19/12/2020
✍️ #សម្ភាសន៍ការងារជោគជ័យ #យល់ដឹងពីការសម្ភាសន៍និងគណៈកម្មការ 😃
យើងម្នាក់ៗមានអារម្មណ៍ល្អ ដូចហោះឡើងមេឃទៅហើយ😁 ពេលបានឮខាងក្រុមហ៊ុនតេប្រាប់ថា អ្នកបានជាប់ហើយសម្រាប់ការសម្ភាសពីសប្ដាហ៍មុន នៅខណៈមួយដែលយើងកំពុងតែស្វែងរកការងារ ឬចង់បានការងារដែលប្រសើជាងពេលបច្ចុប្បន្ន។
ស្ទើរតែមនុស្សគ្រប់រូប តែងឆ្លងកាត់ជីវិតការងារ ហើយមុនពេលចូលបម្រើការងារ អ្នកត្រូវឆ្លងកាត់ការសម្ភាសន៍ ទោះបែបបទណាក៏ដោយ។
សម្ភាសន៍ការងារត្រូវធ្វើឡើងតាមបទដ្ឋានខុសៗគ្នា ជាផ្លូវការនិងមិនផ្លូវការ។ ខ្ញុំនឹងអង្កន់លំអិតតាមលក្ខខណ្ឌដែលអាចចែករំលែកបាន។
យើងខ្ញុំសូមបែងចែកជាពីរដំណាក់កាល សម្រាប់ការបរិយាយនេះ #
- មុនពេលសម្ភាសន៍
- ក្រោយពេលសម្ភាសន៍
ដំណាក់កាលទាំងពីរនេះ “មុនពេលសម្ភាសន៍” មានភាពសំខាន់បំផុត។
1. #មុនពេលសម្ភាសន៍៖
អ្នកត្រូវតាំងខ្លួនអោយមាំសម្រាប់មុខដំណែងដែលខ្លួនពេញចិត្ត។
ខាងក្រោមជាអ្វីដែលត្រូវដឹង #
- ច្បាស់ថាមុខដំណែងណាមួយដែលអ្នករើស មិនគួរស្រពិចស្រពិល មនុស្សច្បាស់លាស់ តែងមានជម្រើសមួយសម្រាប់ខ្លួនឯង
- សិក្សាពីការពិព័រណ៍ការងាររបស់អង្គភាពនោះ (JD: Job Description) លើចំនុចសំខាន់ៗ ឬអាចចោតសួរគណៈកម្មការពេលជិតបញ្ចប់ការសម្ភាសន៍
- សិក្សាពីក្រុមហ៊ុន អំពីទិដ្ឋភាពទូទៅ ប្រភេទអាជីវកម្ម ផលិតផល សេវាកម្មដែលក្រុមហ៊ុនកំពុងប្រត្តិបត្តិ ឬការតម្រង់ទិសថ្មីៗដែលអ្នកបានស្វែងយល់
- ត្រៀមសំណួរមួយឬពីរទៅកាន់គណៈកម្មការសម្ភាសន៍, ឧ. ខ្ញុំចង់ដឹងពីចនាសម្ព័នក្នុងនាយកដ្ឋានដែលខ្ញុំដាក់ពាក្យ, ឧបសគ្គការប្រឈមសម្រាប់មុខដំណែងដែលអ្នកកំពុងសម្ភាសន៏, មិនចាំបាច់មានសំណួរទីបីទេ អ្នកអាចសួរសំនួរផ្សេង ពីនេះបាន, បើគ្មានសំនួរសួរ វាហាក់បីដូចជាអ្នកមិនមានភាពក្លាវក្លាសម្រាប់ឳកាសនោះទេ
- រៀបចំខ្លួនអោយបានសមរម្យទៅតាមបែបបទការងារ ជាការស្នើរសុំសម្លៀកបំពាក់ អាវស សំពត់ខោខ្មៅ សក់សមរម្យ ត្រូវស្គាល់ទីតាំងសម្ភាសន៍មុន កុំមកយឺតអី បើយឺតត្រូវទាក់ទងក្រុមហ៊ុនមុនជាមួយមូលហេតុច្បាស់លាស់ មិនមែនមកពីចរាចរណ៍ ច្រលំពេល ឬរវល់ វាជាលេសទេ
