05/03/2026
𝗣𝗔𝗔𝗟𝗔𝗟𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗞𝗔𝗕𝗔𝗕𝗔𝗬𝗔𝗡
May kumakalat na impormasyon online na nagsasabing may ibinibigay na ₱150,000 financial assistance mula sa DMW at OWWA. 𝗔𝗻𝗴 𝗯𝗮𝗹𝗶𝘁𝗮𝗻𝗴 𝗶𝘁𝗼 𝗮𝘆 𝗛𝗜𝗡𝗗𝗜 𝗧𝗢𝗧𝗢𝗢.
Nakakalungkot makita na sa panahong nakatuon ang pamahalaan sa pagsiguro sa kaligtasan at kapakanan ng ating mga OFW, may mga patuloy na nagpapakalat ng maling impormasyon. May ilan pang gumagamit ng AI videos at iba pang paraan upang magmukhang lehitimo ang mga ito.
Pinapaalalahanan namin ang lahat na maging mapanuri. Huwag agad maniwala sa mga post o video na walang malinaw na pinanggalingan.
Bagama’t walang ₱150,000 na ayuda na ipinapamahagi, ang pagiging miyembro ng OWWA ay may mga tunay na benepisyo para sa mga OFW at kanilang pamilya, kabilang ang:
• Financial assistance para sa mga OFW na nasa distress o nangangailangan ng tulong
• Livelihood at reintegration programs para sa mga OFW na nais magsimula muli sa Pilipinas
• Training assistance, scholarships, at upskilling opportunities upang mapalawak ang kaalaman at pagkakataon sa trabaho
Para sa tama at opisyal na impormasyon:
• Sundan ang official pages ng Department of Migrant Workers (DMW)
• Sundan ang official pages ng Overseas Workers Welfare Administration (OWWA)
Patuloy na nakaantabay ang OWWA at DMW upang magbigay ng tunay na serbisyo at suporta sa ating mga kababayang OFW saan man sila naroroon.
Mag-ingat sa fake news. Maging mapanuri.
Alagang OWWA. Serbisyong may Puso.
