Myanmar HR Support LLC

02/05/2026

အားလုံးပဲ မင်္ဂလာပါရှင်။
こんにちは (konnichiwa) 🌸

ပြီးခဲ့တဲ့ ၁ လပိုင်းတုန်းက ဂျပန်ရောက်လာတဲ့ ညီမလေးများကို အလုပ်လိုက်ပို့ခြင်းနဲ့ ဈေးအတူလိုက်ဝယ်‌ပေးခြင်း စတာတွေကို ကူညီပေးခဲ့တာလေးတွေပဲ ဖြစ်ပါတယ်ရှင် ☺️

ညီမလေးတွေနဲ့ ချစ်စရာကောင်းတဲ့အမှတ်တရ ပုံလေးတွေ ဖြစ်ပါတယ်။

29/04/2026

Hikari JLS ရဲ့ သင်ကြားရေးတာဝန်ခံတစ်ဦးဖြစ်တဲ့ ဝင်းလဲ့ဆန်းဆေးအကြောင်းလေးပဲ ဖြစ်ပါတယ်ရှင် 🤗

အားလုံးပဲ မင်္ဂလာပါရှင်။
こんにちは (konnichiwa) 🌸

ဒီနေ့မှာတော့ Hikari JLS ရဲ့ သင်ကြားရေးတာဝန်ခံ
တစ်ဦးဖြစ်တဲ့ ဝင်းလဲ့ဆန်းဆေးအကြောင်းကို မိတ်ဆက်ပေးချင်ပါတယ်ရှင် 🤗

ဝင်းလဲ့ဆန်းဆေးဟာ ဂျပန်နိုင်ငံမှာ Language School ကို တက်ရောက်ခဲ့ပြီး အလုပ်ဗီဇာနဲ့တန်းပြီး အလုပ်ရခဲ့သူဖြစ်ပါတယ်။

N1 လက်မှတ်ရရှိထားသူဖြစ်ပြီး လက်ရှိမှာ ကျိုတိုမြို့ရဲ့ စားသောက်ဆိုင်တစ်ခုနဲ့ အဆောင်လုပ်ငန်းလုပ်ကိုင်တဲ့ ကုမ္ပဏီမှာ မန်နေဂျာအနေနဲ့ လုပ်ကိုင်နေတာ ၄ နှစ်ကျော်ပြီပဲ ဖြစ်ပါတယ်ရှင်။

ဝင်းလဲ့ဆန်းဆေးဟာ ကျွန်မတို့ Hikari JLS မှာ စားသောက်ဆိုင်နှင့် စားသောက်ကုန်ထုတ် ဘာသာရပ်များ သင်ကြားပေးခြင်းကို အဓိက တာဝန်ယူ လုပ်ကိုင်လျက် ရှိပါတယ်။

ဝင်းလဲ့ဆန်းဆေးရဲ့ အတွေ့အကြုံများအပေါ် အခြေခံပြီး Hikari JLS ရဲ့ ကျောင်းသား‌၊ ကျောင်းသူများကို စားသောက်ဆိုင်နှင့် စားသောက်ကုန်ထုတ် ဘာသာရပ်တွေကို သင်ကြားပေးပြီး ဂျပန်နိုင်ငံမှာ အလုပ်အကိုင်များ မိတ်ဆက်ပေးသွားမှာဖြစ်ပါတယ်ရှင်။

ありがとう 🌸

28/04/2026

Hikari JLS ရဲ့ Co-Founder လည်းဖြစ်၊
ဒုကျောင်းအုပ်လည်းဖြစ်တဲ့ လင်းဆန်းဆေးအကြောင်းလေးပဲ ဖြစ်ပါတယ်ရှင် 🤗

အားလုံးပဲ မင်္ဂလာပါရှင်
こんにちは (konnichiwa) 🌸

ဒီနေ့မှာတော့ Hikari JLS ရဲ့ Co-Founder လည်းဖြစ်၊
ဒုကျောင်းအုပ်လည်းဖြစ်တဲ့ လင်းဆန်းဆေးအကြောင်းကို မိတ်ဆက်ပေးချင်ပါတယ်ရှင်။

