What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/208490106003124/

Rahmonnya Peace Foundation, No. (104), Aung San Road, Myine Tharyar Qtr, Mawlamyine (2026)

08/12/2022

16 Days of Activism

10/06/2022

ကောံဓရီုသ္ရီဂၠိပ် သၠာဲဂတ:လညာတ် သွက်တန်ဗ္တောန် အရာပြုပြေၚ်အုပ်ဓုပ်
ကောပ်ကာဲခိုဟ်
(Good Governance −Exchange Program Workshop)
----------------------------------------------------------------------------------------------------------
နူဂကောံၜိုဟ်လလံရာမည (RPF) ကေတ်တာလျိုၚ်တုဲ ကၠောန်ကောံဓရီုသ္ရီဂၠိပ် သၠာဲဂတ:လညာတ် သွက် တန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ် (Good Governance -Exchange Program Workshop) ကု သွာၚ်ဂကောံမှာဇန်မန်ဆက်စပ် ကု ဗော်ဍုၚ်မန်တၟိဂမၠိုၚ်နွံရ။
ကောံဓရီု၀ွံ ကၠောန်ဗဒှ်လ၀် ပ္ဍဲစၟတ်တ္ၚဲ (၁၀/ ၀၆/ ၂၀၂၂) ပွိုၚ် (၁) တ္ၚဲ၊ ပ္ဍဲဟို၀်တေ၀်ရာမည၊ ဍုၚ်မတ်မလီု မဒှ်ရ။ ကောံဓရီုသ္ရီဂၠိပ် သၠာဲဂတ:လညာတ်ဝွံ ဒုၚ်သ္ဇိုၚ်ကဵု တန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ် ကဵု နတဲဗၟံက်ရုပ်ရဴတုဲ သဳကၠဳပတိုန်ထ္ၜ:သီဂၠိပ်လ၀်ရောၚ်။
ပ္ဍဲကောံဓရီုသၠာဲဂတ:လညာတ်၀ွံ ဥက္ကဌ ဂကောံၜိုဟ်လလံရာမည နာဲအံၚ်သြန် သောၚ်ကလ:တၚ်ရန်တၟံ ကၠောန်ကောံဓရီု သၠာဲဂတ:လညာတ် ပွိုၚ်(၁)တ္ရဲတုဲ ည:တိုန်စိုပ်တအ်ဂမၠိုၚ် ဒုၚ်သ္ဇိုၚ်ကဵု တန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ်တုဲ သီဂၠိပ်သဳကၠဳ စပ်ကဵုပရူပရာ တန်ဗ္တောန်အရာပြုပြေၚ်အုပ်ဓုပ် ကောပ်ကာဲ ခိုဟ်/ က္ဍိုက်ပရူ/ သဘာဓရ် ကေုာံ နတဲ၊ ကလေၚ်သောၚ်ကလ: ပါ်ပရအ်လညာတ် ကုဂကောံ တၞဟ်ဟ်ဂမၠိုၚ်၊ ဒုၚ်သ္ဇိုၚ်ကဵု တန်ဗ္တောန်အရာပြုပြေၚ်အုပ်ဓုပ်ကောပ်ကာဲခိုဟ်တုဲ သဳကၠဳစပ်ကဵု နတဲဗၟံက်ရုပ် ရဴဂမၠိုၚ်၊ (တၚ်ဂွံဇြဟတ်/တၚ်အံၚ်ဇၞ:၊တၚ်ခက်ခုဲ၊ နဲကဲလဵု သုၚ်စောဲဗၟံက်အာရုပ်ရဴ၊ တၚ်ကဵုကသပ် ဌာန်ဂတဂမၠိုၚ်နွံရ။
ည:စၞ:တိုန်စိုပ်တအ်၀ွံ ည:စၞ:နူ ဌာနပညာ၊ ဌာနထတ်ယုက်၊ ကမ္မတဳစန်ဒက်ဂကောံည:ဗြဴမန်−ဗဍမတ၊ ဂကောံသၟတ်မန်လညာတ်တၟိ−MYPO၊ ဂကောံ ရေၚ်တၠုၚ်ကွတ်ကမၠောန် ဗော်ဍုၚ်မန်တၟိ−TAT၊ ဌာနဟံၚ်ပြာ်တၠ၊ အပံၚ်ဖအိုတ်မ္ဂ: ညးစၞး (၂၁) တၠ တိုန်စိုပ်လ၀်နွံရ။

24/05/2022

ကောံဓရီုသ္ရီဂၠိပ် သၠာဲဂတ:လညာတ် သွက်တန်ဗ္တောန် ပ္ညဳပ္ညပ်သောၚ်ကလ:ပဋိပက္ခ
(Interest Based Negotiation(IBN)−Exchange Program Workshop)

