Yadanar Pone Oversea Employment Agency, Yangon (2026)

07/10/2022

''ပြည်ပဆိုက်ရောက်'' အတွက် လေယာဥ်ကွင်းတွင် ဆောင်ရွက်ရမည့် အဆင့်ဆင့်

👉👉 ရှေ့ကတင်ခဲ့တဲ့ post မှာ ပြည်ပထွက်ခွာ အတွက် လုပ်ဆောင်ချက်အဆင့်ဆင့်တွေကို မျှဝေခဲ့ပြီးပြီမို့ ကျန်ရှိနေတဲ့ ပြည်ပဆိုက်ရောက်အတွက် လုပ်ဆောင်ပုံ အဆင့်ဆင့်ကိုဆက်လက်မျှဝေပေးလိုက်ပါတယ်။

📝📝 (၁) ပထမဦးစွာလေယာဥ်ပေါ်တွင် လေယာဥ်မောင်မယ်များမှ ကမ်းပေးသော Arrival form ကိုဖြည့်ထားရပါမယ်။

🚌🚌 (၂) လေယာဥ်ကွင်းသိုဆင်းသက်ပြီးလေယာဥ် ရပ်သွားသည့်အခါ ခရီးသည်များကို လာကြိုသော short ferry Bus လေးကို စီးရပါမယ်။ (တချို့လေယာဥ်ကွင်းတွေမှာ တန်းပြီးလန်းလျှောက်ရပါတယ်)

👮🛂📓(၃) Ferry ပေါ်မှဆင်းပြီး လေယာဥ်ကွင်းအဆောက်အဦးထဲကို လမ်းလျှောက်ဝင်သွားပါက ပထမဦးစွာ Immigration counter ကို ဖြတ်ရပါမယ်။ သူက Passport, Visa တို့ကိုစစ်ပြီးပြန်ပေးလိုက်ပါလိမ့်မယ်။ Arrival form ကိုတစ်ခြမ်း ဖြဲယူထားပြီး Departure အတွက်ဖြည့်စွက်ရန် ကျန်တခြမ်းကိုပြန်ပေးလိုက်ပါလိမ့်မယ်။

🛄🛄🏃🏃‍♀️(၄) ထို့နောက် Baggage claim နေရာကိုစုံစမ်းသွားပြီး ကိုယ့်ရဲ့ Luggage ပါလာသည်ကို စောင့်ယူရပါမယ်။ (လေယာဥ်ကွင်း ကြီးရင်ကြီးသလို Baggage Claim သို့ရောက်ရှိရန် အချိန်ကြာကြာလမ်းလျှောက်ရနိုင်ပါတယ်။) Luggage ကိုတွေ့ရှိပါက သူများ Luggage နှင့် မမှားစေရန် မိမိ Luggage ဖြစ်ကြောင်း သေချာစွာစစ်ဆေးပြီးမှ ယူရပါမယ်။

🏧💵💶 (၅) မိမိ၏ Luggage ကိုယူပြီးပါက ရောက်ရှိနေသောနိုင်ငံ၏ ငွေကြေးကို လေယာဥ်မထွက်မီမလဲလှည်ခဲ့မိပါက လက်ရှိရောက်ရှိနေသော လေယာဥ်ကွင်းရှိ Money Exchange တွင်လဲလှည်ရပါမယ်။

👨‍💼👩‍💼💾📲 (၆) ထို့နောက် လေယာဥ်ကွင်းထဲရှိ Mobile Sim Card အရောင်း Counter သို့သွားကာ Sim Card ဝယ်ရပါမယ်။ ကိုယ်သုံးမည့် အနေအထားနှင့်ချင့်ချိန်၍ Internet Package ကိုတစ်ခါထဲထည့်ခိုင်းပါ။

🚖🚖🏃🏃‍♀️
(၇) ထို့နောက် လေယာဥ်ကွင်း Exit ဆီသို့သွားကာ အပြင်ရောင်လျှင် မိမိလိုရာခရီးကို Taxi/ Cab ငှား၍သွားနိုင်ပါပြီ။

🛬🛬🏠🏙🌆 Axiom Yadanar Pone ရဲ့ ပရိတ်သတ်တွေအားလုံး လိုရာခရီးကို ချောချောမွေ့မွေ့ ရောက်ရှိကြပါစေဗျာ 🛬🛬🌈🌈 😊😊

30/09/2022

🛫🛫🛫 ဒီ post ဟာ ဘဝမှာ ပထမဦးဆုံး အနေနဲ့ လေယာဥ်ခရီးပျော်ပျော်စီး ကြမည့်သူတွေအတွက် လေယာဥ်ကွင်းရောက်မှ ဘာအရင်စလုပ်ရမလဲမသိပဲ ဖြစ်နေမှာစိုးလို့ မင်မင်က share ပေးမှာပဲဖြစ်ပါတယ်။ (Yangon International Airport ကိုအခြေပြု၍ရေးသားထားပါသည်)

⏱📟⏰ (၁) ပထမဦးဆုံအနေနဲ့ ပြည်ပထွက်ခွာလေယာဥ်စီးနင်းကြမဲ့ သူတွေဟာ လေယာဥ်ထွက်မဲ့အချိန်ထက် လေယာဥ်ကွင်းကို အချိန် ၂နာရီစောရောက်ရမှာဖြစ်ပါတယ်။

✈🏢 (၂) ပြည်ပထွက်ခွာလေယာဥ်တွေကို Terminal 1 (Yangon International Airport) မှာ Check-in ဝင်ရမှာဖြစ်ပါတယ်။

👮👮‍♀️🛄🛅 (၃) Terminal 1 ထဲကိုစဝင်ပြီဆိုတာနဲ့ အရင်ဆုံး လုံခြုံရေးစစ်ဆေးရေးဂိတ်ကိုဖြတ်ရပါမယ်။ လူကိုလည်းစစ်ဆေးပြီး Luggage တွေကိုလည်း scan ဖတ်စက်နဲ့ဖတ်မှာပါ။ သံသယ ရှိစရာဘာမှမရှိဘူးဆိုရင်တော့ လေယာဥ်ကွင်းထဲကို စရောက်ပါပြီ။

