وكالة التوظيف الدولية business pro academy

28/11/2023

🔥✌🏻بعيداً على كل ما هو تقني...كيفاش نطور👑 من les compétences ديالي فأي مجال ؟

نديرو بعدا واحد التعريف✍️ لكلمة compétence ولي هي مجموع المهارات العملية والكفاءات والمعارف لي كاتخول ليك دير واحد المهمة معينة 🙏فحيز زمني محدد وبمجهود معين باش توصل1️⃣ لواحد النتائج محددة👌

هاد les compétences أو الكفاءات نقدو نصنفوهوم ل 3️⃣ ديال الفئات :

1️⃣- الكفاءات التقنية، compétences techniques لي كيكونو خاصين بواحد المهنة معينة (بحال مثلاً un comptable كايكون عارف كيفاش إدوز من le résultat comptable ل le résultat fiscal)

2️⃣- الكفاءات العامة أو الشاملة compétences transverses ولي هي باختصار كيفاش كتسلك راسك فاش كاطيح ف شي urgence وكاتستعمل des outils لي ماشي خاصين بالمهنة ديالك بالضرورة (بحال مثلا طلب ليك chef واحد le fichier ب des données معينين لي خاصك تختاصرهوم و غادي إخصك تجبد داكشي لي كتعرف ف l'Excel باش تعتق القضية)

3️⃣- الكفاءات الناعمة compétences humaines أو soft skills ولي داخل فيهم الذكاء الإجتماعي والذكاء العاطفي و leadership أي كيفاش كتعامل مع المحيط ديالك وكيفاش كاتخلي العلاقات ديالك بالناس لي ضايرين بيك فالخدمة من أجل مردود أكثر

هاد الفئات ديال الكفاءات كايخدمو عليهم الشركات الكبار بزاف وكيديرو des formations continues ل personnel ديالهم فالجانب لي كايشوف المسؤول على الموارد البشرية أن فيه نقص عند الموظفين حيتاش مجموع les compétences ديال الموظفين هوما لي كيشكلو la compétence ديال الشركة، أما بالنسبة للشركات الصغار فكايعتابرو هادشي نوع من الترف الفكري وغادي إخصك، عزيزي عزيزتي، طور راسك براسك📢 إلا كنتي خدام فإحدى الشركات الصغرى

إذن إلا كنتي بغيتي طور شي🔥 مهارة كايخصك تعرف أنك غادي دوز من المراحل التالية باش مايجيكش الإحباط :

المرحلة الأولى : ماكاتكونش عارف أصلاً بلي خصاك واحد la compétence باش دير 👑واحد la tâche معينة

المرحلة الثانية : كتعرف la compétence لي خصاك ولكن ما كاتعرفش تخدم بيها✍️ (بحال مثلاً ملي كتفرج فشي 🎙️فيديو ديال تعليم السياقة وكاتفهم الجانب النظري)

المرحلة الثالثة : كتولي تعرف 🎲تخدم بديك la compétence ولكن خاصك تكون مركز وداير مجهود كبير (ملي يلاه كتبدا تصوك📱 وكتبقى مركز مع كلشي وحتى الراديو مكاتقدش تشعلو حيتاش غادي اشتت الإنتباه ديالك)

المرحلة الرابعة : كتولي ت

28/11/2023

👑👑🔥أول حاجة خاصك تعرف هو تفرق✌🏻 بين CV لي غادي دفع لشي شركة بطريقة تلقائية أي بلا متكون ديك الشركة دايرة annonce ولي كتسمى✍️ candidature spontanée و CV لي كدفع باش تجاوب على شي annonce ديال offre d'emploi ،

لي بغيت نكوليك من هادشي هو أنه كل مرة خاصك تصايب CV❌ لي مناسب لديك l'offre لي غادي دفع ليها ماشي تصايب CV واحد وتبقى دفع بيه فين ما جاب الله وفالأخير كتكول مكيعيط ليا تا واحد وخا عييت ماندفع