နူဂကောံၜိုဟ်လလံရာမည (RPF) ကေတ်တာလျိုၚ်တုဲ ကၠောန်ကောံဓရီုသ္ရီဂၠိပ် သၠာဲဂတ:လညာတ် သွက် တန်ဗ္တောန် ပ္ညဳပ္ညပ်သောၚ်ကလ:ပဋိပက္ခ (Interest Based Negotiation(IBN)-Exchange Program Workshop)ကု ညးတာလျိုၚ်ဗော်ဍုၚ်မန်တၟိ ကဆံၚ်ၚ်တအ် ဂမၠိုၚ်နွံရ။
ကောံဓရီု၀ွံ ကၠောန်ဗဒှ်လ၀် ပ္ဍဲစၟတ်တ္ၚဲ (၂၄/ ၀၅/ ၂၀၂၂) ပွိုၚ် (၁) တ္ၚဲ၊ ပ္ဍဲဟို၀်တေ၀်ရာမည၊ ဍုၚ်မတ်မလီု မဒှ်ရ။ ကောံဓရီုသ္ရီဂၠိပ် သၠာဲဂတ:လညာတ်ဝွံ ဒုၚ်သ္ဇိုၚ်ကဵု တန်ဗ္တောန် ပ္ညဳပ္ညပ်သောၚ်ကလ:ပဋိပက္ခ တုဲကၠုၚ်တေံ ကဵု နတဲဗၟံက်ရုပ်ရဴတုဲ သဳကၠဳပတိုန်ထ္ၜ:သီဂၠိပ်လ၀်ရောၚ်။
ပ္ဍဲကောံဓရီုသၠာဲဂတ:လညာတ်၀ွံ ဥက္ကဌ ဂကောံၜိုဟ်လလံရာမည နာဲအံၚ်သြန် သောၚ်ကလ:တၚ်ရန်တၟံ ကၠောန်ကောံဓရီု သၠာဲဂတ:လညာတ် ပွိုၚ်(၁)တ္ရဲတုဲ ည:တိုန်စိုပ်တအ်ဂမၠိုၚ် ဒုၚ်သ္ဇိုၚ်ကဵု တန်ဗ္တောန် ပ္ညဳပ္ညပ်သောၚ်ကလ:ပဋိပက္ခ တုဲ သီဂၠိပ်သဳကၠဳ စပ်ကဵုပရူပရာ နဲကဲပညဳပညပ် သောၚ်ကလ:ပဋိပက္ခ၊ ဒုၚ်သ္ဇိုၚ်ကဵု တၚ်နၚ်ပရူပရာ သောၚ်ကလ:/ပညဳပညပ်လ၀် ပြသၞာနာနာ တုဲ သဳကၠဳနကဵုဂကောံ၊ ကလေၚ် ပါ်ပရအ် လညာတ် ကုကောံ တၞဟ်ဟ်ဂမၠိုၚ်၊ Analysis ပံၚ်ဗစိုပ်ကဵု နဲကဲ IBN၊ သဳကၠဳစပ်ကဵု နတဲဗၟံက်ရုပ်ရဴ (တၚ်ဂွံ ဇြဟတ် /တၚ်အံၚ်ဇၞ:၊ တၚ်ခက်ခုဲ၊ တၚ်ကဵုကသပ် ဌာန်ဂတဂမၠိုၚ် နွံရ။
ည:စၞ:တိုန်စိုပ်တအ်၀ွံ ည:စၞ:နူ ခရိုၚ်သဓီု/ ခရိုၚ်မတ်မလီု/ ခရိုၚ်ထ၀ါဲ/ ပွိုၚ်ဍုၚ်ကျာ်ပိ ကေုာံ ပွိုၚ်ဍုၚ်ကၞောတ် ၜဳရေ၀် အပံၚ် ဖအိုတ်မ္ဂ: ည:စၞ: (၁၅)တၠ တိုန်စိုပ်လ၀်နွံရ။