လင်းဆန်းဆေးဟာ MUFL ကနေ ဂျပန်ဘာသာစကားနဲ့ ဘွဲ့ရထားပြီး ဂျပန်နိုင်ငံမှာ Language School နဲ့ ကောလိပ်ကျောင်းတွေကို တက်ရောက်ခဲ့ပါတယ်။

介護福祉士（かいごふくしし）လက်မှတ်များကို
ရရှိထားသူဖြစ်ပြီး လက်ရှိမှာ‌တော့ ဘိုးဘွား‌စောင့်ရှောက်ရေးဂေဟာကြီးမှာ အဖွဲ့ခေါင်းဆောင်တစ်ဦးအနေနဲ့ အလုပ်လုပ်ကိုင်လျက် ရှိပါတယ်ရှင်။

လင်းဆန်းဆေးဟာ ကျွန်မတို့ Hikari JLS မှာ ဘိုးဘွားစောင့်ရှောက်ရေးဘာသာရပ်များကို သင်ကြားပေးခြင်းနှင့်တကွ ကျောင်းမိတ်ဆက်ခြင်းအပိုင်းကို အဓိက တာဝန်ယူ လုပ်ကိုင်လျက် ရှိပါတယ်။

Hikari JLS အနေနဲ့ ယခုနှစ်မှစတင်ပြီး လင်းဆန်းဆေးရဲ့ ညွှန်ကြားမှုနဲ့ Kaigo Program တွေကို ရေးဆွဲ ဖွင့်လှစ်ပြီး ဂျပန်နိုင်ငံမှာ အလုပ်အကိုင် မိတ်ဆက်ပေးသွားမှာပဲ ဖြစ်ပါတယ်ရှင်။

ありがとう 🌸

25/04/2026

ဂျပန်မှာ စောင့်မျှော်နေပါတယ် 💖

25/04/2026

🌸 အားလုံးပဲ မင်္ဂလာပါရှင့် 🌸
🌸 こんにちは (konnichiwa) 🌸

ဒီနေ့မှာ‌တော့ စားသောက်ကုန်ထုတ် အင်တာဗျူးကြီးကို ကျင်းပခဲ့ပါတယ်ရှင် ...

သူဌေးက ညီမလေး ၄ ယောက်စလုံးကို သဘောကျနေလို့ ဘယ်သူကို ရွေးချယ်ရမလဲဆိုတာ ဆုံးဖြတ်ရခက်နေတယ်လို့ ပြောပါတယ်ရှင် 🤗

၄ ယောက်စလုံးအောင်မြင်ပါစေလို့ Myanmar HR Support အဖွဲ့ဝင်များက ဆုမွန်ကောင်းတောင်းပေးပါတယ်နော် 🙏

Myanmar HR Support အနေနဲ့လည်း
ဂျပန်မှာ ညီမလေးတွေနဲ့ တွေ့ဆုံချင်နေပါပြီရှင်။
မကြာခင်မှာ တွေ့ကြမယ်နော် 🫶

23/04/2026

မင်္ဂလာပါရှင် こんにちは (konnichiwa) 🙏

သိပ်မကြာခင်မှာ ဖြေဆိုရမယ့် ကုန်ထုတ်အင်တာဗျူးကြီးအတွက် အင်တာဗျူး အစမ်းလေ့ကျင့်ခြင်းပဲဖြစ်ပါတယ်ရှင်။

ပထမရက်မှာ CV Form နဲ့ ပတ်သက်‌ပြီး စကားလုံးများကို Moe Sensei မှ ပြောပြခဲ့ပါတယ်။
ဒုတိယရက်မှာ အင်တာဗျူးဖြေဆိုပုံနဲ့ ပတ်သက်ပြီး Phyo Sensei မှ လေ့ကျင့်ပေးခဲ့ပါတယ်။
တတိယရက်မှာ‌တော့ အစမ်းဖြေဆိုခြင်းအနေနဲ့ ဂျပန်ဆရာမ Kishioka Sensei မှ လေ့ကျင့်ပေးခဲ့ပါတယ်ရှင်။

