag-iingat sa Tahanan Bago Pumasok
Ugaliing bunutin ang mga naka-saksak at Tanggalin sa saksakan ang mga appliances na hindi ginagamit upang maiwasan ang electrical overloading na maaring mag sanhi ng sunog.
I-tsek ang tangke ng gas. Siguraduhing nakasara nang mahigpit ang regulator ng inyong LPG bago iwanan ang bahay.
Itabi ang mga maaring maging mitsa ng apoy. Ilayo ang mga posporo, lighter, at kandila sa lugar na madaling maabot ng mga bata.
Ilock ang mga pinto. Tiyaking ligtas at nakasara nang maayos ang buong bahay laban sa mga magnanakaw.
🏫 Kaligtasan sa Loob ng Paaralan
Alamin ang mga exit. Dapat kabisado ng mga mag-aaral at g**o ang lokasyon ng mga fire escape at emergency exits ng gusali.
Huwag mag-overload ng saksakan. Iwasang magsaksak ng sabay sabay at maraming gadget sa iisang extension cord sa mga classroom.
Panatilihing malinis ang daanan. Huwag harangan ng mga silya o mesa ang mga pasilyo at pinto na daanan sa oras ng paglikas.
I-inspeksyon ang mga kawad. Regular na ipasuri sa mga lisensyadong elektrisyan ang mga linya ng kuryente sa paaralan upang maiwasan ang short circuit.
🎒 Paalala sa mga Mag-aaral at Magulang
Magdala ng proteksyon sa panahon. Laging mag-impake ng payong, sapat na tubig, at sariling pagkain para sa kaligtasan sa kalusugan.
Isaulo ang mga emergency hotline. Turuan ang mga bata kung paano at kailan tatawag sa mga awtoridad sa oras ng sakuna.
Maging alerto sa daan. Paalalahanan ang mga bata sa ligtas na pagtawid at pag-iwas sa mga estranghero habang naglalakad o nag-aabang ng sasakyan.
🚨 Sa oras ng sunog o anumang emergency, maaaring tawagan ang QC Helpline 122 o pambansang emergency services. 911,
Pansol Fire Brigade Telephone Hotline: 0283612258