05/04/2022

တရဴ သီဂၠိပ်သၟာန်သၟုက် သွက်တန်ဗ္တောန်ပညဳပညပ် သောၚ်ကလ: ပဋိပက္ခ (Mentoring Trips)
--------------------------------------------------------------------------
--------------------------------------------------------------------
နူဂကောံၜိုဟ်လလံရာမည(RPF) စှ်ေတရဴ သီဂၠိပ်သၟာန်သၟုက်(Mentoring trips) သွက် ည:တိုန်လ၀် တန်ဗ္တောန်ပညဳပညပ် သောၚ်ကလ: ပဋိပက္ခ(IBN)တအ်
ပ္ဍဲစၟတ်တ္ရဲ (၀၄/ ၀၄/ ၂၀၂၂) စဵုစိုပ် စၟတ်တ္ရဲ (၀၅/ ၀၄/ ၂၀၂၂) ပွိုၚ်(၂)တ္ရဲ၊ တုဲဒှ်အာဗွဲမအံၚ်ဇၞ:ရ။
တရဴသီဂၠိပ်သၟာန်သၟုက် (Mentoring trips)၀ွံ ဂကောံသီဂၠိပ်သၟာန်သၟုက်တအ် သောၚ်ကလ:တၚ်ရန်တၟံတရဴ၀ွံတုဲ ည:စၞ:တိုန်စိုပ်လ၀်တန်ဗ္တောန်ပညဳပညပ် သောၚ်ကလ:ပဋိပက္ခ(IBN)တအ် သဳကၠဳပတိုန်ထ္ၜ: သဘဴဓရ်ကဵု နတဲ ၜိုတ်လဵုဒှ်အထံက်အရီု သုၚ်စောဲလုပ်ကသုၚ်ကီု၊ၜိုတ်လဵုဒှ်ဂုဏ်ဖဵု ကိတ်ညဳကဵု နတဲကမၠောန်ကီု၊ ဗီုပြၚ်လဵု ည:တအ် သောၚ်ကလ:လ၀်ပြသၞာကီု သၟာန်သၟုက်သဳကၠဳဖဍိုက်ဗပေၚ်လ၀် နကဲကွတ်ပညဳပညပ် သောၚ်ကလ: ပဋိပက္ခ(IBN)တအ် နွံရ။
တရဴသီဂၠိပ်သၟာန်သၟုက်(Mentoring Trips)၀ွံ စှ်ေသၟာန်/သၟုက်လ၀် (၃)ဒၞာဲ၊
၁) သွာၚ်ဗဟဵုဂှ် ဒၞာဲရုၚ်ဌာန် ဂအုပ်ဗဟဵု ၊ည:စၞ:တိုန်စိုပ် (၅)တၠ၊ ၂) သွာၚ်ည:စၞ:ပွိုၚ်ဍုၚ်ကၞောတ်ၜဳရေ၀်ဂှ် ပ္ဍဲရုၚ်ပွိုၚ်ဍုၚ်ကၞောတ်ၜဳရေ၀်/ကွာန်ဂနဳ၊ ည:စၞ:တိုန်စိုပ် (၈)တၠ ကေုာံ ၃) သွာၚ်ည:စၞ:ခရိုၚ်ထ၀ါဲဂှ် ဒၞာဲရုၚ်ပွိုၚ်ဍုၚ်ရေ၀်သၠုၚ်ကျာ/ဗဒိုပ်၀ါဇြေန်၊ ည:စၞ:တိုန်စိုပ် (၁၂)တၠ၊ တိုန်စိုပ်သဳကၠဳလ၀်နွံရ။

22/03/2022

ကောံဓရီုသ္ရီဂၠိပ် သၠာဲဂတ:လညာတ် သွက်တန်ဗ္တောန်အရာပြုပြေၚ် အုပ်ဓုပ်ကောပ်ကာဲခိုဟ်
(Good Governance−Exchange Program Workshop)

နူဂကောံၜိုဟ်လလံရာမည (RPF) ကေတ်တာလျိုၚ်တုဲ ကၠောန်ကောံဓရီုသ္ရီဂၠိပ် သၠာဲဂတ:လညာတ် သွက်တန်ဗ္တောန် အရာပြုပြေၚ်အုပ်ဓုပ် ကောပ်ကာဲခိုဟ် (Good Governance-Exchange Program Workshop)ကု ည:တာလျိုၚ် ဗော်ဍုၚ်မန်တၟိ ကဆံၚ်ဆံၚ်ဂမၠိုၚ် နွံရ။

ကောံဓရီု၀ွံ ကၠောန်ဗဒှ်လ၀် ပ္ဍဲစၟတ်တ္ၚဲ (၂၂/ ၀၃/ ၂၀၂၂) ပွိုၚ် (၁) တ္ၚဲ၊ ပ္ဍဲဟို၀်တေ၀်ရာမည၊ ဍုၚ်မတ်မလီု မဒှ်ရ။ ကောံဓရီုသ္ရီဂၠိပ် သၠာဲဂတ:လညာတ်ဝွံ ဒုၚ်သ္ဇိုၚ်ကဵု တန်ဗ္တောန်အရာပြုပြေၚ် အုပ်ဓုပ်ကောပ်ကာဲခိုဟ် တုဲကၠုၚ်တေံကဵု နတဲဗၟံက်ရုပ်ရဴတုဲ သဳကၠဳပတိုန်ထ္ၜ:သီဂၠိပ်လ၀်ရောၚ်။

ပ္ဍဲကောံဓရီုသၠာဲဂတ:လညာတ်၀ွံ ဒု−ဒါရိုက်တာ(RPF) မိနန်ရတ် သောၚ်ကလ:တၚ်ရန်တၟံ ကၠောန်ကောံဓရီု သၠာဲဂတ:လညာတ် ပွိုၚ်(၁)တ္ရဲတုဲ ည:တိုန်စိုပ်တအ်ဂမၠိုၚ် ဒုၚ်သ္ဇိုၚ်ကဵု တန်ဗ္တောန်အရာပြုပြေၚ်အုပ်ဓုပ် ကောပ်ကာဲခိုဟ်တုဲ သဳကၠဳစပ်ကဵု နတဲဗၟံက်ရုပ်ရဴ(တၚ်ဂွံဇြဟတ်/တၚ်အံၚ်ဇၞ:၊ တၚ်ခက်ခုဲ၊ တၚ်ကဵုကသပ် ဌာန်ဂတဂမၠိုၚ်၊ နဲကဲလဵုသုၚ်စောဲဗၟံက်အာရုပ်ရဴ၊ တၚ်ကဵုကသပ်တၞဟ်ဟ်ဂမၠိုၚ်)နွံရ။