၃ ရက်ဆက်တိုက် ကြိုးစားပေးတဲ့ ညီမလေးများ お疲れ様でした。💪

Interview ကြီးမှာ ညီမလေး လေးယောက်စလုံး အောင်မြင်ပါစေလို့ ဆုမွန်ကောင်းတောင်း‌ပေးပါတယ်နော် 🫶

20/04/2026

📢ဂျပန်နိုင်ငံ Kobeမြို့အနီး

သိုခုတေးဂိနော ယာဉ်မောင်းအလုပ်ခေါ်စာ

特定技能1号運送業

အလုပ်ခေါ်စာ TG26006

ခန့်အပ်မည့်လူဦးရေ - အမျိုးသား (2) ဦး

---------------------------------------------------------

မြန်မာနိုင်ငံမှ တိုက်ရိုက်လျှောက်ချင်သူလူငယ်များအတွက် အိမ်ပြောင်းအကူ ဝန်ထမ်းအမြန်အလိုရှိသည် 🏠
ဂျပန်နိုင်ငံမှာ နေထိုင်ပြီး ဝင်ငွေလည်းကောင်း၊ ကိုယ်ပိုင်အချိန်လည်း ထွက်မယ့် အလုပ်မျိုး ရှာနေပါသလား? ကျွန်ုပ်တို့ရဲ့ အိမ်ပြောင်းဝန်ဆောင်မှုလုပ်ငန်းမှာ အတူတူလက်တွဲလုပ်ကိုင်ဖို့ မြန်မာအမျိုးသား (၂) ဦး ကို ဖိတ်ခေါ်အပ်ပါတယ်။
💰 လစာနှင့် အကျိုးခံစားခွင့်များ (給与)
• တစ်ရက်လုပ်ခ: ၁၀,၃၆၀ ယန်း မှ စတင် (အလုပ်စောပြီးလျှင်ပင် တစ်ရက်စာ အပြည့်ပေးသည်)
• လစာခန့်မှန်းခြေ: * တစ်ပတ် ၂ ရက်နားလျှင် - ၂၂၇,၉၂၀ ယန်း နှင့်အထက်
• တစ်ပတ် ၁ ရက်နားလျှင် - ၂၆၉,၃၆၀ ယန်း နှင့်အထက်
• အပိုခံစားခွင့်: လမ်းစရိတ်ပေးခြင်း၊ အချိန်ပိုကြေး (OT) ပေးခြင်းနှင့် လုပ်ငန်းကျွမ်းကျင်မှုအပေါ် မူတည်၍ လစာတိုးပေးခြင်း။
• အာမခံ: လုပ်ငန်းခွင် ထိခိုက်မှု အာမခံ (労災保険) အပြည့်အစုံရှိသည်။
📍 နေရာနှင့် သွားလာရေး
• တည်နေရာ: Hanshin ရထားလိုင်း၊ အနီးဆုံးဘူတာမှ ခြေကျင် (၅) မိနစ်။
• ကား (သို့) ဆိုင်ကယ်ဖြင့် အလုပ်လာနိုင်သည် (ကုမ္ပဏီဝင်းအတွင်း ပါကင် အခမဲ့)။
⏰ အလုပ်ချိန်နှင့် တစ်နေ့တာ အလုပ်စီးဆင်းမှု
• ၀၇:၀၀ ~ ၁၇:၀၀ (ညနေ ၅ နာရီမတိုင်ခင် အလုပ်ပြီးတာ များပါတယ်)
• အလုပ်ဆိုင်း (Shift) ကို LINE မှတစ်ဆင့် လွတ်လပ်စွာ ညှိနှိုင်းနိုင်လို့ ကိုယ်ပိုင်ကိစ္စတွေနဲ့ အချိန်ညှိရလွယ်ကူပါတယ်။
• တစ်နေ့လျှင် အိမ်ပြောင်းလုပ်ငန်း (၁) ခုမှ (၂) ခုခန့်သာ လုပ်ကိုင်ရပါမည်။
✨ ဒီအလုပ်ကို ဘာလို့ ရွေးချယ်သင့်တာလဲ?
✅ အတွေ့အကြုံမလို: အခြေခံကစပြီး သေချာသင်ပေးမှာမို့ စိတ်ပူစရာမလိုပါ။
✅ Gym အခမဲ့: လုပ်ငန်းခွင်မှာ ကြွက်သားလေ့ကျင့်ခန်းစက်များ (Gym equipment) အပြည့်အစုံရှိလို့ အခမဲ့ အသုံးပြုနိုင်ပါတယ်။
✅ တိုးတက်မှု: အမြဲတမ်းဝန်ထမ်း (正社員) အဖြစ် တိုးမြှင့်ခံရမည့် အခွင့်အလမ်းရှိပါတယ်။
✅ ယူနီဖောင်း: အလုပ်ဝတ်စုံ အခမဲ့ ငှားရမ်းပေးပါမည်။
📝 လျှောက်ထားရန် သတ်မှတ်ချက်များ
• မြန်မာလူမျိုး အမျိုးသား (၂) ဦး။
• အသက် (၂၀) နှစ်နှင့်အထက်။
• JLPT N3 အနည်းဆုံး ရှိရမည်။
• ဂျပန်နိုင်ငံတွင် ယာဉ်မောင်းလိုင်စင် ယူနိုင်သူ ဖြစ်ရမည်။