دابا أرا نشوفو الأخطاء لي كتخلي CV ديالك إيمشي لسلة المهملات ؟

1️⃣- عدد الصفحات
----------------------
سواءً كنت مبتدء أولا عندك خبرة فالمجال ديالك، حاول ما أمكن CV ديالك إكون فصفحة وحدة ، وياك دير كتر من صفحة حيتاش المشغل مغاديش إدوز كتر من دقيقة باش إقرا CV ديالك وإلى كترتي عليه فالصفحات فراه من المحتمل إزكل شي معلومة مهمة لي كانت غادي تكون فصالحك....إذن صفحة وحدة لا أكثر

2️⃣- العنوان :
--------------
أييه العنوان، الأغلبية مكايديروش فلول ديال CV واحد العنوان لي كيلخص نقاط القوة ديالهم حيتاش داك المشغل حسب الدراسات كيدوز حوالي 3 دثواني باش إيشوف واش كاين فداك CV دكشي لي كيقلب عليه وإلا درتي ليه داك العنوان غادي إبانو ليه بزربة نقاط القوة ديالك ، هاد العنوان غادي اكون مثلاً :
MASTER CCA avec expérience en tenue comptable de 2 ans
خليني من ديك الفقرة ديال :
Jeune diplômé, dynamique et motivé bla bla bla …
لي مكاتصلاح لوالو

3️⃣- الصورة :
------------
خويا أولى ختي ، بغيتي دير تصويرة📱 ديالك ف CV ، فراه من غير المعقول أنك تشد أي تصويرة وتزيدها فيه ، أولاً خاص التصويرة تكون مهنية وتكون كاتبين غير وجهك و عنقك بطبيعة الحال ومن الأحسن ملي تبغي تصور تكون لابس زي مهني (chemise + cravate) بالنسبة لدراري أولى شي (ensemble) بالنسبة لبنات وهديك الخلفية لي تكون📢 مورة التصويرة خاص تكون لون واحد....تخيلوا واحد المرة توصلت بواحد CV📢 ديال واحد السيدة دايرة تصويرة فالكوزينة والبرارد ديال اتاي موراها....قمة العبث
النصيحة لي نقدر نعطيكم بالنسبة للتصويرة هي علاش لي متمشيش عند شي مصور وهو اتكلف ليك بهاد القضية وديك ساعة بلا متخرج التصويرة كوليه إرسلها ليك غير ف البريد الإكتروني ديالك وها نتا هاني

4⃣ - الفورما ديال CV :
----------------------
ملي تبغي ترسل CV ديالك par email، أول حاجة خاصك تقادها قبل ماترسل CV

28/11/2023

7⃣ ديال الأخطاء❌ لي خاصك تجنبها ف un entretien

1️⃣- تهضر بالزايد على الحياة الخاصة ديالك
------------------------------------------
عندي مشاكل مع الواليد، عندي مشاكل صحية✅، يلاه رحلنا لهاد المدينة، عام وانا محنسر... باختصار الشخص لي قدامك كيسمع " عفاك قبلوني ، راني محتاج لهاد الخدمة..." وهادشي 🎙️كايدير الضغط على le recruteur وكيعطي عليك إنطباع سيء ، إذن خليك متحفظ ما أمكن على الحياة الخاصة ديالك

2️⃣ - تبقى كتعتاذر بزاف باش تبان ظريف
-----------------------------------------
بحال مثلاً إلا سولك المشغل واش شفتي الموقع الإلكتروني ديال الشركة،🤝 تجاوبو ب "سمح ليا مكانش عندي الوقت ، كنواعدك غادي نشوفو...." ، بحال هاد الجواب كيعطي عليك واحد الإنطباع ديال عدم الثقة فالنفس وخاصك كل مرة😕 تعتاذر باش ترد الإعتبار لراسك وهادشي بالطبع ماشي فصالحك

3⃣ - تهضر بالخايب على المشغل لي كنتي عندو من قبل
-------------------------------------------------------
الحاجة لي تقد توصلك لهاد الموضوع هو ملي إسولك المشغل : علاش خرجتي من الخدمة 👌لي كنتي فيها ، غادي تكوليه مثلاً بلي واعدوني ايدار لي واحد التكوين لي مادارش ومن الفوق مزادونيش فالصالير وملي خرجت مابغاوش إخلصوني ف les congés ديالي....هادشي ماخاصوش إتكال 📱حيتاش الشخص لي قدامك غادي ايكول غير خرج من عندهم وفأول فرصة جاتو ماخلا ماكال فيهم وهادشي لي غادي ايدير معايا تا أنا شي نهار ، إذن حاول تكون دبلوماسي وتلقى شي عذر معقول بحال مثلاً فالخدمة لي فات كان الدور ديالي هو نوجد les factures ل le comptable باش ايخدمهم ولكن فهاد le poste غادي تكون عندي فرصة نخدم دوك les factures ومنها نطور راسي ف la comptabilité