ည:စၞ:တိုန်စိုပ်တအ်၀ွံ (ဌာန်ဂအုပ်ဗဟဵု၊ ဌာနဇၞော်ပရေၚ်ဍုၚ်ကွာန်/ အုပ်ဓုပ်/ ပၞာန်၊ ဌာနဗွိုၚ်ပ္ဍဲဍုၚ်/ ဗွိုၚ်မ္ရ:ဍုၚ် မွဲဌာနမ္ဂ: ၁ တၠ အပံၚ်ည:စၞ:(၆)တၠ၊ ခရိုၚ်ထ၀ါဲ/ ခရိုၚ်သဓီု/ ခရိုၚ်မတ်မလီု မွဲခရိုၚ်မ္ဂ: (၁)တၠ အပံၚ် ည:စၞ: (၃)တၠ၊ ပွိုၚ်ဍုၚ်ဍာ်ဗု(၁)တၠ/ ရေ၀်သၠုၚ်ကျာ/ ရေ၀်သၟ၀်ကျာ/ ဇြပ်ဗု/ မုဟ်ဍုၚ်/ လှာ်ဒကှ်/ ကအ်ကြိက်/ ကျာ်မြဟ်/ ၜဳဂြာၚ်/ ပွိုၚ်ဍုၚ်ကၞောတ်ၜဳရေ၀်(၁)တၠ/ ကျာ်ပိ မွဲမွဲပွိုၚ်ဍုၚ်မ္ဂ: (၂)တၠ အပံၚ်ည:စၞ: (၂၀)တၠ၊ အပံၚ်ဖအိုတ်မ္ဂ: ည:စၞ: (၂၉)တၠ တိုန်စိုပ်လ၀်နွံရ။

20/03/2022

ကောံဓရီု သ္ရဳဂၠိပ်ပရေၚ်ကမၠောန်ရုၚ်ဆက်ဆောံ ကေုာံ ပ္ညဳပ္ညပ်လၟေၚ်ကမၠောန်ဂတဂမၠိုၚ်
Reflection and Coordination Meeting

နူဂကောံၜိုဟ်လလံရာမည (RPF) ကေတ်တာလျိုၚ်တုဲ ကၠောန်ဗဒှ် ကောံဓရီုသ္ရဳဂၠိပ်ပရေၚ်ကမၠောန် ရုၚ်ဆက်ဆောံကေုာံ ပ္ညဳပ္ညပ်လၟေၚ်ကမၠောန်ဂတဂမၠိုၚ်၊ စနူစၟတ်တ္ရဲ (၁၉ / ၀၃ / ၂၀၂၂) စဵုစိုပ် (၂၀ / ၀၃ / ၂၀၂၂) ပွိုၚ် (၂) တ္ရဲ၊ ပ္ဍဲဟို၀်တေ၀် Golden River၊ ဍုၚ်မတ်မလီု တုဲဒှ်အာ ဗွဲမအံၚ်ဇၞ:ရ။

ပ္ဍဲကောံဓရီု၀ွံ ည:တာလျိုၚ်ဗွိုၚ်အပ္ဍဲဍုၚ် ကေၚ်ကာဗဟဵု နာဲဗညာလဴ တိုန်စိုပ်ဟီုဂလာန်ပံက်ကောံဓရီုတုဲ ည:ကောပ်ကာဲဖန်ဇန်ကမၠောန်တအ် သောၚ်ကလ:ပတိုန်ထ္ၜ: လၟေၚ်ပရေၚ်ကမၠောန်ဂတ၊ ည:တိုန်စိုပ်တအ်သဳကၠဳစပ်ကဵု ဗီုပြၚ်လဵုဗၟံက်ရုပ်ရဴကမၠောန်၊ ဗီုပြၚ်ဆက်စၠောံနကဵုကမၠောန်၊ ဗီုပြၚ်ဖန်ဇန်ကောပ်ကာဲကမၠောန်ဂတ၊ သဳကၠဳ ပရေၚ်ဆက်စၠောံ ချဳဒရာၚ်ရုၚ်ဆက်ဆောံဂမၠိုၚ် (တၚ်ခက်ခုဲ/တၚ်ဂွံဇြဟတ်/ တၚ်ကဵုကသပ်ဌာန်ဂတ)၊ သဳကၠဳအခန် ကဏ္ဍသၠုၚ်ပတိုန်အသိၚ် ည:တာလျိုၚ်ည:ဗြဴ လုပ်ကေတ်တာလျိုၚ်ပ္ဍဲရုၚ်ဆက်ဆောံ၊ သဳကၠဳက္ဍိုပ်လိက်
တန်ဗတောန် သၠုၚ်လညာတ် ည:လျိုၚ်ရုၚ်ဆက်ဆောံ၊ ဗော်ဍုၚ်မန်တၟိ ကေုာံ
ဂကောံရုၚ်/တခဳရုၚ် တအ်နွံရ။