💵💶🏧🍔 (၄) ကိုယ်သွားရမဲ့ နိုင်ငံရဲ့ ငွေကြေးကို မလဲလှယ်ရသေးဘူးဆိုရင်တော့ အထဲမှာရှိတဲ့ Money Exchanger မှာသွားလဲလို့ရပါတယ်။ (အပြင်မှာကြိုလဲထားတာကတော့ အကောင်းဆုံးပါပဲ။) Terminal 1ထဲမှာ Toilet, Convenience Store နဲ့ ထိုင်စားလိုရတဲ့စားသောက်ဆိုင်တချို့ရှိပါတယ် (Covid ကာလအတွင်းမှာ ဆိုင်တွေပိတ်ထားပါတယ်)။ စားစရာမှာပြီးရင်အချိန်စောင့်ရတာမို့ အချိန်ပိုစောရောက်မှ မှာစားဖို့ မင်မင့်အနေနဲ့အကြံပြုပါတယ်။

👮👮‍♀️💼🛄 (၅) ကိုယ်လက်မှတ်ဝယ်ထားတဲ့ Airline ရဲ့ Check-in Counter ဆီကို ရှာပြီးသွားရပါမယ်။ Counter ရောက်ပြီဆိုရင် အများသောအားဖြင့်တန်းစီနေတဲ့ သူတွေထဲဝင်ပြီးတန်းဆီရပါတယ်။ ကိုယ့်အလှည့်ရောက်ပြီဆို ရင် ဝယ်ထားတဲ့ လေယာဥ်လက်မှတ်/ E-ticket, Passport နဲ့ Visa တွေကိုပြရပါတယ်။ ဘယ်အိတ်ကို ကိုယ်နဲ့မကွာသယ်သွားမလဲြပရပါတယ်။ ကျန်အိတ်နဲ့ Luggageတွေ ကိုတော့ အလေးချိန် ချိန်ပြီး (သတ်မှတ်ထားတာထက်ပိုနေရင် အလေးချိန်ပို သယ်ဆောင်ခ ပေးဆောင်ရပါမယ်) လေယာဥ်ဝမ်းဗိုက်ထဲမှာ သယ်သွားပေးမှာမို့ Counter မှာထားခဲ့ရပါတယ်။ ဒါဆို Check-in လုပ်တာပြီးသွားပါပြီ။

🛂📸📒 (၆) Check-in ပြီးသွားပြီဆိုရင် အပေါ်ထက်ကိုတတ်မဲ့ စက်လှေကားရှိတဲ့နေရာကိုမေးသွားပြီး အပေါ်ထက်ကိုတက်လိုက်ပါ။ ပြီးရင် Immigration Counter ကိုဖြတ်ဖို့တန်းဆီရပါမယ်။ ကိုယ့်အလှည့်ရောက်ရင် Passport, Visa, လေယာဥ်လက်မှတ်တွေကို ပြရပါမယ်။ ကိုယ့်မျက်နှာကို ဓာတ်ပုံရိုက်ယူထားပါလိမ့်မယ်။ ပြုံးပြုံးလေးသာ အရိုက်ခံလိုက်ပါ။ 😄😄

👮💼👟👠🕶👓 (၇) နောက်ထက် လုံခြုံရေးဂိတ်တစ်ခုကိုထက်ဖြတ်ရပါမယ်။ ဖုန်း၊ ဖိနပ်၊ ခါးပါတ် စတဲ့ accessories တွေအကုန်ချွတ်ပြီး scan စက်ထဲကိုဖြတ်ရပါတယ်။ လူကိုလည်း စစ်ပါတယ်။

✈🏢 🏃🏃‍♀️ (၈) လုံခြုံရေးဂိတ်ကို ဖြတ်ပြီးပြီဆိုရင်တော့ ကိုယ့်လေယာဥ်လက်မှတ်မှာ ပါတဲ့ ကိုယ်စီးရမဲ့ Gate နံပါတ်ရှိတဲ့နေရာကိုမေးပြီး သွားရပါမယ် (ဥပမာ- Gate 2/C) ။ အဲ့ကိုသွားနေရင်း Duty-freeဆိုင်တွေကို ကျော်ဖြတ်သွားရမှာမို့ လိုချင်တာရှိရင် ဝယ်လို့ရပါတယ်။ ဂိတ်ကိုရောက်ပြီဆိုရင်တော့ လေယာဥ်လာတာကို အများနည်းတူထိုင်စောင့်ရပါမယ်။

👮‍♀️📕📓 (၉) လေယာဥ်ရောက်ပြီဆိုရင် နောက်ဆုံးလက်မှတ်စစ်တဲ့ counter ကိုဖြတ်ဖို့တန်းစီရပါတယ်။ ကိုယ့်အလှည့်ရောက်ရင် Passport, Visa နဲ့ လေယာဥ်လက်မှတ်တွေကိုပြရပါတယ်။ လေယာဥ်လက်မှတ်ရဲ့မလိုတဲ့ အခြမ်းကို သူတို့ဖြဲယူထားပါလိမ့်မယ်။ ပြီးရင်တော့ လျှောက်လမ်းအတိုင်း လျှောက်သွားပြီး လေယာဥ်ပေါ်ကိုတက်လို့ရပါပြီ။

🚍🚌🏃🏃‍♀️ တစ်ခါတလေမှာ လျှောက်လမ်းအတိုင်းမသွားရပဲ Ferry bus ကားလေးကိုစီးခိုင်းပြီး လေယာဥ်ဆီကိုခေါ်ဆောင်သွားပါလိမ့်မယ်။ လေယာဥ်ဆီရောက်ရင်ကားပေါ်ကဆင်းပြီး လေယာဥ်ပေါ်တက်ရပါမယ်။

🤗🤗🤗 လေယာဥ်ကွင်းမှာ ဆောင်ရွက်ရတဲ့ အဆင့်ဆင့်ကတော့ဒါပါပဲ။ စာဖတ်သူတွေအတွက် အကျိုးရှိတယ်ဆိုရင်တော့ comment မှာဝင်ရေးပေးသွားကြပါနော်။ Have an Happy Trip to you all. 🛫🛫🛫🌈🌈🌈

