16/06/2020
තරුණ ඔබ වැඩ කළ යුත්තේ ඇයි???????
තරුණ වයසට එළඹුන පසු මුලින්ම අපේ සිතට නැගෙන ආශාව තමයි තමන් මහන්සියෙන් රස්සාවක් කරල මුදලක් උපයගන්න එක. අපේ පාසල් කාලය අවදි දෙකකින් අවසන් වෙනවා. එකක් සාමාන්ය පෙළින් පසු, අනෙක උසස් පෙළින් පසු. ලංකාවෙ තියන සිස්ටම් එක අනුව මේ අවදි දෙකෙන්ම සැලකිය යුතු පිරිසක් රැකියාගත වෙලා මුදල් උපයන්න පටන් ගන්නව.
ඒ වගේම තමයි ඉගෙන ගන්න ගමන් පාට් ටයිම් එකක් විදියටත් රැකියා කරන පිරිසක් මේ වෙනකොට බහුලවම දකින්න ලැබෙනවා. එය ඉතාම අගය කල යුතු දෙයක් විදියට දැකිය යුතු අතර ඔවුන්ට හැකි සෑම අයුරකින්ම සහයෝගය දැක්වීම ඉතාම හොද ගුණාංගයක්. රැකියාවක් කරන්නම ඕන කියන ආකල්පය අප තරුණ අවදියට එළඹුනාට පස්සෙ නිතරම අපේ සිත් තුල ඇතිවන්නෙ මධ්යම පාන්තික සමාජය තුල අපි අපේ දෙමව්පියන් හෝ වේවා අපේ භාරකරුවන් හෝ වේවා, ජීවිතය ජීවත් කරන්නට දරන අරගලය හොඳින් අවබෝධ කරගෙන ඉන්න නිසයි.
අද අප ජීවත්වන්නේ අපේ ඉතාම වටිනාකමකින් යුක්ත වුණ පැරණි අදහස් වලින් මිදුණ, මනුෂ්යත්වයට වඩා මුදලට මුල්තැන දෙන ධනවාදී සමාජයකයි. ඉතිං ජීවිතය රැකගැනීම උදෙසා ද්රව්යමය අරමුණු මත යැපෙන අපි අනේක අවශ්යතා මිලදී ගැනීම වෙනුවෙන් මුදල් ඉපයීමට හැල්මේ දුවනව.
ඉස්සර ජීවත් වුණ මිනිස්සු කෑම බීම ඉදුම් හිටුම් යන මුලික අවශ්යතා ඉටුවූ පමණින් සෑහිමකට පත්වුණා. නමුත් අද වෙද්දි ජනගහණය වැඩිවීම, තාක්ෂණයේ දියුණුව, සමාජයීය සහ ආර්ථික වෙනස්කම්, පුනර්ජනනීය හා සෙසු සම්පත් හිඟවීම ආදී කරුණු මත මිනිසුන්ට ප්රමාණය ඉක්මවමින් තම ශ්රමය මුදල් ඉපයීම වෙනුවෙන් යොදවන්න සිද්ධ වෙලා තියනවා.
ඉතිං මේ පවතින ආර්ථික ක්රමයත් එක්ක ගොඩ යන්න නම් ඉස්සෙල්ලාම අපි හැමෝටම ටාගට් එකකට වැඩ කරන්න වෙනවා. ටාගට් එකකට මුදල් උපයන්න වෙනව. කට්ට කාගෙන කොහොම හරි අපිට අපේ අරමුණු ඉටු කරගන්න මහන්සි වෙලා වැඩ කරන්න සිද්ද වෙලා තියනව.
ජීවිත්වීම වෙනුවෙන් තරඟ වදින මිනිස් මනස ස්වභාවයෙන්ම ආත්මාර්ථකාමී, කෑදර සහ බිය යන සිතුවිලි වලින් හැමවෙලේම පීඩා විදිනව. සීමිත සම්පත් ප්රමාණයක් අසීමිත පිරිසක් අතර බෙදී යෑමේ තර්ජනයට නූතන ලෝකයේ මිනිසාට මුහුන දීමට සිද්ධ වෙලා තියනව වගේම සීමිත රැකියා ගණනක් අසීමිත පිරිසක් අතර අසංතුලිත විදියට බෙදිලා යන ක්රමයකට අපිට මුහුණ දෙන්න වෙලා තියනව.
ඉතිං ඔයාලගේ මේ ගෙවෙන වටිනා කාලය නිකරුණේ ගෙවල් වලට වෙලා ඉදං ගත කරනවට වඩා මොනම හෝ රැකියාවක යෙදිල තමන්ගෙ පවුලට, තමන්ට හා මේ රටට ශක්තියක් වෙනව නම් මේ වකවානුවේ ඉතා වැදගත්. රැකියාවක් කරල යම්කිසි මුදලක් ඉපයීමෙන් ලැබෙන සුන්දර සතුට විඳල බලන්න. ඔබ සැහැල්ලුවෙන් කාගෙන් හෝ යැපෙමින් ජීවත් වන ක්රමවේදය දැන් නවතා දමන්න. වියපත් දරුවන් ලෙස ඔබව හංවඩු ගැසීමට ඉඩ නොදෙන්න.
අප වැඩ කල යුතුය. වැඩ කිරීමෙන් අප ලබන ආදායම කිසිවෙකුගෙන්වත් ලබන උපකාරයක් නොවේ. ඇත්තටම කිසිවකු අපව වැඩ කිරීම වෙනුවෙන් පොළඹවන්නේ නැති අතර ඉදිරිපත් වීම මත සුදුසු රැකියා අවස්ථාවන් නිර්මාණය වනු ඇත. ඉදිරිපත් වී බලන්න...