ည:စၞ:တိုန်စိုပ်ကောံဓရီု၀ွံ ညးစၞးရုၚ်ဆက်ဆောံ (၉) ရုၚ်(ရုၚ်ဆက်ဆောံမတ်မလီု၊ မုဟ်ဍုၚ်၊ ဇြပ်ဗု၊ ရေ၀်၊ ဍာ်တူ၊ ကျာ်ပိ၊ ဇိုၚ်ကျာ်၊ ကျာ်မြဟ် ကေုာံ ၀ၚ်က၊ မွဲရုၚ်မ္ဂး (၃) တၠ − အပံၚ်ည:စၞ:(၂၇)တၠ၊ ခရိုၚ်သဓီု၊ ခရိုၚ်မတ်မလီု၊ ခရိုၚ်ထဝါဲ မွဲခရိုၚ်မ္ဂ:
(၁)တၠ၊ အပံၚ်ည:စၞ: (၃)တၠ၊ ဗဟဵု (၁) တၠ ကေုာံ ဗွိုၚ်အပ္ဍဲဍုၚ် (၂) တၠ၊ အပံၚ်ဖအိုတ်မ္ဂ: ည:စၞ: (၃၃) တၠ တိုန်စိုပ်လ၀်နွံရ။

10/02/2022

ဆဵုဂဗသၟာန်သွဟ် ပရေၚ်ဂြိုပ်ဆု ကုညးဍုၚ်ကွာန်
------------------ *********** ----------------

တၞဟ်နဂွံကၠိုဟ်တီကေတ် အကာဲအရာဂြိုပ်ဆု၊ ပွဳပွူသဘာဝ ကေုာံ ပရေၚ်အုပ်ဓုပ်ကောပ်ကာဲ ဂြိုပ်ဆု ပ္ဍဲတိဍာ်အုပ်ဓုပ်ဗော်ဍုၚ်မန်တၟိတုဲ နူဂကောံၜိုဟ်လလံရာမည သ္ပအထံက်အရီု ဓမံက်ရုပ်ရဴပကောံပကေဝ်တၚ်နၚ် နဗီုပြၚ်ဆဵုဂဗသၟာန်သွဟ်ညးဍုၚ်ကွာန်ဝွံ ရေၚ်တၠုၚ်အာစိုပ်ဒတုဲ။

တၚ်နၚ်တအ်ဝွံ ဗဒှ်ကဵုအထံက်အရီု ပ္ဍဲအရာချူဆာဲပတိတ်လိက်ဒုၚ်စဳရေၚ် ပရေၚ်ဂြိုပ်ဆု ကေုာံ လိက်သ္ကေံတဲမူဝါဒ သွက်ဌာနဂြိုပ်ဆု၊ ဗော်ဍုၚ်မန်တၟိရောၚ်။

Key Informant (In-depth) Interview to Local Stakeholders
regarding to forest
------------------ *********** ----------------

To be deeply understand on the situation of forest and environment, the governance and management of forest in NMSP’s controlled area, Key Informant Interview was conducted to be collected the data from local stakeholders between January to February, 2022. Local stakeholders were farmer, land owner, community leaders, head-villager, women and youth who had a wide range of experience in forest and environment.

These all data which was collected from local stakeholder, will be carrying on writing the finding report and the report will be launched to the NMSP’s leader after all information are compiled.

03/02/2022

ကဵုတန်ဗ္တောန် အရာပြုပြေၚ်အုပ်ဓုပ်ကောပ်ကာဲခိုဟ် ကုသွာၚ်ဂကောံမှာဇန်မန်ဆက်စပ်ကုဗော်ဍုၚ်မန်တၟိ
Three-day Good Governance Training for CSOs in Mon State

နူဂကောံၜိုဟ်လလံရာမည(RPF) ကၠောန်ဗဒှ်ပံက်ကဵုလ၀် တန်ဗ္တောန်အရာပြုပြေၚ်အုပ်ဓုပ်ကောပ်ကာဲခိုဟ် ကုသွာၚ်ဂကောံမှာဇန်မန်ဆက်စပ်ကုဗော်ဍုၚ်မန်တၟိ၊ ပ္ဍဲစၟတ်တ္ရဲ (၀၁/ ၀၂/၂၀၂၂) စဵုစိုပ် စၟတ်တ္ရဲ(၀၃/ ၀၂/ ၂၀၂၂) ပွိုၚ်(၃)တ္ရဲ၊ ဒၞါဲရာမညဟိုတေ၀်၊ ဍုၚ်မတ်မလီု တုဲဒှ်အာ ဗွဲမအံၚ်ဇၞ:ရ။

