20/04/2026
📍Breaking News📍..............
ဂျပန်နိုင်ငံမြောက်ပိုင်း Sanriku ကမ်းလွန်ပင်လယ်ပြင်တွင် ယနေ့ (ဧပြီလ ၂၀ ရက်၊ ၂၀၂၆ ခုနှစ်) ညနေ ၄:၅၃ နာရီက အင်အား ၇.၅ အဆင့်ရှိ အင်အားပြင်းငလျင်တစ်ခု လှုပ်ခတ်သွားခဲ့သည်။
ထိုငလျင်ကြောင့် ဂျပန်မိုးလေဝသဌာနက အီဝတေး (Iwate) စီရင်စုနှင့် ဟော့ကိုင်းဒိုး (Hokkaido)၊ အာအိုမိုရီ (Aomori) ဒေသအချို့အတွက် ဆူနာမီ သတိပေးချက် (Tsunami Warning) ထုတ်ပြန်ထားသည်။ ထိုဒေသများတွင် အမြင့် ၃ မီတာ (၁၀ ပေခန့်) အထိရှိသော ဆူနာမီလှိုင်းများ ရိုက်ခတ်နိုင်သည်ဟုခန့်မှန်းထားပါသည်။
ထို့ပြင် ဟော့ကိုင်းဒိုး (Hokkaido)၊ အာအိုမိုရီ (Aomori)၊ မိယာဂီ (Miyagi) နှင့် ဖူကူရှီးမား (Fukushima) စီရင်စုတို့အတွက်လည်း ဆူနာမီ သတိပေးနှိုးဆော်ချက် (Tsunami Advisory) ထုတ်ပြန်ထားပြီး ထိုနေရာများတွင် ရေမျက်နှာပြင်အမြင့် ၁ မီတာ (၃ ပေခန့်) အထိ တက်လာနိုင်ခြေရှိသည်ဟု ခန့်မှန်းထားပါသည်။
----------------------
လက်ရှိသိရှိရသော အဓိကအချက်အလက်များမှာ -
♦ ငလျင်အင်အားမှာ Magnitude 7.5 (အနက် ၁၀ ကီလိုမီတာ)။
♦ အပြင်းထန်ဆုံးဒေသများမှာ အာအိုမိုရီခရိုင်တွင် ဂျပန်ငလျင်တိုင်းတာမှုစနစ်အဆင့် "Upper 5" အထိ ခံစားခဲ့ရသည်။
♦ အမြင့်ဆုံးသတိပေးချက် (၃ မီတာအထိ): Iwate, Part of Hokkaido, & Aomori
♦ အထူးသတိပြုရန် (၁ မီတာအထိ): Hokkaido, Aomori, Miyagi, Fukushima
♦ သယ်ယူပို့ဆောင်ရေး: တိုဟိုကုရှင်ကန်းဆင် (Tohoku Shinkansen) ရထားပြေးဆွဲမှုများကို ဘေးကင်းလုံခြုံရေးအတွက် ရပ်နားထားသည်။
♦ နျူကလီးယားစက်ရုံများ: ဖူကူရှီးမား၊ အိုနာဂါဝါနှင့် ဟီဂါရှီဒိုရီ စက်ရုံများတွင် ထိခိုက်မှုရှိမရှိ အာဏာပိုင်များက အနီးကပ်စစ်ဆေးလျက်ရှိပြီး လတ်တလောတွင် ပုံမှန်မဟုတ်သော အခြေအနေများ မတွေ့ရှိရသေးပါ။
**တိုကျိုလျှပ်စစ်စွမ်းအားကုမ္ပဏီ (TEPCO) က ဖူကူရှီးမား ဒါအိအိချိ (Daiichi) နှင့် ဒါအိအိနိ (Daini) နျူကလီးယားစက်ရုံများတွင် ထိခိုက်မှုရှိမရှိ စစ်ဆေးနေသည်။
**တိုဟိုကုလျှပ်စစ်စွမ်းအားကုမ္ပဏီသည်လည်း မီယာဂီခရိုင်ရှိ အိုနာဂါဝါ (Onagawa) နှင့် အာအိုမိုရီခရိုင်ရှိ ဟီဂါရှီဒိုရီ (Higashidori) စက်ရုံများကို စစ်ဆေးလျက်ရှိသည်။
**ဖူကူရှီးမား ဒါအိအိနိ စက်ရုံတွင်မူ လတ်တလော ထူးခြားမှုတစ်စုံတစ်ရာ မရှိသေးကြောင်းနှင့် စက်ရုံပတ်ဝန်းကျင်ရှိ ရောင်ခြည်ဖြာထွက်မှုနှုန်းမှာလည်း ပြောင်းလဲခြင်းမရှိကြောင်း သိရသည်။
♦ ကမ်းရိုးတန်းအနီးတွင် နေထိုင်သူများအနေဖြင့် မြင့်မားသော ကုန်းမြေများပေါ်သို့ အမြန်ဆုံး ရွှေ့ပြောင်းကြရန် ဂျပန်မိုးလေဝသဌာနက တိုက်တွန်းထားပါသည်။
Credit : NHK World Japan