23/09/2022

✈✈✈ လေယာဥ်ကွင်းရောက်မှ သယ်မရလို့ ကိုယ့်ပစ္စည်းကိုထားခဲ့ရတဲ့အဖြစ်မျိုးကြုံခဲ့ဖူးပါသလား? မင်မင်ကတော့ကိုယ်တွေ့ကြုံခဲ့ဖူးပါတယ်။ 😢😢😭
ဒါကြောင့် လေယာဥ်ကွင်းမှာ ထားခဲ့ရမဲ့အတူတူ အိမ်ကထွက်ကတည်းက မလို့အပ်တဲ့ပစ္စည်းတွေကိုမယူဆောင်သွားမိစေအောင်လို့ မင်မင့်အနေနဲ့ လေယာဥ်ကွင်းရဲ့ ပစ္စည်းသယ်ဆောင်ရေးဆိုင်ရာ စည်းမျည်းတစ်ချို့ကိုမျှဝေပေးလိုက်ပါတယ်။ 💡💡💡

''ယောဥ်ကွင်းထဲ ဝင်ခွင့်မပြုရန် လုံခြုံရေးအရ တားမြစ်ထားသော ပစ္စည်းများ''
👉 ခဲယမ်းလက်နက်များ
👉 ပေါက်ကွဲမှုဖြစ်စေတတ်သော ပစ္စည်းများ
👉 မီးရှုးမီးပန်းများ
👉 ဓာတ်ငွေ့ပါသော ပစ္စည်းများ
👉 မီးလောင်လွယ်သော ပစ္စည်းများ
👉 တခြားအရာများကိုဖျက်စီးနိုင်သော သတ္ထုများ
👉 အဆိတ်အတောက်များ
👉 ရေဒီယိုသတ္တိကြွပစ္စည်းများ

'' လေယာဥ်ပေါ်သို့ လက်ဆွဲအနေဖြင့်သယ်ဆောင်ခွင့်မပြုသောပစ္စည်းများ ''

👉 ၁၀၀ မီလီလီတာထက် ကျော်သော အရည် (သို့) ဂျယ်များ (သို့) အရည်ထည့်စရာဘူးများ
👉 ၁ လီတာထက်ကျော်သော ထည့်စရာ အိတ်များ (အကြည်ရောင်သာဖြစ်ရမည်၊ လုံခြုံစွာချည်နှောင်ထားရမည်)
👉 ခရီးသည်တိုင်းတွင် လက်ဆွဲအိတ်အပြင် အိတ်အကြည်ရောင် တစ်လုံးသာ အပိုသယ်ခွင့်ရှိသည်။
👉 ချွန်ထက်သောပစ္စည်းများ
👉 သက်မှတ်ထားသောအလေးချိန်ထက်ကျော်လွန်သောပစ္စည်းများ (အလေးချိန် အပိုသယ်ခပေး၍သယ်ဆောင်နိုင်သည်)

*** မှတ်ချက် ***
သယ်သွားသောပစ္စည်းများ ခရီးစဥ်တစ်လျှောက်ကျိုးပဲ့မှုဖြစ်ခဲ့ပါက လေယာဥ်ကုမ္ပဏီများမှ တာဝန်ယူမည်မဟုတ်ပါ။ 🚫🚫

ကဲ ..... မင်မင်ကတော့ သိသင့်တာတွေ share ပေးပြီးသွားပြီဆိုတော့ စိတ်ချလက်ချ သယ်စရာရှိတာသယ်သွားလို့ရပြီနော်။ 😊😊😊

Have an Happy trip to all Axiom Yadanar Pone Fans. ✈✈🌈🌈

16/09/2022

လေယာဥ် စီးနင်းခြင်းဆိုင်ရာ ဝေါဟာရ (၅၇) လုံး

လေယာဥ်တစ်ခါမှ မစီးဖူးသေးတဲ့သူပဲဖြစ်ဖြစ် ၊ စီးဖူးပေမဲ့ လေယာဥ်ပေါ်က အသုံးအနုန်းတွေကို အပြည့်အဝနားမလည်သေးတဲ့သူပဲဖြစ်ဖြစ် ဒီဝေါဟာရ (၅၇) လုံးကိုကြေညက်ထားရင် ဘာမှကြောက်စရာမလိုတော့ပါဘူး။ ဒါကြောင့် မင်မင့်အနေနဲ့ အောက်က ဝေါဟာရ (၅၇) လုံးလုံးကို အလွတ်ကျက်ထားကြဖို့ တိုက်တွန်းလိုက်ပါတယ်။

Flight ticket = လေယာဥ်လက်မှတ်

Booking ticket = လက်မှတ်ဖြတ်ခြင်း

Air Line = လေကြောင်းလိုင်းဝန်ဆောင်မှုပေးသော ကုမ္ပဏီများ

Domestic = ပြည်တွင်း

International = ပြည်ပ/ နိုင်ငံတကာ

One-way = အသွားတစ်ကြောင်းတည်းဖြစ်သော

Round-trip = အသွားရော အပြန်ပါ ပါသော

First class = ပထမတန်းစား (အကောင်းဆုံး ခုံနေရာ)

Business class = အလယ်အလတ်တန်းစား ခုံနေရာ

Economy Class = စျေးသက်သာသော ပုံမှန်ထိုင်ခုံနေရာ

Security gate = လုံခြုံရေး စစ်ဆေးရာ ဂိတ်

Metal detector = သတ္ထုရှာဖွေရေးစက်

Trolley/Cart = လက်တွန်းလှည်း

Check-in counter = လက်မှတ်စစ်ဆေးရေးဂိတ်

Queue = တန်းစီသည်

Luggage/ Baggage = လက်ဆွဲသေတ္တာ

Carry-on Luggage = ကိုယ်နှင့်မကွာ သယ်ဆောင်သွားမည့် အိတ်/သေတ္တာ

Back pack = ကျောပိုးအိတ်

Baggage Claim = လက်ဆွဲသေတ္တာသယ်ယူမှု အတည်ပြခြင်း

Fragile = ကျိုးပဲ့လွယ်သော

Passport = ပတ်စပို့ (နိုင်ငံခြားခရီးသွား မှတ်ပုံတင် စာအုပ်)