လျှောက်ထားလိုသူများ လုပ်ဆောင်ရန်

၁။ အောက်ပါ google form ကိုဖြည့်ပါ။

https://forms.gle/fcQuJgQdoykrYdUb6


၂။scan ဖတ်ထားသော (သို့)screenshot ရိုက်ထားသောအောင်လက်မှတ်များကိုPage Messenger သို့ပို့ပေးရန်။

အဲ့ဒီနောက် လျှောက်ထားသူများကိုအစဉ်လိုက်ဆက်သွယ်ပြီး ပထမအဆင့် အင်တာဗျူးအတွက် ရက်နှင့်အချိန်သတ်မှတ်တာကို လုပ်ဆောင်သွားပါမယ်။

ကျေးဇူးတင်ပါတယ်ခင်ဗျ။


📩 စိတ်ဝင်စားပါက အသေးစိတ်ကို Messenger သို့မဟုတ် LINE မှတစ်ဆင့် ခုပဲ ဆက်သွယ်စုံစမ်းနိုင်ပါပြီ။

18/04/2026

အားလုံးပဲ မင်္ဂလာပါရှင် ✨

🌟အလုပ်ခေါ်စာ TG26002 သိုခုတေးဂိနော စားသောက်ကုန်ထုတ်လုပ်ငန်း အလုပ်မှာ စာရွက်စာတမ်းစိစစ်‌ရွေးချယ်ခြင်းကို အောင်မြင်သွားတဲ့ ညီမငယ် ၅ ဦးရှိခဲ့ပါတယ်။

🌟ထိုညီမငယ် ၅ ဦးကို ကုမ္ပဏီမှ အစားအသောက်လှီးခြင်း၊ အခွံနွှာခြင်းများကို လုပ်စေခဲ့ပြီး အကဲဖြတ်ရွေးချယ်ခဲ့ရာမှာ အောက်ပါ ညီမငယ် ၄ ဦးက အင်တာဗျူးကြီးကို တက်လှမ်းသွားခဲ့ပါတယ်။

🌟လာမယ့်အပတ်ထဲမှာ အင်တာဗျူးကြီး ဖြေဆိုရမှာဖြစ်ပါတယ်။ အင်တာဗျူးအောင်မြင်ကြပါစေရှင်။

🌟ယခု သိုခုတေးဂိနော စားသောက်ကုန်ထုတ်အလုပ်ခေါ်စာမှာ ယောက်ျားလေးအလုပ်ခေါ်စာလည်းရှိလို့ စိတ်ဝင်စားသူများ အောက်ပါလင့်ခ်မှာ အသေးစိတ်ဖတ်ရှုပြီး လျှောက်ထားနိုင်ပါတယ်။

https://www.facebook.com/photo.php?fbid=122182689512690655&set=pb.61570719665554.-2207520000&type=3

