28/03/2025
#ငလျင် အန္တရာယ်
⦿ ငလျင်မလှုပ်မီအချိန်မှာ-
* လေးလံသောပစ္စည်းများကို အမြင့်တွင်တင်မထားပါနှင့်၊ ပြုတ်ကျလာပါက ထိခိုက်ဒဏ်ရာရရှိနိုင်ပါသည်။ မှန်ပြတင်း၊ တံခါးများအနီးတွင် အိပ်စက်ခြင်းမပြုပါနှင့်။
အိမ်၏ ခြကိုက်ဆွေးနေသောအပိုင်းအစများကိုပြင်ဆင်ပါ။
ဖြစ်နိုင်လျှင် ခေါင်မိုး၊ မျက်နာကြက်များကို သွပ်အသုံးပြုတည်ဆောက်ထားပါက အလွယ်တကူ ပြုတ်မကျနိုင်ပါ။
လျှပ်စစ်မီးအိမ်၊ ဖယောင်းတိုင်း ရှေးဦးပြုစုခြင်းဆေးသေတ္တာနှင့် အခြားအရေးပေါ်ပစ္စည်းများ အသင့်ဆောင်ထားပါ။
လျှပ်စစ်မိန်းခလုတ် တည်ရှိရာနေရာကို သိထားပါ။
ငလျင်အန္တရာယ် ဇာတ်တိုက်လေ့ကျင့်မှုများနှင့် အခြားဘေးဒုက္ခဆိုင်ရာ ပညာ ပေး ပြန်ကြားမှုအစီအစဉ်များ စာသင်ကျောင်းများတွင် ဆောင်ရွက်ရန် တိုက်တွန်းအားပေးပါ။
ဥပမာ -
စပ် - ငလျင်လှုပ်လျှင် ဝပ်နေပါ။
mm - အကာအကွယ်ယူပါ။
ငြိū - ငြိမ်နေပါ
⦿ ငလျင်လှုပ်နေသောအချိန်
ကြောက်လန့်တကြားမဖြစ်ပါနှင့်။ အဆောက်အအုံတစ်ခု၊ သို့မဟုတ် အိမ်အတွင်း၌ရှိနေပါက အပြင်သို့ထွက်ရန် မကြိုးစားပါနှင့်။
စားပွဲအောက်၌နေခြင်း၊ ပုန်းခို၍ရသောနေရာ၌နေခြင်းတို့ဖြင့် သင့်ကိုယ်သင်ကာကွယ်ပါ။ မှန်ပြတင်းတံခါးများနှင့် ဝေးအောင်နေပါ။
အကယ်၍အဆောက်အအုံပြင်ပ၌ရှိနေပါက နေမြဲတိုင်းနေပါ။ ဓာတ်ကြိုး ဓာတ်တိုင်များလဲကျခြင်း၊ သစ်ပင်များ၊ အုတ်နံရံများ ပြိုလဲကျမည့်နေရာမှ လွတ်ကင်းအောင်နေပါ။
ဓာတ်ငွေ့သိုလှောင်ကန်များအနီး၌ မီးခြစ်မဖြစ်ပါနှင့်။ ဓာတ်လှေကားမစီးပါနှင့်၊ လိုအပ်ပါက ရိုးရိုးလှေကားသာသုံးပါ။
တံတားများ၊ ခုံးကျော်တံတားများပေါ်၌ ယာဉ်မောင်းနှင်ခြင်းမပြုပါနှင့်။ ဘေးကင်းမည့်နေရာသို့ မောင်းသွားပြီး ရပ်ထားပါ၊ ကားထဲတွင်နေပါ။
အကယ်၍ ငလျင်လှုပ်ချိန်တွင် သင်သည် ရေအိုင်၊ ပင်လယ်၊ သမုဒ္ဒရာများအနီးအနားသို့ရောက်ရှိနေပါက ကုန်းမြေမြင့်ရှိရာသို့ ချက်ခြင်းပြေးတက်၍ ဆူနာမီရေလှိုင်းများက ပင်လယ်အတွင်းသို့ ဆွဲချခြင်း မခံရအောင်ရှောင်တိမ်းပါ။
အထပ်မြင့်အဆောက်အအုံများအတွင်း လူအများပိတ်မိနေပါက စုပြုံတိုးထွက်ခြင်းမပြုပါနှင့်။ တည်ငြိမ်မှုရှိပါ။ ပြတင်းပေါက်၊ ဝရန်တာများအနီးတွင် မနေပါနှင့်၊ ခုန်မချပါနှင့်၊ ပြုတ်ကျလာသော အကျိုးအပဲ့အပိုင်းအစများ မထိအောင် သင့်ကိုယ်သင်ကာကွယ်ပါ။
⦿ ငလျင်လှုပ်ပြီးသောအချိန်
မိမိကိုယ်တိုင်နှင့် အခြားသူများ ထိခိုက်ပြတ်ရှမိခြင်းများ ရှိမရှိစစ်ဆေးပါ။ ရှေးဦးပြုစုခြင်းလိုအပ်ပါက စီမံဆောင်ရွက်ပါ။
လျှပ်စစ်မီးကြိုးများ၊ ရေပိုက်များ၊ လောင်စာဆီသိုလှောင်ကန်များကို စစ်ဆေးပါ။ ပျက်စီးမှုရှိပါက ဖြတ်တောက်ပါ ပိတ်ထားပါ။
ရှူးဖိနပ်၊ သို့မပ သို့မဟုတ် လည်ရှည်ဖိနပ်များစီး၍ သင်၏ခြေထောက်အား မှန်အကွဲအစများ မစူးရှအောင်ကာကွယ်ပါ။
ပေါက်ပြဲ၍လျှပ်စစ်စီးနေသော ဝိုင်ယာကြိုးများကို သက်ထားပါ။ လျှပ်စစ်ဌာနသို့ ဓာတ်အားဖြတ်တောက်ပေးရန် အကြောင်းကြားပါ။
ပင်လယ်အနီးသို့သွားရောက်ခြင်းမပြုပါနှင့်။ ငလျင်လှုပ်ပြီးသွားသော်လည်း ဆူနာမီ ရေလှိုင်းဖြစ်ပေါ်နိုင်ပါသည်။
အရေးပေါကိစ္စအတွက်သာ တယ်လီဖုန်းအသုံးပြုပါ။
မှင်တက်မနေပါနှင့်၊ ဆက်လက်ဆောင်ရွက်ရမည့်ကိစ္စများအတွက် အသင့်ပြင်ပါ။
ပျက်စီးနေသောအဆောက်အအုံများနှင့် ဝေးရာတွင်နေပါ၊ အချိန်မရွေးပြိုကျလာနိုင်ပါသည်။
သင့်ရပ်ရွာ၏ အရေးပေါ်အစီအစဉ်များအတိုင်း လိုက်နာပါ။
သင်နေထိုင်ရာအရပ်မှ ရွှေ့ပြောင်းလိုလျှင် မည်သည့်နေရာသို့သွားမည်ကို အခြားတစ်စုံတစ်ဦးအား သေချာစွာအသိပေးပါ။ အရေးပေါ်လိုအပ်သည့်ပစ္စည်းများ တစ်ပါတည်းယူဆောင်သွားပါ။
မြန်မာနိုင်ငံကြက်ခြေနီအသင်းနှင့် အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်ဒရေးရှင်းတို့မှ ပူးပေါင်း၍ထုတ်ဝေသည်။
Myanmar