ပ္ဍဲတန်ဗ္တောန်ဏံ၀ွံ ည:တာလျိုၚ်ဗွိုၚ်ပ္ဍဲဍုၚ်မွဲတၠ ကမ္မတဳဗဟဵု မိပ္ကဴမၠဵု တိုန်စိုပ်ဟီုဂလာန်ပံက်တန်ဗ္တောန်တုဲ၊ အာစာတန်ဗ္တောန်တအ် သောၚ်ကလ:စပ်ကဵု အရာပြုပြေၚ်အုပ်ဓုပ်ကောပ်ကာဲခိုဟ်၊ ချူဓဇက်ဗီုပြၚ်ဒက်ပ္တန်ဂကောံ၊ ဗီုပြၚ်ရေၚ်တၠုၚ်ကမၠောန် နကဵုဂကောံ၊ ပရေၚ်ရေၚ်တၠုၚ် ကုညးဍုၚ်ကွာန် ဂွံစိုပ်တရဴမာန်၊ ချူဓဇက် ကိုန်အစဳဇန်၊ သ္ၚဳဂၠိပ်ကမၠောန် ကေုာံ ခါတ်အကာဲကမၠောန်၊ ပရေၚ်ကေတ်လျိုၚ်/ဒုၚ်လျိုၚ်ကီု၊ ပရေၚ်ပံၚ်ဗ္စပ်ကုညးဍုၚ်ကွာန် ကေုာံ ရေၚ်အာက္ဍိုပ် ကေုာံ ပရေၚ်အုပ်ဓလီုတအ်နွံရ။

ည:စၞ:တိုန်စိုပ်တအ်၀ွံ ဌာနပညာ၊ ဌာနထတ်ယုက်၊ ကမ္မတဳစန်ဒက်ဂကောံည:ဗြဴမန်−ဗဍမတ၊ ဂကောံသၟတ်မန်လညာတ်တၟိ၊ ဂကောံရေၚ်တၠုၚ်ကွတ်ကမၠောန် ဗော်ဍုၚ်မန်တၟိ−TAT၊ ဌာနဟံၚ်ပြာ် ကေုာံ သွာၚ်သၟတ်တအ်ကီု သီုဖအိုတ် လၟိုဟ် (၃၀)တၠ တိုန်စိုပ်လ၀်နွံရ။

20/01/2022

ကောံဓရီုသဳကၠဳ ပကောံပကေဝ်တၚ်နၚ်
သွက်ဌာနဂြိုပ်ဆု၊ ဗော်ဍုၚ်မန်တၟိ
ပ္ဍဲခရိုၚ်၊ ပွိုၚ်ဍုၚ်ဂမၠိုၚ် ရေၚ်တၠုၚ်အာစိုပ်ဒတုဲ

နူကဵုဂကောံၜိုဟ်လလံရာမည (RPF) သ္ပအထံက်အရီု ဓမံက်ဒၟံၚ်ရုပ်ရဴ သွက်သ္ဂောံသၠုၚ်ပတိုန်အသိၚ်အုပ်ဓုပ်ကောပ်ကာဲ ကေုာံ ဖောအ်ဗြေဝ်ပတိုန်ဌာနဂြိုပ်ဆုမာန် နဗီုပြၚ်ကောံဓရီုသဳကၠဳဂှ် စှ်ေဒေသ ပ္ဍဲခရိုၚ်၊ ပွိုၚ်ဍုၚ်
နွံသၟဝ်အုပ်ဓုပ်ဗော်တုဲ ပကောံပကေဝ်ဒၟံၚ်တၚ်နၚ်
မွဲလစှ်ေနွံရ။

ပေါဲကောံဓရီုသဳကၠဳ ပကောံပကေဝ်တၚ်နၚ်ဝွံ
သ္ပတံနူ ဒိတ္ထဳ ဂျာန်န္နဝါရဳ ၃၊ ၂၀၂၂
စိုပ် ဂျာန္နဝါရဳ ၁၈၊ ၂၀၂၂ ဂှ် ပကောံပကေဝ်ကၠုၚ်တၚ်နၚ်
နူခရိုၚ် (၃) ခရိုၚ်၊ ပွိုၚ်ဍုၚ် (၂) ဍုၚ်တအ်နွံတုဲ တၚ်နၚ်တအ်ဝွံ သွက်သ္ဂောံသ္ပအာအထံက်အရီု ပ္ဍဲအရာချူခၞံပတိုန် လိက်သ္ကေံတဲမူဝါဒအပြောံ သွက်ဌာနဂြိုပ်ဆု၊ ဗော်ဍုၚ်မန်တၟိရ။

ကြဴနူပေါဲကောံဓရီုဝွံ သွက်သ္ဂောံပကောံပကေဝ်အာတၚ်နၚ် နဗီုပြၚ်သၟာန်သွဟ် ကုညးဍုၚ်ကွာန်တအ်နွံတုဲ သွက်သ္ဂောံကံက်အာတၚ်နၚ် ပ္ဍဲခရိုၚ်၊ ပွိုၚ်ဍုၚ်မသှ်ေဒၟံၚ်တအ်ဂှ်ရ။

Stakeholders Engagement Workshop with NMSP’s
district and township level were successfully implemented

By technical support and organize from Rahmonnya Peace Foundation, stakeholder engagement workshop with NMSP’s district and township level were convened in 3 districts and 2 townships of NMSP controlled area. These 5 workshops were implemented on Jan 3 to Jan 18, 2022. The workshop was part of data collection by Focus Group Discussion, and there were the number of 13 to 16 participants participated in this discussion.