Visa = ပြည်ပတွင် နေထိုင်ခွင့် စာရွက်စာတန်း

Immigration gate = လူဝင်မှုကြီးကြပ်ရေးဂိတ်

Escalator = စက်လှေကား

Departure = ထွက်ခွာခြင်း

Duty-free = အကောက်ခွန်လွတ်သော

Boarding pass = လေယာဥ်ပေါ်တတ်ခါနီးဖြည့်စွက်ရမည့် စာရွက်

Boarding Gate = လေယာဥ်စီးနင်းရမည့်ဂိတ်

Delay = လေယာဥ်နောက်ကျခြင်း

Ferry = ကြိုပို့ကား

Boarding = လေယာဥ်စီးနင်းခြင်း

Plane/ Air Plane = လေယာဥ်

Passengers = လေယာဥ်ခရီးသည်များ

Flight Attendance = လေယာဥ်မောင်/မယ်များ

Pilot = လေယာဥ်မှူး

Runway = လေယာဥ်ပြေးလမ်းကြောင်း

Seat = ထိုင်ခုံ

Aisle = လေယာဥ်ပေါ်ရှိ လူသွားလမ်း

Window seat = ပြတင်းပေါက်ဘက်အခြမ်းရှိထိုင်ခုံ

Aisle seat = လူသွားလမ်းဘက်အခြမ်းရှိထိုင်ခုံ

Seat pocket = ထိုင်ခုံနောက်ကျောရှိ ပစ္စည်းထည့်စရာ အိတ်သေးလေး

Overhead bin = ထိုင်ခုံခေါင်းပေါ်ရှိ ပစ္စည်းထည့်သိမ်းရာ စင်

Tray = ထိုင်ခုံနောက်ကျောရှိ ပစ္စည်းတင်စရာ ဗန်း

Seat-belt = ထိုင်ခုံခါးပတ်

Lavatory = အိမ်သာ

Cockpit = လေယာဥ် ဦးခေါင်းပိုင်း

Cabin = ခရီးသည်စီးနင်းရာလေယာဥ်အလယ်ပိုင်း

Take-off = လေယာဥ်ထွက်ခွာသည်

Meal = လေယာဥ်ပေါ်တွင်ကျွေးသော အစားအစာ

Oxygen mask = အောက်စီဂျင်ထုတ်ပေးသော နှာခေါင်းစည်း

Life vest = အသက်ကယ် အင်္ကျီ

Emergency exist = အရေးပေါ်ထွက်ပေါက်

Land = လေယာဥ်ဆင်းသက်သည်

Arrival = ဆိုက်ရောက်ခြင်း/ ရောက်ရှိခြင်း

Transit = တစ်ဆင့်ကူးပြောင်းစီးနင်းခြင်း

Cab/Taxi = တက္ကစီ

09/09/2022

သင်နိုင်ငံခြားမှာဘာလို့အလုပ်သွားလုပ်သင့်တာလဲ??? 😯😯✈✈

အပိုင်း (၃)

*** နိုင်ငံတကာ အဆက်အသွယ် ရှိသွားမယ် *** 🛫🌏📞👨‍👨‍👧‍👦

👉👉👉 နိုင်ငံခြားမှာ အလုပ်သွားလုပ်ပြီဆိုကတည်းက ကိုယ့်လိုပဲ တခြားနိုင်ငံကိုယ်စီကနေ အလုပ်လာလုပ်ကြတဲ့ လုပ်ဖော်ကိုင်ဖက်တွေနဲ့ ဆုံတွေ့ကြရမှာပါ။ အဲ့တော့ နိုင်ငံတကာမိတ်ဆွေတွေနဲ့ မိတ်ဖွဲ့ခွင့်ရမယ်ဗျ။ နိုင်ငံသားပေါင်းစုံရဲ့ အကြိုက် အလိုက်နဲ့ ရိုးရာဓလေ့တွေကို လေ့လာခွင့်ရမယ်။ ဒါဟာကိုယ့်အတွက်အကျိုးအမြတ်တစ်ခုပါပဲ။ 📈🎯🎯

👉👉👉 ဘာလို့ဆို ကိုယ်အပါအဝင် ကိုယ့်မိတ်ဆွေတွေထဲမှာ တစ်နေ့မှာ ကိုယ်ပိုင်လုပ်ငန်းရှင်တွေဖြစ်လာမဲ့ သူတွေပါတယ်။ 👨‍🔧👩‍🎨 Company တွေမှာထိပ်သီးရာထူးနဲ့ အလုပ်လုပ်နေကြမဲ့သူတွေလည်းပါတယ်။ 👨‍🏫👩‍🏫 ပညာတစ်ခုကို တစ်ဖက်ကမ်းခတ် ကျွမ်းကျင်သူဖြစ်လာမဲ့ သူတွေလည်းပါတယ်ဗျာ။🕵👨‍🍳👨‍🔬 လူတိုင်းဟာ ငယ်ရာကကြီးလာပြီး အမြင့်ကိုပိုတတ်လှမ်းဖို့ ကြိုးစားလာကြတာမို့ တနေ့ကိုယ်လည်းအမြင့်ရောက်လာတဲ့ အခါ ဒါမှမဟုတ် အမြင့်ရောက်ဖို့ လိုအပ်တဲ့အကူအညီတွေကိုတောင်းခံဖို့လိုလာတဲ့ အခါ ကိုယ့်ရဲ့နိုင်ငံတကာ မိတ်ဆွေတွေဆီကနေ အကြံဥာဏ်တွေယူပြီး ဒါမှမဟုတ် နိုင်ငံ နှစ်နိုင်ငံကြားအကျိုးတူစီးပွားတွေလုပ်ပြီး ပိုမိုဖြစ်ထွန်းအောင် ဆောင်ရွက်လို့ရတာပေါ့ဗျာ။🌉🌁🌈

👉👉👉 ဒါကတော့ မင်မင့်အနေနဲ့ အရေးကြီးတယ်လို့မြင်တဲ့ နိုင်ငံခြားမှာ အဓိက အလုပ်သွားလုပ်သင့်တဲ့အကြောင်းအရင်း (၃) ချက်ပေါ့ဗျာ။ (၁) နဲ့ (၂) ကို ရှေ့က Postတွေမှာကြည့်နိုင်ပါတယ်။ ⬅⬅

👉👉👉 Axiom Yadanar Pone ရဲ့ Fan တွေအနေနဲ့လည်း တခြားအရေးကြီးတဲ့ အချက်တွေ တွေးမိနေတယ်ဆို comment မှာ ရေးပြီး ဝင်ရောက်မျှဝေပေးကြပါဦး။ မျှဝေမှုတိုင်းအတွက် ကျေးဇူးတင်ရှိနေမှာပါ။ ⬇⬇📝📝🤗🤗

02/09/2022

သင်နိုင်ငံခြားမှာဘာလို့အလုပ်သွားလုပ်သင့်တာလဲ??? 😯😯✈✈

အပိုင်း (၂)