4️⃣ - تهضر بزاف غير باش تعمر
-------------------------------
مثلاً ملي كايكوليك le recruteur قدم راسك، غادي تبدا تعاود ليه ف 2015 قريت هادي وف 2016 قريت هادي وف 2017 دفعت لهادي .....، ماتبقاش دخل فالتفاصيل حيتاش كتحسس le recruteur بالملل انما عطي واحد الحصيلة مركزة عليك

5⃣ - الأجوبة العامة والفضفاضة
---------------------------------
مثلاً ملي كيسولك le recruteur علاش نتا وماشي واحد آخر غادي تجاوبو عندي المؤهلات لهاد الوظيفة، وهدا جواب عام مافيه حتى شي تفاصيل أو ملي كايكول ليك شنو هو النوع ديال l management لي مزيان وكاتكوليه management participatif بلا م

28/11/2023

السلام عليكم،

❌🔥فالمنشور ديال اليوم غادي نتعرفو على جوج🪐 من أهم المصطلحات الجبائية✔️ لي كايوقع فيها خلط ولي من الضروري أي واحد ف le domaine comptable و fiscal ايكون عارفها وضابطها مزيان ولي هي : progressif و proportionnel

👌فاش كتسمع هاد جوج ديال المصطلحات ف la fiscalité عرف بلي كانوصفو بيهوم واحد l'impôt وبالتالي كانكولو impôt progressif و impôt proportionnel

1️⃣نبداو ب l'impôt progressif ، هو واحد l'impôt لي فيه le taux كايتبدل على حسب la tranche❌ لي غادي إيتحسب عليها l'impôt ولهذا من الممكن تلقى مثلاً واحد le revenu كانقسموه على des tranches وكل tranche كانضربوها ف le taux ديالها وفالأخير كانجمعو les impôts لي خرجو لينا بالنسبة لكل tranche باش كانحصلو على l'impôt final ، أفضل مثال🔥🔥 على هاد النوعية ديال les impôts هو l'impôt sur le revenu ولي معروف ب l'IR ولي هو impôt progressif بامتياز ولي كايتخدم selon واحد le barème
فمثلاً إلا خدينا واحد le revenu annuel ديال 000 60 درهم فباش نحسبو عليه l'IR غادي إيخصنا نرجعو ل les tranches لي عندنا ف le barème annuel وغادي نضربو كل tranche ف le taux ديالها كالتالي 000 30 ف 0% و 000 20 ف 10 % و 000 10 ف 20 % وملي غادي نجمعو هادشي كامل غادي نطيحو ف un montant ديال l'impôt لي هو 000 4 درهم ، هاد الطريقة ديال الحساب كاتسما الطريقة الكلاسيكية ولي كاتبين بصاح la progressivité ديال l'impôt ،
كاينة الطريقة السريعة ديال الحساب ولي كايخدم بيها كلشي ولي فيها كانستعملو la somme à déduire وهي كالتالي ، بنفس المثال غادي ناخدو le revenu ديال 000 60 درهم وغادي نشوفو la tranche فين جا ولي هي 20 % ، إذن غادي نضربو 000 60 ف 20 % وغادي نقصو la somme à déduire لي مع 20 % ولي هي 000 8 باش نخرجو ب le même montant ديال l'impôt ولي هو 000 4 درهم

النوعية الثاينة ولي هي l'impôt proportionnel هو un impôt لي كايكون فيه le taux fixe كيفما كانت la base imposable ولي كانشدوها كاملة وكانضربوها ف taux واحد
وكمثال على هاد النوع غادي نلقاو l'impôt sur les sociétés بحيث إلا خدينا كمثال واحد la société عندها ف le résultat fiscal واحد 000 300 أو أقل غادي نضربو داك le montant كامل ف 12,5 % (لي هو le taux ديال l'IS ديال 2023) ، أما إلا كان le résultat بين 000 300 و ملي