ကျေးဇူးတင်ပါတယ်ရှင်။

14/04/2026

Hikari JLS ရဲ့ စကားပြောအတန်း ဆရာမ မိတ်ဆက် ✨

အားလုံးပဲ မင်္ဂလာပါ။

❣️၅ လပိုင်း၊ ၆ လပိုင်း၊ ၇ လပိုင်းများမှာ ဂျပန်နိုင်ငံကို အသီးသီးသွားရောက်မယ့် အင်တာဗျူးအောင်မြင်ပြီး စီအိုအီးရရှိပြီးသူများ၊ စီအိုအီးစောင့်ဆိုင်းနေသူများအတွက် ရည်ရွယ်ပြီး ဖွင့်လှစ်ခဲ့တဲ့ လုပ်ငန်းခွင်သုံး ဂျပန်ဘာသာစကား အွန်လိုင်းအတန်းကို မနေ့က စတင်ခဲ့ပါတယ်။

❣️သင်ကြားပေးတဲ့ဆရာမကတော့ ဖြိုးဆန်းဆေးပဲ ဖြစ်ပါတယ်။

❣️ဖြိုးဆန်းဆေးဟာ MUFL (Japanese) နဲ့ ဘွဲ့ရထားပြီးတော့ ဂျပန်မှာ ဘာသာစကားကျောင်းနဲ့ ဟိုတယ်ပညာရပ်သင်ကောလိပ်တွေကို တက်ရောက်ခဲ့ပါတယ်။ အဲ့နောက်မှာ ဂျပန်နိုင်ငံမှာရှိတဲ့ ဟိုတယ်မှာ ဝင်ရောက်အလုပ်လုပ်နေတာ ဒီနှစ်နဲ့ဆို ၆ နှစ်‌ရှိပါပြီ။

❣️ဖြိုးဆန်းဆေးဟာ N1 ရရှိထားသူဖြစ်ပြီး ဂျပန်အစိုးရအသိအမှတ်ပြု ဟိုတယ်လက်မှတ်များ၊ ခရီးသွားခြင်းဆိုင်ရာ လက်မှတ်များကိုလည်း ရရှိထားပါတယ်။

💫နောက်များမှာလည်း Hikari မှာ ဖြိုးဆန်းဆေးရဲ့ အွန်လိုင်းစကားပြောအတန်းများကို ဖွင့်လှစ်ပေးသွားပါမယ်။

13/04/2026

📢 ကိုဘေးမြို့ (Kobe) တွင် အစားအသောက်ထုတ်လုပ်ရေး (Tokutei Gino) အလုပ်ခေါ်ယူခြင်း 🍱✨

特定技能1号 食品製造業　兵庫県

အလုပ်ခေါ်စာ TG26005

ခန့်အပ်မည့်လူဦးရေ - အမျိုးသား (၁) ဦး

---------------------------------------------------------
မြန်မာမှ ဂျပန်လာချင်နေသူ မောင်ငယ်၊ ညီငယ်များအတွက် အထူးသတင်းကောင်းလေး👇🏾👇🏾

📢 ဂျပန်နိုင်ငံ ကိုဘေးမြို့မှာအလုပ်လုပ်ရင်း အဆောင်ခ "အခမဲ့" နဲ့ ပိုက်ဆံအများကြီး စုချင်သူတွေအတွက် အခွင့်အလမ်းကောင်းတစ်ခု လာပါပြီ။

ဒီအလုပ်က ဗီယက်နမ်ဝန်ထမ်းတွေကို သေချာဂရုစိုက်ပြီး လက်တွဲလုပ်ကိုင်လာတာ (၇) နှစ်ကျော်ပြီဖြစ်လို့ မြန်မာဝန်ထမ်းသစ်တွေအတွက်လည်း စိတ်ချလက်ချ လုပ်ကိုင်နိုင်မယ့်နေရာတစ်ခု ဖြစ်ပါတယ်။

