22/07/2026
PAUNAWA SA PUBLIKO
Nakarating sa aming kaalaman na may mga malisyosong indibidwal at grupo na nagpapanggap bilang mga opisyal, kinatawan, o recruiter ng Worldlink. Ang mga taong ito ay ilegal na gumagamit ng aming pangalan at logo upang manghingi ng pera sa mga aplikante kapalit ng pangakong mabilis na pagtanggap sa trabaho.
Nais naming bigyang linaw na ANG WORLDLINK AY HINDI KAILANMAN NANGHIHINGI O NAGTATAKDA NG ANUMANG MGA BAYARIN (application fees, processing fees, placement fees, reservation fees, o “points card”) para sa anumang bakanteng posisyon sa aming kompanya. Ang aming buong proseso ng aplikasyon—mula sa pagpasa ng resume hanggang sa interview at pagtanggap—ay ganap na LIBRE.
Nais naming ipaalaala sa lahat:
HINDI KAMI NAGPAPABAYAD sa pamamagitan ng GCash, Maya, bank transfer, o personal na abot-kamay para sa anumang dahilan na nabanggit sa itaas.
Ang lahat ng opisyal na komunikasyon mula sa Worldlink ay nagmumula lamang sa aming mga beripikadong email address, opisyal na tawag mula sa aming tanggapan at recruiters, at sa aming opisyal na social media channels.
Ang Worldlink ay walang anumang pananagutan sa pananalapi o legal sa anumang transaksyong naisagawa sa mga hindi awtorisado at ilegal na indibidwal.
Hinihikayat namin ang sinumang makakatanggap ng kahina-hinalang alok o kahilingan para sa bayad na agad na mag-ulat sa aming opisyal na tanggapan o sa PNP Anti-Cybercrime Group (ACG) upang maipatupad ang kaukulang legal na hakbang laban sa mga nanloloko.
Maraming salamat sa inyong patuloy na tiwala at pakikiisa sa pagpapanatili ng isang ligtas at tapat na lugar ng trabaho para sa lahat.
—Mula sa Pamunuan ng Worldlink.