*** ပိုက်ဆံ ပိုစုမိမယ် *** 💵💶💰

👉👉👉 လူတချို့ကပြောကြတယ်ဗျ။ နိုင်ငံခြားအလုပ်သွားလုပ်လို့ပိုက်ဆံပိုရလည်း အစစအရာရာဈေးကြီးတော့ ပြန်ကုန်တာပဲ မထူးပါဘူးတဲ့။ ဒါဟာထူးနေတာကို ရှာမတွေ့သေးလို့ပြောတဲ့စကားပါ။ တကယ်တော့ ထူးကို ထူးပါတယ်။ ဘယ်လိုထူးပြီး ပိုက်ဆံပိုစုမိနိုင်မလဲ ဆိုတာကို ကျွန်တော်ရှင်းပြပါမယ်။ 🤔🤔🤔

👉👉👉 ဒီနိုင်ငံမှာ အလုပ်လုပ်လို့ တစ်လလုပ်ခလစာ ၅ သိန်းရတာကို သုံးစွဲအပြီး ၂၀% စုမိတယ် ဆိုပါစို့။ ဒါဆို ၁ သိန်းစုမိတာပေါ့ဗျာ။ နိုင်ငံခြားမှာ ဒီတူညီတဲ့အလုပ်ကိုပဲ လုပ်မယ်ဗျာ။ လစာကသူ့နိုင်ငံရဲ့သက်မှတ်နုန်းထားအရ သိန်း ၂၀ ရတယ်။ ဒါပေမဲ့ အစစအရာရာစျေးကြီးတော့ ဝင်ငွေရဲ့ ၁၀% ပဲစုမိတယ်ဗျာ။ အဲ့တော့ ၂ သိန်းစုမိတယ်ပေါ့။ 📝🖌📖📈📉

👉👉👉 အဲ့တော့ယှဥ်ကြည့်ရအောင်။ ကိုယ့်နိုင်ငံမှာ ၁လ ဝင်ငွေရဲ့ ၂၀% တောင်စုမိပေမဲ့ ၁သိန်းပဲစုမိတယ်။ သူ့နိုင်ငံမှာ ၁၀% ပဲစုမိပေမဲ့ ၂သိန်းတောင် စုမိတယ်။ ၁နှစ်ကြာသွားတဲ့အခါမှာကွာဟမှုက ၁၂သိန်း (၂ဆ) ရှိပါတယ်။ 💵💶💡💡💡

ကဲ ဒီလောက်ဆို မင်မင့်ရဲ့ fan တွေလည်း နိုင်ငံခြားမှာ အလုပ်သွားလုပ်တာဟာ ဘာကြောင့်ပိုက်ဆံပိုစုမိတယ်ဆိုတာ သဘောပေါက်လောက်ပါပြီ။ 😊😊😊

အပိုင်း (၂) အတွက်ကတော့ ဒီလောက်ပါပဲ။ နောက်အပတ် သောကြာနေ့မှာ အပိုင်း (၃) ကိုဆက်လက်ပြီးတင်ပေးမှာဖြစ်လို့ Axiom Yandanar Bon ပရိတ်သတ်တို့ရေ See You Again နော်...🤗🤗

26/08/2022

သင်နိုင်ငံခြားမှာဘာလို့ အလုပ်သွားလုပ်သင့်တာလဲ? ? 😮😮✈✈

အပိုင်း (၁)

*** ပိုကောင်းတဲ့ အတွေ့အကြုံ ***🌈🌈👨‍⚖️👩‍⚖️

ကိုယ့်နိုင်ငံထက်သာတဲ့ နိုင်ငံတစ်နိုင်ငံမှာ အလုပ်သွားလုပ်ပြီဆိုကတည်းက ပိုကောင်းတဲ့အတွေ့ အကြုံတွေရမှာက မလွဲမသွေပါပဲ။ ပိုကောင်းတဲ့ ပတ်ဝန်းကျင်လူနေမှု အဆင့်အတန်းတွေကို လေ့လာခွင့်ရမယ်ဗျာ။ ပိုကောင်းတဲ့ အသုံးအဆောင်ပစ္စည်း အသစ်တွေကိုလည်း ထိတွေ့ခွင့်ရမယ်။ ပိုကောင်းတဲ့ဝန်ဆောင်မှုအသစ်တွေကိုလည်း ကြုံတွေခွင့်ရမယ်ဗျာ။ 🌈🌈

ဒီလိုအစစအရာရာ ပိုကောင်းတဲ့နေရာမှာ ကျင်လည်နေရတာနဲ့ကိုတန်နေပါပြီ။ ဒါပေမဲ့ အဲ့ဒီ့ပိုကောင်းတဲ့ Product တွေ၊ Service တွေကို ဒီတိုင်းထိတွေ့ခံစားနေမဲ့အစား အဲ့ဒါတွေကိုယ့်ရဲ့မွေးရပ်နိုင်ငံမှာ မရှိသေးဘူးဆိုရင် အဲ့ဒါတွေကို ဘယ်လိုသယ်လာလို့ရမလဲ ကြံစည်ကြရမယ်ဗျ။ အဲ့ မရှိသေးတဲ့နေရာကို သယ်လာနိုင်ပြီဆိုရင်တော့ ကိုယ့်ရဲ့ အတွေ့အကြုံကနေ ရွှေဖြစ်ပြီပေါ့ဗျာ။ ဒါမှလည်းကိုယ့်တိုင်းပြည် ပိုချမ်းသာလာနိုင်မယ်။ 💡💵💶

ထိုနည်းတူပါပဲ ပိုကောင်းတဲ့စည်းမျဉ်း ၊ နိယာမ ၊ အနေအထိုင် တွေကိုသယ်လာပြီး ကိုယ်နိုင်ငံမှာပြန်မျှဝေမယ်ဆိုရင်လည်း ကိုယ့်တိုင်းပြည်ပိုတိုးတတ်လာမှာ အမှန်ပဲပေါ့ဗျာ။🏦🏭🏗

အပိုင်း (၁) အတွက်ကတော့ ဒီလောက်ပါပဲ။ နောက်အပတ် သောကြာနေ့တွေမှာလည်း အပိုင်း (၂) နဲ့ (၃) ကိုဆက်လက်ပြီးတင်ပေးမှာဖြစ်လို့ Axiom Yandanar Bon ပရိတ်သက်တို့ရေ Stay Tune နော်...🤗🤗

06/04/2022

နိုင်ငံခြားမှာ ပက်စပို့စ် ပျောက်သွားရင် ဘာဆက်လုပ်မလဲ ??