Data and information; outcome from the discussion will be supporting in drafting the handout policy of NMSP forest department.

12/01/2022

တန်ဗ္တောန်ပညဳပညပ် သောၚ်ကလ:ပဋိပက္ခ
Interest-Based Negotiation (IBN) Training

နူဂကောံၜိုဟ်လလံရာမည(RPF) ကၠောန်ဗဒှ်ပံက်ကဵုလ၀် တန်ဗ္တောန်ပညဳပညပ် သဳကၠဳသောၚ်ကလ: ပဋိပက္ခည:တာလျိုၚ်ဗော်ဍုၚ်မန်တၟိ၊ ပ္ဍဲစၟတ်တ္ရဲ (၁၀/ ၀၁/၂၀၂၂) စဵုစိုပ်
စၟတ်တ္ရဲ (၁၂/ ၀၁/၂၀၂၂) ပွိုၚ် (၃)တ္ရဲ၊ ဒၞာဲ ရာမညဟိုတေ၀်၊ ဍုၚ်မတ်မလီု တုဲဒှ်အာဗွဲမအံၚ်ဇၞ:ရ။

ပ္ဍဲတန်ဗ္တောန်ဏံ၀ွံ ည:တာလျိုၚ်ဗွိုၚ်ပ္ဍဲဍုၚ်မွဲတၠ ကမ္မတဳဗဟဵုနာဲဟံသာဗိုန်ခိုၚ် တိုန်စိုပ်ဟီုဂလာန်ပံက်တန်ဗ္တောန်တုဲ၊ အာစာတန်ဗ္တောန်တအ် သောၚ်ကလ:စပ်ကဵု ဝၚ်ပရူပရာပဋိပက္ခ၊ နဲကဲပညဳပညပ်သဳကၠဳ၊ တၚ်ကော်ဆောနာနာကီု၊ စက်ယာန် လၟေၚ်မၠောန်၊ တၚ်ပလေ၀်ပလေတ်၊ တၚ်ဗၟံက်ရုပ်ရဴကမၠောန်၊ တၚ်အံၚ်ဇၞ: ပ္ဍဲပရေၚ်ပညဳပညပ်သဳကၠဳကီု၊ အၚ်ဂလက်သျှန် (၇)တၚ် ပ္ဍဲပရေၚ်ပညဳပညပ်သဳကၠဳတအ်နွံရ။

ည:စၞ:တိုန်စိုပ်တအ်၀ွံ ည:တာလျိုၚ်ကဆံၚ်ခရိုၚ်/ ခရိုၚ်ထ၀ဲါကီု၊ ည:တာလျိုၚ်ကဆံၚ်ပွိုၚ်ဍုၚ်/ ပွိုၚ်ဍုၚ် ရေ၀်သၠုၚ်ကျာ၊ ပွိုၚ်ဍုၚ်ရေဝ်သၟဝ်ကျာ၊ ပွိုၚ်ဍုၚ်ဍာ်ဗု၊ ပွိုၚ်ဍုၚ်ကၞောတ်ၜဳရေဝ် ကေုာံ ပွိုၚ်ဍုၚ်ကျာ်ပိကီု၊ ဂကောံအုပ်ဓုပ်ကွာန်/ ဂကောံနာနာ နွံသၟဝ် ပွိုၚ်ဍုၚ်(၅) ပွိုၚ်ဍုၚ်တအ် လၟိုဟ်
ဖအိုတ် ည:တြုံ(၂၃)တၠ၊ ည:ဗြဴ(၅)တၠ၊ အပံၚ် (၂၈)တၠ
တိုန်စိုပ်လ၀်နွံရ။

Three days interest-based negotiation training conducted in Mawlamyine for Tavoy district, Three Pagoda Pass Area & Ye Chaung Phya NMSP administration Area in order to improve negotiation and mediation skills of NMSP district and township authorities, and community leaders in the districts, townships and villages area.

The total of 28 (23 male and 5 females) participated in the training. The RPF team provided the concept of the training curriculums step by step and collected Pre/ Post-test answer, evaluation forms, Case studies, Group discussions, recapping and summarizing for three days lessons from the training.

Some participants were well known about the conflict concepts and sharing along the training were really useful for both of teams and other participants. Moreover, the diversity levels of the participants created the activeness at the training as more women were showing their interests in the lesson and discussion openly. We have observed that they have applied the knowledge skills in their local departments and communities.

