18/04/2017
തൊഴില്മേള ഏപ്രില് 23 ന് കണ്ണൂർ പള്ളിക്കുന്നിൽ
കണ്ണൂര്: കേന്ദ്ര തൊഴില് ഉദ്യോഗ മന്ത്രാലയത്തിന് കീഴില് പ്രവര്ത്തിക്കുന്ന നാഷണല് കരിയര് സര്വ്വീസും കൊച്ചിയിലെ സൊസൈറ്റി ഫോര് ഇന്റഗ്രേറ്റഡ് ഗ്രോത്ത് ഓഫ് ദി നാഷന്, നാഷണല് ഇന്സ്റ്റിറ്റിയൂട്ട് ഓഫ് ഇലക്ട്രോണിക്സ് ആന്റ് ഇന്ഫര്മേഷന് ടെക്നോളജി, കേരള ചേമ്പര് ഓഫ് കോമേഴ്സ് ആന്റ് ഇന്റസ്ട്രീസ് എന്നിവര് സംയുക്തമായി സ്വകാര്യമേഖലയില് തൊഴില് നല്കുന്നതിന് തൊഴില് മേള സംഘടിപ്പിക്കുന്നു. 2017 ഏപ്രില് 23 ന് രാവിലെ 9 മണിക്ക് കണ്ണൂര് കൃഷ്ണമേനോന് സ്മാരക വനിതാ കോളേജിലാണ് മേള സംഘടിപ്പിക്കുന്നത്. മള്ട്ടി നാഷണല് കമ്പനികള് മുതല് ചെറുതും വലുതുമായ നിരവധി സ്വകാര്യ സ്ഥാപനങ്ങള് പങ്കെടുക്കുന്ന മേളയില് അഞ്ചാം ക്ലാസ് മുതല് ബിരുദ ബിരുദാനന്ദര വിഭാഗത്തില്പ്പെട്ടവര്ക്കും ജോലി നല്കും. മൂവായിരത്തോളം തൊഴില് സാധ്യതകളാണ് മേളയില് പ്രതീക്ഷിക്കുന്നത്. പങ്കെടുക്കാനാഗ്രഹിക്കുന്ന ഉദ്യോഗാര്ത്ഥികള് അവരുടെ വയസ്സ്, യോഗ്യത, തൊഴില് പരിചയം എന്നിവ തെളിയിക്കുന്ന സര്ട്ടിഫിക്കറ്റുകളുമായി അന്നേദിവസം രാവിലെ 9 മണിക്ക് മേള നടക്കുന്ന കേന്ദ്രത്തിലെത്തി രജിസ്റ്റര് ചെയ്യണം. ഒഴിവുകളിലേക്ക് ഉദ്യോഗാര്ത്ഥികളെ പരിഗണിക്കാന് താല്പ്പര്യമുള്ള കമ്പനികള് www.ncs.gov.in എന്ന വെബ് സൈറ്റില് ജോബ് സീക്കര് ആയി രജിസ്റ്റര് ചെയ്യണം. ഫോണ്: 0471 2332113, 9495746866.
Jobseeker