ပြည်ပနိုင်ငံများကို သွားရောက် လည်ပတ် တဲ့အခါ ခါးပိုက်နှိုက်ခံရတာ ၊ ကျပျောက်တာ ၊ အထားမှား အသိမ်းလွန်ပြီး နိုင်ငံကူး လက်မှတ် (ပက်စပို့စ်) ပျောက်သွားတာမျိုးက ဖြစ်တတ် ကြုံတတ်ပါတယ်..

ဒီလိုမျိုး ဖြစ်တဲ့အခါ ဘာဆက်လုပ်ရမှန်း မသိ မဖြစ်ရအောင်လို့ ဒီစာလေးကို အဆုံးထိ ဖတ်ကြည့်ပေးပါ

ပထမဆုံး အနေနဲ့ အရမ်းကြီး စိတ်မပူပါနဲ့..
နိုင်ငံတကာ အခြေစိုက် မြန်မာသံရုံးများက ရုံးဖွင့်ရက်အတွင်း မည်သူမည်ဝါဖြစ်ကြောင်းသက်သေခံ လက်မှတ် (Certificate of Identity) ပြန်လည် ပြုလုပ်ပေးပါတယ်။

သွားရောက် ဆက်သွယ်‌တဲ့အခါ ပိုမို လွယ်ကူမြန်ဆန်စေဖို့ ဒါလေးတွေ ယူသွား ဆောင်သွားဖို့ကိုတော့ ‌မမေ့နဲ့နော်

၁။ မြန်မာနိုင်ငံကူးလက်မှတ်အမှတ်၊ ထုတ်ပေးသည့်နေ့စွဲ လိုအပ်တာကြောင့် စာအုပ်ထဲမှာ ချမှတ်ထားပါ။ အပို မိတ္တူကူးထားရင် ပို‌ကောင်းပါတယ် ။ မိတ္တူလည်း ပျောက်သွားမှာမျိုး စိုးရိမ်တယ်ဆို Soft Copy နဲ့ Google Drive လိုမျိုးမှာ သိမ်းထားတာကတော့ စိတ်အချရဆုံးပါပဲ ။

၂။ ခါးပိုက်နှိုက်ခံရတာ ၊ ကျပျောက်သွားတာမျိုးဆိုရင် ပျောက်ဆုံးသောနေရာနဲ့ အနီးဆုံး ရဲစခန်းကို အကြောင်းကြားပြီး တိုင်ကြားစာကို သိမ်းထားပါ ။ မြန်မာသံရုံးသို့ ပျောက်ဆုံး‌ကြောင်း ဆက်သွယ်တဲ့အခါ တိုင်ကြားစာ လိုအပ်ပါတယ်။

၃။ မှတ်ပုံတင်မူရင်း ၊ သန်းခေါင်စာရင်း မိတ္တူ နဲ့ လိုင်စင် ဓာတ်ပုံ (၃) ပုံ လိုအပ်လို့ တစ်ခါတည်း ယူသွားပါ ။

သက်ဆိုင်ရာနိုင်ငံအလိုက် မြန်မာသံရုံးလိပ်စာများ၊ ဆက်သွယ်ရန် တယ်လီဖုန်းနံပါတ်များကို သိချင်တယ်ဆိုရင် နိုင်ငံခြားရေးဝန်ကြီးဌာန၏ ဝက်ဘ်ဆိုက် www.mofa.gov.mm တွင် ဝင်ရောက် လေ့လာနိုင်ပါတယ်။

အခုလိုမျိုး နိုင်ငံခြား သွားဖို့ ပြင်ဆင်နေသူတိုင်းအတွက် သိကိုသိထားရမယ့် ဗဟုသုတ နည်းလမ်းကောင်းတွေကို အမြဲ ‌‌ေ၀မျှပေးနေမှာ ဖြစ်လို့ Page ကို Like & Follow လုပ်ထားဖို့ မမေ့နဲ့နော်

31/03/2022

အင်တာဗျူးမှာ အလုပ်ခန့်ချင်လာအောင် ဘယ်လိုဖြေမလဲ ??

အရည်အချင်း၊ အရည်အသွေး မတိမ်းမယိမ်းနဲ့ အလုပ်လျှောက်သူတွေများလာတဲ့ ယနေ့ခေတ်မှာ လုပ်ငန်းရှင်တွေက ၀န်ထမ်းကို သေချာ စီစစ်ပြီး ရွေးချယ်လာကြပါတယ်။ ဒါကြောင့် ချောချောမွေ့မွေ ဖြေဆို နိုင်ဖို့ဆို ကြိုတင်ပြင်ဆင်မှုတွေ လိုကို လိုအပ်လာပါတယ် ။

ဒီအချက် တွေကိုသာ ကြိုပြင်ဆင်သွားပါ ။ ရလဒ်ကောင်း တစ်ခုကို ကျိန်းသေပေါက် ရပါလိမ့်မယ်..

ဒီအချက် (၅)ချက်ကို ပြင်ဆင်ထားပြီး အင်တာဗျူး မှာ ရလဒ်ကောင်းတွေ ရလာဖို့လည်း ဆုတောင်းပေးလိုက်ပါတယ် ရှင် ။

အခုလိုမျိုး နိုင်ငံခြား အလုပ်အကိုင်၊ အခွင့်အရေး နဲ့ သက်ဆိုင်ရာ အကျိုးရှိတာတွေကို ‌ေ၀မျှပေးနေတဲ့ ကျွန်မတို့ရဲ့ Page ကို Like & follow လုပ်ထားဖို့ လည်း မမေ့ပါနဲ့နော်

29/03/2022

ကိုယ်က ဘာသာစကားမှာ အားနည်းတယ်ဆို ဒီ App (၅) ခုကို ဖုန်းထဲတွင် ‌ ‌ဒေါင်းလုပ် လုပ်ထားပါ

ပြည်ပကို သွား‌‌ဖို့ ပြင်ဆင်နေသူ ဖြစ်ဖြစ် ၊ အကြောင်းအမျိုးမျိုး ကြောင့် ရောက်ရှိနေပေမယ့် ဘာသာစကား က အခက်အခဲ တစ်ခု ဖြစ်နေသေးတယ်ဆို ဒီ app (၅) ခု ကိုသာ ‌‌‌ဒေါင်းလုပ် လုပ်ထားလိုက်ပါ။