- ការណាត់សម្ភាសន៍ ជាទូទៅភាគីនិយោជកនឹងប្រាប់អ្នកមុនមួយថ្ងៃមុនការសម្ភាសន៍ កម្រណាស់ដែលប្រាប់ថ្ងៃនឹងសម្ភាសន៍ស្អែក បើអ្នកមិនអាចមកបាន ឬមើលទៅមិនអាចសុំច្បាប់បាន ត្រូវឆ្លើយតបភ្លាមៗ អាចសុំប្ដូរថ្ងៃ តែត្រូវព្យាយាមតាមការណាត់ជាមុនសិន
- យកប្រវត្តិរូបការងារ(CV: Curriculum Vitae)មកមើលឡើងវិញអាននិងគិតពីវា គួររឹលឹកថាក្នុងប្រវត្តិរូបការងាររបស់អ្នក ប្រសិនបើអ្នកច្បាស់ពីការផ្លាស់ប្ដូររបស់អ្នក គួរដាក់ការរំពឹងទុកប្រាក់ខែ ពេលវេលាដែលអាចចាប់ផ្ដើមការងារថ្មី។ អនុញ្ញាតអោយខ្ញុំងាកទៅក្រោយបន្តិច ប្រវត្តិរូបរបស់អ្នកមិនគួរសរសេរលើសពី បីទៅបួនទំព័ររួមទាំលិខិតអម(CL: Cover Letter) ត្រូវសរសេរបែបសាមញ្ញ ងាយរកទិន្នន័យពេលនិយោជកអាន វាជាកត្តាដំបូងដែលជួយអោយយើងជាប់ការជំរុះវគ្គដំបូង គ្រប់ឯកសារដែលផ្ញើរទៅនិយោជក និយាយចំពោះអីម៉ែល email និងនិយាយជារូម គួរតែជាប្រភេទដែលមិនអាចកែបាន(pdf.) ហើយដាក់រួមគ្នាតែមួយទម្រង់បានហើយ(all in one file)
- សំណួរដែលតែងតែសួរពីគណៈកម្មការ # មុននឹងសម្ភាសន៍គណៈកម្មការនឹងសួរពីរបីសំណួរពីនេះនោះដើម្បីអោយអ្នកបាត់ភ័យនិងជាការស្វាគមន៍ អាចពាក់ព័ន្ធនឹងទួនាទីដែលដាក់ពាក្យ ដឹងការផ្សព្វផ្សាយតាមណា, បន្ទាប់គាត់នឹងណែនាំពីទិដ្ឋភាពពីក្រុមហ៊ុន និងគណៈកម្មការ, សំណួរដំបូងតែងតែ អោយរៀបរាប់ពីខ្លួនឯង, បទពិសោធន៍របស់អ្នក, ពិព័រណ៍ការងារ (JD) ដែលអ្នកកំពុងសម្ភាសន៍, គោលដៅអាជីពនិងជីវិត, កម្រិតនៃការវិភាគរបស់អ្នក, ការច្នៃប្រឌិត, ភាពស្មោះត្រង់, ប្រត្តិកម្មរហ័ស (ប្រសិនបើខ្ញុំសួរមិត្តរបស់អ្នក ពីរចំណុចអំពីអ្នក តើគាត់និងនិយាយអ្វីពីអ្នក), មូលហេតុនៃការឈប់, អ្វីជា KPI សម្រាប់មុខដំណែងនេះ ឬការងារច្ចុប្បន្នរបស់អ្នក, រយៈពេលប៉ុន្មានអ្នកនឹងធ្វើការជាមួយយើងខ្ញុំ, មានផ្សេងពីនេះទៀតទៅតាមតួនាទី
- ទម្រង់នៃការសម្ភាសន៍មានច្រើនបែប # ការសម្ភាសបែបកាប់ចាក់(Stress Interview) អាចនឹងមានការបង្ករ ភាពមិនគួរសមផ្សេងៗ ពីគណៈកម្មការដើម្បីស្ទង់ចិត្តបេក្ខជន, ការសម្ភាសជាក្រុមដោយមានបេក្ខជនលើសពីពីរនាក់ចូលរួម, ការសម្ភាសដោយមានគណៈកម្មការច្រើនលើសពីពីរ, ចំណាំ៖ គ្រប់ការសម្ភាសន៍ ភាគច្រើនតែងមានគណៈកម្មការម្នាក់ មកពីខាងធនធានមនុស្ស