28/11/2023

شنو هي l'absence maladie ؟

غادي نبداو من مدونة الشغل لي كاتكول فالمادة 271 بلي :

أي أجير ماقدش ايمشي للخدمة ديالو سواءً بسبب مرض أو حادثة، خاصو ضروري إبرر الغياب ديالو ويعلم المشغل ديالو فأجل مكايتعداش 48 ساعة ، هذا من جهة ، من جهة أخرى نفس المادة كاتكول بلي إلا كان الغياب غادي إيفوت 4 أيام فراه خاص الأجير اعلم المشغل ديالو بالمدة المحتملة ديال الغياب ديالو ويرسل ليه شهادة طبية كمبرر لهاد المدة ديال الغياب

إذن ملي تحس براسك عيان وماقادش تمشي للخدمة، أول حاجة غادي ديرها باش تحمي راسك هي تصايب certificat médical وتعطيه لشي واحد قريب ليك ايوصلو للشركة فاش خدام ويطلب accusé de réception كإثبات بلي الشركة توصلات بديك الشهادة وهادشي خاصك ديرو داخل أجل 48 ساعة

حاجة مهمة خاصك ترد ليها البال، هو أن المادة 271 من مدونة الشغل كاتعطي للمشغل الحق أنه إيتأكد من أنك فعلاً مريض عبر واحد المسطرة لي سميتها la Contre visite بمعنى أن المشغل من حقو أنه ايرسل ليك طبيب من إختيارو وعلى النفقة ديالو فمدة الغياب لي محددة فالشهادة الطبية لي رسلتي ليه ، هاد الطبيب غادي ادير عليك الكشف ويصايب واحد التقرير كيأكد أو كينفي فيه أنك فعلا مريض

نقطة أخيرة عنداك تمشي ترفض المسطرة ديال la contre visite حيتاش الرفض ديالك غادي إدخل فخانة الأخطاء الجسيمة أو les fautes graves فمدونة الشغل ولي كتشكل مبرر قوي باش ايتم الفصل ديالك من العمل ديالك وهادشي وقع فأحكام صادرة عن محكمة النقض فجوج ديال القضايا وحدة ف 2013 ووحدة ف 2019 بحيث أن المحكمة إعتابرات عدم الإمتثال لمسطرة la contre visite ،علما أن الأجير تعلم بلي غادي إدوز عندو الطبيب، إعتابرات المحكمة هاد التصرف خطأ جسيم كايأدي للفصل من العمل.

إذن عرف حقوقك وحضي راسك ... تهلاو

✍simofinance

28/11/2023

11 ديال النقط باش دوز un stage مثالي ف la comptabilité


1- شنو مطلوب منك
--------------------------
أول حاجة إلا كنتي غادي دوز un stage ماتخاف مادهش، دير فراسك بلي راك جاي تعلم ومامطلوبش منك تكون ضابط معارف تقنية وحتى la comptabilité براسها غادي تكون نسيتيها بحكم أن الأغلبية كايقراوها فالسنة الأولى ونتا غادي دوز stage فنهاية السنة الثالثة مثلاً، ونسا عليك هادوك les modules لي كانو كايبانو ليك مهيمين ملي كنتي كاتقرا بحال l'analyse financière أو la monnaie...هادشي ماعندو باش إنفعك
ثاني حاجة ، لي مطلوب منك وأهم حاجة هي تكون كتحتارم التوقيت و النظام الداخلي ديال ديك la fiduciaire...دير راسك بحال ف un stage préembauche وخاصك تبين ليهم، على الأقل فالجانب ديال la ponctualité