ဘယ်အချိန် ၊ ဘယ်နေရာကိုပဲ သွားသွား ယုံကြည်မှု ရှိရှိနဲ့ ပြောဆို ဆက်သွယ်နိုင်ပါလိမ့်မယ်။

တကယ် အကျိုးရှိပြီး အသုံး၀င်တဲ့ အက်ပလီကေးရှင်း(၅)ခု မလို့ ဘာသာစကား အားနည်းတဲ့ သူတိုင်း အထောက်အကူ ဖြစ်အောင် အခု ပိုစ့်လေးကို Public နဲ့ share ပေးသွားပါ။

အခုလိုမျိုး နည်းလမ်းကောင်းတွေ အမြဲ ‌ေ မျှပေးနေမှာ ဖြစ်လို့ Page ကို Like & Follow လုပ်ထားဖို့ မမေ့နဲ့နော်

၁။ Google Translate

Google Translate အက်ပလီကေးရှင်းက ကိုယ်ပြောချင် ၊ မေးချင်တဲ့ စကားကို မိခင်ဘာသာစကား ဖြင့် စာရိုက် ၊ စကားပြော လိုက်တာရုံနဲ့ အခြား ဘာသာစကား တစ်ခုကို စက္ကန့်ပိုင်း အတွင်း ဘာသာပြန်ဆို ပေးနိုင်တယ် ။ ဓာတ်ပုံရိုက်ပြီး လည်း သိချင်တာကို ဘာသာပြန် နိုင်သလို အင်တာနက် ပိတ်ထားရင်တောင်မှ ဘာသာစကား (၅၉) မျိုးကို ပြန်ဆိုပေးနိုင်ပါသေးတယ် ။ အင်တာနက် နဲ့ ဆိုရင်တော့ (၁၀၈) မျိုးထိ ဘာသာပြန်ဆို နိုင်ပါတယ်။ ဒါတင်ပဲလား ဆိုတော့ မဟုတ်ပါဘူး ။ ကိုယ်အမြဲ ပြောဖို့လိုအပ်တဲ့ စကားစု တွေကိုလည်း အက်ပလီကေးရှင်းထဲမှာ သိမ်းထားလို့ ရလို့ လိုအပ်တဲ့အခါ ဖွင့်လိုက်ရုံဖြင့် အခြားသူတွေနဲ့ လွယ်လင့်တကူ ဆက်သွယ်နိုင်ပြီပေါ့။

ကမ္ဘာအနှံ အသုံးပြု ၁ ဘီလီယံ ကျော်ပြီး ဖုန်းထဲတွင် အလွယ်တကူ ဒေါင်းလုပ် လုပ်နိုင်ပါတယ်။

‌ဒေါင်းလုပ် လုပ်ရန်လင့်ခ် >>https://play.google.com/store/apps/details?id=com.google.android.apps.translate

၂။ Voice Tra

ကိုယ်ပြောချင်တဲ့ စကား ကို အလွယ်တကူ ပြောလိုက်ရုံနဲ့ အခြား ဘာသာစကား ကို တစ်ခါတည်း ဘာသာပြန်ဆိုပေးနိုင်ပြီး အသံထွက်မှားသွားမှာ ကို စိတ်ပူစရာ မလိုတဲ့ အတွက် ပြည်ပသို့ ခရီးသွားတဲ့ အခါ အသုံး၀င်တဲ့ အက်ပလီကေးရှင်း တစ်ခုပါ ။

အာရှနိုင်ငံ အားလုံး နီးပါး နဲ့ ဥရောပ နိုင်ငံ အနည်းရဲ့ ဘာသာစကား တွေကို အလွယ်တကူ ဘာသာပြန် ပေးနိုင်ပြီး သုံးစွဲသူ ၁ မီလီယံ ကျော် ရှိပါတယ်။

‌ဒေါင်းလုပ် လုပ်ရန်လင့်ခ် >> https://play.google.com/store/apps/details?id=jp.go.nict.voicetra

၃။ U Dictionary Translator

ဒီ အက်ပလီကေးရှင်းလေးက စာရိုက် ၊ စကားပြော ၊ ဓာတ်ပုံရိုက်ပြီး ဓာတ်ပုံကနေ တစ်ဆင့် အခြားဘာသာ စကား အမျိုးပေါင်း ၁၀၈ မျိုးကို ဘာသာ ပြန်ပေးနိုင်ရုံသာမက ကိုယ်မသိတဲ့ စကားလုံးတွေရဲ့ အဓိပ္ပာယ်ကို ရှာနိုင်တဲ့ အဘိဓာန် ( Dictionary ) လိုပါ အသုံးပြုနိင်ပါသေးတယ်။ Oxford Dictionary ဘာသာစကား (၁၂) မျိုး ထိ အသုံးပြုနိုင်ပြီး သဒ္ဒါ ( Grammar) ၊ လေယူလေသိမ်း အမှားတွေကို ပြင်ပေးလို့ တစ်ခု ထဲနဲ့ ပြီးပြည့်စုံတဲ့ အက်ပလီကေးရှင်း ကောင်း တစ်ခုပါ။

ဘာသာစကား လေ့လာ နေသူတွေ အတွက် ဒေါင်းလုပ် လုပ်ထားရမယ့် အက်ပလီကေးရှင်း ကောင်း တစ်ခုပါ။

‌ဒေါင်းလုပ် လုပ်ရန်လင့်ခ် >> https://play.google.com/store/apps/details?id=com.youdao.hindict

၄။ Hi Translate

အပေါ်က အက်ပလီကေးရှင်း (၃) ခုနဲ့ ကွာသွားတာက ‌ဒေါင်းလုပ်လိုက်တာ နဲ့ ဖုန်းမှာ အက်ပလီကေးရှင်း icon အပြင် floating ball လေးပေါ်လာလို့ ကိုယ်က နိုင်ငံခြားသား မိတ်ဆွေတစ်ယောက်နဲ့ မက်ဆင်ဂျာ ကနေ စကားပြောနေရင်း ဘာသာပြန်ဖို့ လိုအပ်လာတဲ့အခါ မက်ဆင်ဂျာကနေထွက်လိုက်စရာမလိုဘဲ floating ball ကို နိုပ်ပြီး ဘာသာပြန်လိုက်ရုံပါပဲ။

အသုံးပြုသူ ၁၀၀ မီလီယံကျော်ရှိတဲ့ အက်ပလီကေးရှင်းကို ဒီကနေ အလွယ်တကူ ‌ဒေါင်းလုပ် လုပ်ပါ။