ផ្សេងពីនេះពីប្រធានសម៉ី ឬផ្នែកពាក់ព័ន្ធ, ការសម្ភាសបច្ចុប្បន្ន អាចនឹងត្រូវបានធ្វើតាមទូរស័ព្ធឬតាមប្រព័ន្ធអេឡិចទ្រូនិចផ្សេងៗ(Skype, zoom, google meet, MS. Team… #ពេលក្រោយខ្ញុំនឹងនិពន្ធទាក់ទងពីការត្រៀខ្លួនសម្រាប់ការសម្ភាសន៍នាសម័យឌីជីថលនេះ) ការសម្ភាសន៍បន្ត កន្ទុយគ្នា អស់ពីគណៈកម្មការមួយទៅមួយក្នុងថ្ងៃតែមួយនឹងដឹងលទ្ធផលភ្លាមៗ, ការសម្ភាសន៍តាមទម្រង់ឯកសាររបស់បេក្ខជន (Portfolio based interview), មានបទដ្ឋានកូនកាត់ថែមលើសពីនេះទៀត
- កាយវិការសមរម្យពេលជួបគណៈកម្មការនិងពេលចប់ កុំឱនលំទោនពេក ទន់តែរឹងមាំនិងរួសរាយ
- ចម្លើយដែលឆ្លើយកុំវែងអន្លាយពេក ចាក់អោយចំក្រអៅ, បើគណៈកម្មការសួសំណួរ បាទចាស អ្នកត្រូវចេះពន្លាតបន្តិច កុំខ្លីកំបុតពេក
ពេលនេះពាក្យថាភ័យវាលែងមានទៀតហើយ ទំនុកចិត្តក៏ខ្ពស់ជាងមុនដែរមែនទេ អានមិនយល់ សូមអានម្ដងទៀត រហូតដល់វាដក់ក្នុងគំនិត សូមបីតែខ្ញុំសរសេរក៏ចំណាយពេលសរសេរនិងអានសារចុះឡើងច្រើនដង មុនសម្រេចចិត្តផ្សាយជូនអ្នក🙂។
2. #ក្រោយពេលសម្ភាសន៍ #
បើលើសពីមួយឬពីរសប្ដាហ៍ ដោយគ្មានការទាក់ទងមកទេ សូមកុំចាំ ឬចាំឱកាសក្រោយ រួយក្រលេកទៅក្រោយបន្តិចថាអ្វីជាមូលហេតុ។ ការមិនបានជូនដំណឹងពីលទ្ធផលវាមិនចាំបាច់សម្រាប់អ្នកទេ ការបន្តដំណើរទៅមុខរបស់អ្នកទើបសំខាន់។ ហេតុផលមួយចំនួនអាចមកពីមានការប្រគួតប្រជែងខ្លាំងពេក ឬមកពីអ្នកល្អពេកក៏ថាបាន តួនាទីខ្លះត្រូវការអ្នកចេះល្មមៗមកធ្វើទេ។
ខាងលើអំបាលមាន ជារបៀបសម្ភាសន៍ផ្លូវការ, រីឯសម្ភាសន៍មិនផ្លូវការជាការសម្ភាសន៍ដោយ ធ្វើនៅខាងក្រៅក្រុមហ៊ុន ដូចជាការជួបតាមហាងកាហ្វេជាដើម ភាគច្រើននិយោជកបានស្គាល់បេក្ខជនរួចរាល់ហើយ ម៉្យាងអាចជាការស្នើរសុំរបស់បេក្ខជន និងការទាក់ទាញដើម្បឲ្យចូលរួមការសម្ភាសន៍ផ្លូវការ។
ការសម្ភាសវាឆ្លុះបញ្ចាំងពីក្រុមហ៊ុន ពីធម្មជាតិនៃការធ្វើការ របស់ថ្នាក់ដឹកនាំក្នុងក្រុមហ៊ុននោះ អ្នកអាចអង្គេតដោយខ្លួនឯងផ្ទាល់។
អរគុណសម្រាប់ការចំណាយពេលដ៏មានតម្លៃរបស់អ្នក ខ្ញុំសង្ឃឹមថា🙂 វាកើតជាប្រយោជន៍ដល់អ្នក ប្រសិនបើមានកំហុសឆ្គង ឬខ្វះខាតអត្ថន័យណាមួយ ខ្ញុំសុំអធ្យាស្រ័យ🤝។
#រក្សារសិទ្ធដោយ JOBs Plc