2- ماتبقاش منعازل
----------------------
خاصك تكون بحال الحرباء، ملي دخل شوف الأجواء كيف دايرة وقارن بين كيفاش les collaborateurs لي خدامين تما كيتصرفو ملي كيكون مول الشي وكيفاش كيتصرفو ملي كايكونو بوحدهم ، بطبيعة الحال غادي تلاحظ الفرق وهذا شيء طبيعي ، غادي تلقاهم ملي كايكون مول الشي تايكونو sérieux ولكن بوحدهوم كياخدو راحتهم فالهضرة ويضحكو....لمهم نتا أو نتي دخل معاهم ف style باش خدامين، حاجة مهمة أخرى خاصك تكون serviable بحال مثلاً إيلا كنتي كاتفهم شوية ف l'informatique و تبلونطا ال PC لشي واحد مافيها باس إيلا شفتي معاه داك المشكل وهاكا غادي داخل مع بنادم...أما باش تبقى منعازل وتسنى لخدمة تجي تا لعندك صعيبة شوية...نقطة أخرى مديرش فيها داك القافز لي مكايزيد تا دقيقة من مورا الوقت القانوني، مافيها باس ملي تشوف un collaborateur واحل فشي خدمة تبقى معاه شوية، هو غادي ايحس بلي راك قريب ليه وغادي إبدا إتيق فيك ويعطيك des tâches راه ماشي المعارف التقنية لي هي كلشي

3- حاول تبدا من اللول
-------------------------
عارف ماشي ساهلة هاد القضية لأنه غادي دير les tâches لي غادي تعطا ليك ولكن إيلا تقنتي النقطة رقم 2 غادي تسهال عليك هاد القضية، باختصار شوف مع لي شاد le juridique وسول على les formes juridiques لي كايخدم وكيفاش تايخدمهم وما فيها باس إلا خرج مثلاً للمحكمة تمشي معاه تشوف les tâches لي كايدير وهادشي كنلاحظو بزاف ، ماعمري شفت شي متدرب كايكول ليك بغيت نخرج مع le coursier كولشي عزيز عليه إبقى كالس ق

28/11/2023

شنو هي الغيابات لي نقد نستافد منها كأجير فالحالة ديال المناسبات العائلية ؟

إلا رجعنا للمادة 274 من مدونة الشغل غادي نلقاو بلي المشرع ذكر مجموعة من المناسبات لي كتخول للأجير أنه اتغيب على العمل ديالو ولي محددة كالتالي :

أولاً : الزواج

- بالنسبة لزواج الأجير كياخد فيه 4 أيام
- بالنسبة لزواج أحد أبناء الأجير أو أحد ربائبه كياخد فيه يومين

ثانياً : الوفاة

- سواءً ديال زوج(ة) الأجير، أحد أبنائه، أحد حفدته، أحد أصوله، أحد ربائبه عندو 3 أيام
- وفاة أخ ، أخت ، أخ أو أخت زوج(ة) الأجير أو أحد أصول الزوج(ة) عندو يومين

ثالثا: الختان

- سواءً كان ختان إبن واحد أو توأم فلأجير عندو يومين ديال الغياب

رابعاً : العملية الجراحية لأحد الأقارب

- إلى كانت هاد العملية خاصة بالزوج(ة) أو أحد الأبناء ، الأجير كياخد يومين

للإشارة فعدد الأيام الخاص بهاد التغيبات هو الحد الأدنى ، من الممكن أن القطاعات أو الشركات إحددو كتر من هاد الأيام من خلال اتفاقيات الشغل الجماعية أو الأنظمة الداخلية

دبا أجيو نشوفو شنو كاتكول مدونة الشغل على الخلاص ديال هاد الغيابات (المادة 276 من مدونة الشغل)

- أولاً الخلاص ديال هاد الغيابات مكايستافد منو إلا الأجراء لي كايتخلصو للشهر
- ثانياً هاد الخلاص كيهم فقط جوج ديال المناسبات :
+ الزواج ديال الأجير فحدود يومين (يعني عندو الحق اتغيب 4 أيام ولكن الشركة غادي تخلصو غير فيومين)
+ الوفاة ديال زوج(ة) الأجير أو أحد أصوله (أبوه أو أمه) أو أحد ابنائه وذلك في حدود يوم واحد من التعويض

بمعنى المناسبات الأخرى (الختان مثلاً) غادي تكلس فابور بلا خلاص...وهذا قالب زوين

هادشي تاهو كايشكل الحد الأدنى لي كاضمنو مدونة الشغل ، من الممكن أن القطاعات أو الشركات إحددو كتر من هاد الأيام و كذلك تعويضات إضافية من خلال اتفاقيات الشغل الجماعية أو الأنظمة الداخلية

تهلاو
#منقول

27/11/2023