06/09/2024
🔥
Malay mo tayo,
Kapag hindi na komplikado,
Kapag tuluyan nang malusaw ang takot na idinulot ng nakaraan at ng mundo—
Balang araw baka ikaw rin at ako.
Malay mo tayo,
Kapag ang baka ay maging sigurado,
Kapag kaya nang tumupad sa pangako—
At kahit sa puntong magulo na'y hindi pa rin susuko.
Malay mo tayo,
Kapag handa na ang puso,
Kapag kaya nang yakapin ang sariling depekto—
Iyong tanggap kahit malayo sa salitang perpekto.
Malay mo tayo.
Kapag pareho nang buo,
Kapag kaya nang makontento—
At kapag handa sa kompromiso.
Kung hindi man,
Salamat—
Sapagkat naging bahagi ng isa't-isa ang ating kuwento.
Ika-6 ng Mayo 2022
YT: https://youtube.com/channel/UCvSaJ07Cbzl2-rpub3wjDEw
IG: https://instagram.com/_tintalata_?utm_medium=copy_link