‌ဒေါင်းလုပ် လုပ်ရန်လင့်ခ် >> https://play.google.com/store/apps/details?id=com.zaz.translate

၅။ All Language Translator

ပထမဆုံး Google Translate နဲ့ အသုံးပြုနိုင်ပုံချင်း ဆင်တူပါတယ် ။ ဒီ အက်ပလီကေးရှင်း ၅ ခုထဲမှာတော့ သူက review အကောင်းဆုံး ၄.၆ ထိ ရရှိထားပြီး အသုံးပြုသူ ၁၀ မီလီယံကျော်ရှိနေပါပြီ။

‌ဒေါင်းလုပ် လုပ်ရန်လင့်ခ် >> https://play.google.com/store/apps/details?id=com.mobiletranstorapps.all.languages.translator.free.voice.translation

26/03/2022

နိုင်ငံရပ်ခြားကို ပထမဆုံးအကြိမ် သွားမယ်ဆို ဒါတွေ ပြင်ဆင်သွားပါ...

ယနေ့ခေတ်ကာလမှာ မိခင်နိုင်ငံကို စွန့်ခွာပြီး ရေကြည်ရာ မြက်နုရာ ပြည်ပနိုင်ငံကို သွားရောက် လိုသူ နူန်းထားက သိသိသာသာ မြင့်တတ်လာပါတယ် ။

အိပ်မက်တွေ ၊ ရည်မှန်းချက်တွေ အတွက် ပြည်ပကို သွားရောက်ပြီး ပညာသင်လိုသူ ၊ အလုပ်လုပ်ကိုင် လိုသူ အနေနဲ့ မသွားခင် ဘာတွေ ပြင်ဆင်ထားရမလဲ ဆိုတာ မှတ်ရလွယ်အောင် အချက်လေးတွေ နဲ့ ‌ဝေ မျှပေးလိုက်ပါတယ်။

နိုင်ငံခြားသွားဖို့ ပြင်ဆင်နေသူ တစ်ဦး အနေနဲ့ ဒီအချက်လေးတွေကို ဖတ်ပြီးတော့ အကျိုးရှိတယ်ဆိုရင် အခြားသူတွေလည်း သိရအောင် ပိုစ့်ကို public နဲ့ share ပေးသွားပါရှင် ။

Page ကို Like & Follow လုပ်ထားဖို့ မမေ့နဲ့နော်..

23/03/2022

ဘာသာစကား တစ်ခုထက် ပိုပြီး တတ်ကျွမ်းခြင်း အကျိုးကျေးဇူး

မိခင်ဘာသာစကားတစ်မျိုးပဲ ပြောတတ်သူနဲ့ ဘာသာစကား နှစ်မျိုး၊ သုံးမျိုး ပြောတတ်တဲ့သူ ဘာတွေ ကွာခြားမယ်လို့ ထင်ပါလဲ??🤔

အလုပ်အကိုင် အခွင့်အလမ်း တစ်ခုနဲ့ပဲ နိူင်းယှဥ် ကြည့်မယ်ဆိုရင် ဘာသာစကား နှစ်မျိုး (သို့) သုံးမျိုးခန့် ကျွမ်းကျွမ်းကျင်ကျင် ပြောတတ်သူတွေက တစ်ပန်းပိုသာနေတာကို တွေ့ရပါတယ်။ ဒါအပြင်

- ခရီသွားတဲ့ အခါ အခက်အခဲ မရှိ သွားလာနိုင်ခြင်း
- ဦးနှောက်မှတ်ညဏ် စွမ်းရည် ပို မြင့်မားလာခြင်း
- တစ်ခုထက်ပိုသော အလုပ်ကို တစ်ပြိုင်နက် လုပ်ဆောင်နိုင်ခြင်း စတဲ့ ကောင်းကျိုး တွေလည်း ပိုင်ဆိုင်နိုင်ပါသေးတယ်။

အထူးသဖြင့် ကိုယ်က နိုင်ငံရပ်ခြားသို့ သွားရောက်ဖို့ စိတ်ကူးရှိရင် သွားရောက်မည့် နိုင်ငံရဲ့ မိခင်ဘာသာစကားကို သင်ယူထားခြင်းကလည်း လုပ်ငန်းခွင် တွင်သာမက အနာဂတ် နေထိုင်မှု အတွက်ပါ အကျိုးသက်ရောက်မှု များစွာရှိပါတယ်။

ဥပမာ
- အလုပ်အကိုင် အခွင့်အလမ်းများမယ်
- ရာထူး တိုးဖို့ အခွင့်အရေး ပိုရှိတယ်
- ကောင်းမွန်စွာ ပြောဆို ဆက်ဆံနိုင်တဲ့ အတွက် အပေါင်းအသင်း ပိုများတယ်

ဒီအချက်တွေက ဘာသာစကား တစ်ခုထက် ပိုပြီး တတ်မြောက်ထားရုံနဲ့ တင် ရရှိနိုင်တဲ့ အားသာချက်တွေပါ ။ ဒါကြောင့် ဘာသာစကား အသစ်တစ်ခုကို အချိန်တိုအတွင်း ထိထိရောက်ရောက် လေ့လာနိုင်ဖို့ အချက် (၅)ချက် ကို ‌‌‌ဝေမျှ ပေးလိုက်ပါတယ် ရှင်

တစ်ပုံချင်း ထိပြီး ဖတ်ကြည့်ပေးနော်..🤗

အဆုံးထိ ဖတ်ပြီးလို့ ကိုယ့်အတွက် အကျိုးရှိတယ်ဆို အခြားသူတွေလည်း သိရအောင် ပို့စ်ကို share ပေးသွားပါဦး။

ပြည်ပကိုသွားရောက် ဖို့ ပြင်ဆင်နေသူတိုင်း အတွက် သိထားရမယ့် အကြောင်းအရာတွေကို အမြဲ ဝေ မျှပေးသွားမှာ ဖြစ်လို့ Page ကို Like & Follow လုပ်ထားဖို့ မမေ့နဲ့နော်

Yadanar Pone Oversea Employment Agency

07/10/2022

30/09/2022

23/09/2022

16/09/2022

09/09/2022

02/09/2022

26/08/2022

06/04/2022

31/03/2022

29/03/2022

26/03/2022

23/03/2022

Address

Opening Hours

Website

Alerts

Contact The Business

Shortcuts

Share

Category