18/05/2026
65 වසරක නොනිමි හා අද්වීතිය අප ගමන් මඟේ වටිනාම සම්පත අපගේ සහෘද සේවක සමූහයයි...
අපේ පියාපත් සෙවණ යට ඔවුන් සැමවිටම වඩාත් සුරක්ෂිතයි...
එය නැවත නැවතත් තහවුරු කරමින්, අප කළමනාකාර අධ්යක්ෂ උදයනාත් පෙරේරා මැතිතුමාගේ සංකල්පයක් අනුව යමින් සේවක සුබ සාධනයේ තවත් සුවිශේෂී වූ පියවරක් සනිටුහන් කරන්නට පසුගියදා අප සමූහයට හැකි විය.
ඇඹිලිපිටියේ පිහිටි ප්රමුඛ පෙලේ පුද්ගලික රෝහලක් වන නවෝදය රෝහල් (පුද්) සමාගම (Navodaya Hospital Private Limited) හා අත්වැල් බැඳ ගනිමින් අපගේ සේවක සමූහය උදෙසා "නවෝදය" වරප්රසාදය හා වට්ටම් කාඩ්පත (privilege card) හඳුන්වා දෙන ලදී.
එය අපගේ සේවක සමූහයේ නිරෝගීතාවය හා සෞඛ්ය සම්පන්න බව සඳහා උපකාරී වන සුවිශේෂී ප්රතිලාභ, විශේෂිත සත්කාර සහ ජීවන රටා වරප්රසාද සහිත කාඩ්පතක් වන අතර එය ඔවුනගේ නිරෝගිමත් යහ පැවැත්ම උදෙසා මහඟු පිටුවහලක් වනු නොඅනුමානය.
ඇඹිලිපිටිය හිඟුර ආර පිහිටි අප කර්මාන්තශාලා පරිශ්රයේදී නිල වශයෙන් එම කාඩ්පත හඳුන්වා දුන් අතර, එම අවස්ථාව සඳහා අප සමූහය නියෝජනය කරමින් අධ්යක්ෂ/ප්රධාන විධායක නිලධාරී ඒ ඩී අමරදේව මහතා, අධ්යක්ෂ - මූල්ය, ආනයන, විකුණුම් හා අලෙවි රාහුල් පෙරේරා මහතා, නිශාදී පෙරේරා මහත්මිය ඇතුළු ඉහල කළමනාකාරිත්වයේ නිලධාරින් ද සියළුම අංශ වල සේවක මහත්ම මහත්මීන් ද නවෝදය රෝහල් (පුද්) සමාගම නියෝජනය කරමින් එහි පරිපාලන කලමනාකාරිණී අංජලී පතිරණගේ මහත්මිය ඇතුළු එම සමුහයේ නිලධාරි මහත්ම මහත්මින් ද එක්විය.
💪❤️ 👍
Embilipitiya Stores Tool & Ceramic Manufacturing Pvt Ltd.
Navodaya Hospital