📌 အလုပ်အကိုင်အသေးစိတ်

၁။ အလုပ်နေရာ Hyogo-ken, Kobe-shi (ဟျောဂိုခရိုင်၊ ကိုဘေးမြို့)။

၂။ လစာအခြေခံလစာ ၁၉ သောင်း
(စနေ၊ တနင်္ဂနွေ အလုပ်ဆင်းပါက တစ်နာရီလျှင် ၁၃၀၀ ယန်း အထိ တိုးပေးပါမည်။)

၃။ အထူးခံစားခွင့်များ
• ရက်မှန်ကြေး (Attendance Bonus) - လစဉ် ၅၀၀၀ ယန်း။
• နှစ်သစ်ကူးကာလတွင် အပိုဆုကြေး (寸志) ချီးမြှင့်ပေးပါမည်။

၄။ အဆောင်နှင့် သွားလာရေး
• အဆောင်ခ လုံးဝ (အခမဲ့) ဖြစ်ပြီး အလုပ်ခွင်သို့ ခြေကျင် (၅) မိနစ်ခရီးသာ ဝေးပါသည်။
• တစ်ဦးလျှင် တစ်ခန်းနှုန်းဖြင့် သီးသန့်နေထိုင်ရပါမည်။ (အစပိုင်းလများတွင်သာ ၂ ဦးတစ်ခန်း ဖြစ်နိုင်သည်)။
• အသုံးပြုရန် စက်ဘီးလည်း ထုတ်ပေးပါမည်။

⏰ အလုပ်ချိန်နှင့် အချိန်ပို
• မနက် ၈ နာရီ မှ ညနေ ၅ နာရီအထိ (8:00 - 17:00)။
• အချိန်ပို (OT) မှာ ပုံမှန်အားဖြင့် တစ်လလျှင် (၁၀) နာရီဝန်းကျင်ရှိပြီး၊

အလုပ်များသည့် နွေရာသီနှင့် ဒီဇင်ဘာလများတွင် နာရီ (၃၀) ခန့်အထိ ရှိတတ်ပါသည်။

✅ အလုပ်ခွင်အခြေအနေ

လက်ရှိမှာ ဗီယက်နမ်ဝန်ထမ်း (၁၃) ဦးခန့်ရှိပြီး အစောဆုံးရောက်ခဲ့တဲ့သူတွေဆိုရင် သိုခုတေးဂိနော အမှတ် ၂ အဆင့်အထိ တက်လှမ်းနေကြပါပြီ။ နိုင်ငံခြားသားတွေကို မိသားစုလို နွေးနွေးထွေးထွေး ဆက်ဆံတဲ့ အလုပ်ခွင်ကောင်းတစ်ခု ဖြစ်ပါတယ်။

❗️ လျှောက်ထားလိုသူများ လုပ်ဆောင်ရန်

၁။ အောက်ပါ goolge form ကို ဖြည့်ပါ။
https://forms.gle/ssSkuY1NMnGYTsm5A

၂။ scan ဖတ်ထားသော သို့မဟုတ် screenshot
ရိုက်ထားသော အောင်လက်မှတ်များကို Page Messenger သို့ ပို့ပေးပါ။

အဲ့ဒီနောက် လျှောက်ထားသူကို အစဥ်လိုက်ဆက်သွယ်ပြီး ပထမအဆင့်အင်တာဗျူးအတွက် ရက်‌နဲ့ အချိန်သတ်မှတ်တာကို လုပ်ဆောင်သွားပါမယ်။

ကျေးဇူးတင်ပါတယ်။

11/04/2026

Myanmar HR Support LLC ဟာ ဂျပန်နိုင်ငံမှာ မှတ်ပုံတင်ထားတဲ့ ကုမ္ပဏီဖြစ်ပြီးတော့ ဂျပန်လို ミャンマー人材サポート合同会社 လို့ ခေါ်ပါတယ်။

Q: Myanmar HR Support LLC (ミャンマー人材サポート合同会社) က ဘာလုပ်တဲ့ကုမ္ပဏီလဲ?
A: အဓိကအားဖြင့် အောက်ပါအချက် ၂ ချက်ကို လုပ်‌ဆောင်နေတဲ့ ကုမ္ပဏီဖြစ်ပါတယ်။