08/01/2022

ကောံဓရီုသဳကၠဳပကောံပကေဝ်တၚ်နၚ်
စပ်ကဵုဂြိုပ်ဆု၊ ဗော်ဍုၚ်မန်တၟိ
•••••••••••••••••••••••••••••

ပေဲါကောံဓရီုသဳကၠဳပကောံပကေဝ်တၚ်နၚ်
(Focus Group Discussion )စပ်ကဵုဂြိုပ်ဆု
ဗော်ဍုၚ်မန်တၟိဝွံ နူစၟတ်တ္ၚဲ Jan 4 စိုပ် 6 ဂှ် ပ္ဍဲခရိုၚ်ထဝဲါကီု
Jan7/8 ဂှ် ပ္ဍဲဒေသကၞောတ်ၜဳရေဝ်ကီု ဗွဲမအံၚ်ဇၞး
ရေၚ်တၠုၚ်အာစိုပ်ဒတုဲရ။

As the aim of data collection on strengthen governance body and management of natural resource especially forest department in NMSP’s controlled area, RPF has organized to convene 1 day Stakeholder Engagement Workshop - FGD at two different areas which known as War Zin, Thavoy district and BeeRee area.

On Jan 5 - 2022, the total of 9 stakeholders from "Thavoy district" attended to joint the workshop and Nai Khin Aye who is the secretary of its district delivered the speech to participants at the beginning and 1 day-workshop was concluded by his speech.

On Jan 7 - 2022, the total of 9 stakeholders from "Bee Ree area" attended to joint the workshop and Nai Layeh Seik Htaw who is the head-leader of its area delivered the speech to participants at the beginning and 1 day-workshop was concluded by his speech.

27/12/2021

ကောံဓရီုကၠောံသၞာံ ဂကောံၜိုဟ်လလံရာမည (အလန်တတိယ)
Annual Meeting of Rahmonnya Peace Foundation

ဂကောံၜိုဟ်လလံရာမည(RPF)ဝွံ ပ္ဍဲစၟတ်တ္ၚဲ (၂၅/ ၁၂/ ၂၀၂၁) စဵုကဵုစိုပ် (၂၇/ ၁၂/ ၂၀၂၁) ပွိုၚ်(၃)တ္ၚဲ၊ ကၠောန်ဗဒှ်ကၠုၚ် ကောံဓရီု ကၠောံသၞာံ အလန်တတိယ ပ္ဍဲရာမညဟိုတေ၀်၊ ဍုၚ်မတ်မလီုမဒှ်ရ။

ပ္ဍဲကောံဓရီု ကၠောံသၞာံ ဂကောံၜိုဟ်လလံရာမည အလန်တတိယဝွံ နူဗွိုၚ်အပ္ဍဲဍုၚ်၊ ဗော်ဍုၚ်မန်တၟိ တိုန်စိုပ်(၄)တၠ၊ လျိုၚ်ဌာန ဗေါအ်ဗြေ၀် နာဲဟံသာဗိုန်ခိုၚ် ဟီုဂလာန် ပံက်ကောံဓရီုတုဲ လျိုၚ်ဌာနပိုန်ဒြပ် နာဲသိုက်ဆာန်ထ၀်၊ လျိုၚ်ဌာနစန်ဒက်လတူဍုၚ် မိပ္ကဴမၠဵု၊ ဂအုပ်ရုၚ်ဗွိုၚ်ပ္ဍဲဍုၚ် နာဲဂံၚ်သကာတအ် တိုန်စိုပ်ဟီုဂလာန်ဗကန်ဖျန် ပ္ဍဲကောံဓရီုကၠောံသၞာံတုဲ၊ ဥက္ကဌ ဂကောံၜိုဟ်လလံရာမည(RPF)နာဲအံၚ်သြန် သောၚ်ကလ: တၚ်ရန်တၟံ ဟိုတ်ဂွံကၠောန်ကောံဓရီုကၠောံသၞာံ အလန်တတိယ မဒှ်ရ။

နူဂကောံၜိုဟ်လလံရာမည(RPF) ကောန်ဂကောံတအ် (၁၆)တၠ တိုန်စိုပ်လ၀်တုဲ သ္ရီဂၠိပ်သဇိုၚ် သၞောဝ်ဒက်ပတန်ဂကောံ၊ မူဝါဒဂကောံဂမၠိုၚ်၊ သ္ရီဂၠိပ်ဝတ်တာလျိုၚ်ကောန်ဂကောံဂမျိုၚ်၊ သ္ရီဂၠိပ် လၟေၚ်ပရေၚ်ကမၠောန် သၞာံတုဲကၠုၚ်တေံနာနာကီု၊ လ:ဖျေံလၟေၚ်ပရေၚ်ကမၠောန်သွက်သၞာံဂတတအ် ပါလုပ်တုဲ ဥက္ကဌဂကောံၜိုဟ်လလံရာမည နာဲအံၚ်သြန် ဟီုဂလာန်ရုပ်ကၠေံပေဲါကောံဓရီု တုဲဒှ်အာ ဗွဲမအံၚ်ဇၞ:ကီုရ။

Rahmonnya Peace Foundation

08/12/2022

10/06/2022

24/05/2022

05/04/2022

22/03/2022

20/03/2022

10/02/2022

03/02/2022

20/01/2022

12/01/2022

08/01/2022

27/12/2021

Address

Opening Hours

Telephone

Website

Alerts

Contact The Business

Shortcuts

Share

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00