၁။ မြန်မာလူမျိုးများကို အလုပ်အကိုင်ရှာဖွေ မိတ်ဆက်ပေးခြင်း။
၂။ ကျွမ်းကျင်လုပ်သားများရဲ့ လူနေမှုဘဝကို ကူညီဆောက်ရွက်ပေးခြင်း။

ဒီလိုလုပ်ငန်းတွေ လုပ်ဆောင်ဖို့အတွက် ဂျပန်အစိုးရဆီကနေ လိုင်စင်တွေ ရယူထားပါတယ်။
▫️အလုပ်အကိုင်မိတ်ဆက်လိုင်စင် 有料職紹介事業 27-ユ-304208
▫️ကျွမ်းကျင်လုပ်သား ကူညီစောင့်ရှောက်ရေး အဖွဲအစည်းလိုင်စင် 登録支援機関 24登- 009653

Q: Myanmar HR Support LLC ကုမ္ပဏီကို တည်ထောင်ထားသူတွေက ဘယ်သူတွေလဲ?
A: ကုမ္ပဏီကို ပူးတွဲတည်ထောင်ထားပြီး စီမံခန့်ခွဲနေသူတွေက ဂျပန်လူမျိုး Kishioka Fumiko (ခိရှိအိုကာ ဖုမိခို) နှင့် မြန်မာလူမျိုး မိုးဖူးပွင့်ကြော့ တို့ နှစ်ဦးဖြစ်ပါတယ်။

တစ်ဦးချင်းစီကို အကျဥ်းချုံးမိတ်ဆက်ရရင်
၁။ Kishioka Fumiko (ခိရှိအိုကာ ဖုမိခို) ဟာ အိုဆာကာနိုင်ငံခြားဘာသာတက္ကသိုလ်ကနေ ဘွဲ့ရပြီး ဂျပန် Language School ကျောင်းတွေမှာ သင်ကြားရေးတာဝန်ခံ ဆရာမအဖြစ်နဲ့ အလုပ်လုပ်ကိုင်ခဲ့ပါတယ်။ လက်ရှိမှာတော့ အလုပ်သမားနှင့် အာမခံရှေ့နေလိုင်စင်ကို ယူထားပြီး အလုပ်သမားနှင့် အာမခံရှေ့‌နေလုပ်ငန်း၊ မြန်မာလူမျိုးများကို အလုပ်အကိုင်မိတ်ဆက်ပေးခြင်း၊ ကူညီပံ့ပိုးပေးခြင်း စတဲ့လုပ်ငန်းများကို လုပ်ကိုင်နေပါတယ်။

၂။ မိုးဖူးပွင့်ကြော့ဟာ ရန်ကုန်နိုင်ငံခြားဘာသာတက္ကသိုလ်ကနေ တရုတ်ဘာသာနဲ့ ဘွဲ့ရခဲ့ပြီး ဂျပန်မှာ Language School တက်ရောက်ခဲ့ပြီးနောက် လုပ်ငန်းခွင်ကို ဝင်ရောက်ခဲ့ပါတယ်။ ဂျပန်ကုမ္ပဏီတွေမှာ အဓိကအားဖြင့် ဘာသာပြန်ခြင်း၊ ကျွမ်းကျင်လုပ်သားများအတွက် နေထိုင်မှုဘဝကို ကူညီခြင်း၊ ဗီဇာလျှောက်ထားခြင်း စသည့် လုပ်ငန်းများကို လုပ်ကိုင်ခဲ့ပါတယ်။ လက်ရှိမှာတော့ မြန်မာလူမျိုးများကို အလုပ်အကိုင်မိတ်ဆက်ပေးခြင်းနှင့် သိုခုတေးဂိနောလုပ်သားများကို ကူညီတဲ့ supporting organisation လိုင်စင်များ ယူထားပြီး လုပ်ငန်းလုပ်ကိုင်လျက်ရှိပါတယ်။