Nina's Consulting Space

29/08/2024

ფოსტის გადამისამართება შეგიძლიათ ონლაინ მარტივად DHL-ის ოფიციალურ გვერდზე: https://shop.deutschepost.de/nachsendeservice-beauftragen

ზემოთ მოცემულ ლინკზე გადასვლის შემდგომ შეგეძლებათ შეიყვანოთ თქვენი აქტუალური ინფორმაციები და ახალი მისამართი, სადაც თქვენი გზავნილები უნდა გადამისამართდეს. შესაძლებლობა გაქვთ აირჩიოთ 6 ან 12 თვიანი გადამისამართების სერვისი.

6 თვიანი სერვისის ფასია 28,90 €, ხოლო 12 თვიანის 37,90 €, რომელსაც პირდაპირ DHL-ის გვერდზე იხდით. გადახდა შეგიძლიათ Paypal-ით ან ნებისმიერი საკრედიტო ბარათით.

25/05/2024

გერმანიაში მაცხოვრებლებს, რომელთაც სურთ ამერიკაში ტურისტული მიზნით წასვლა, ესაჭიროებათ B1/B2 ვიზა. ამისათვის სავალდებულოა შეავსოთ ე.წ. Online Nonimmigrant Visa Application (DS-160) - ფორმულარი. ამისთვის უნდა გადახვიდეთ ოფიციალურ საიტზე, აირჩიოთ თქვენთვის სასურველი საელჩო გერმანიაში (Berlin, Frankfurt oder München) და მიჰყვეთ ინსტრუქციებს: https://ceac.state.gov/genniv/default.aspx?2SN0FWoJ2HjzwiWXwTQ0PQ==&TSPD_101_R0=0883343043ab2000c43f136b3e51c3b5ebee6d121115f13497805dab7764993dbf353255dde9ff0108bba21457143000b64a228023c1cc30d7fc9c8f165f6a31ce5b11e952127bba06cc84b1100b6a998c68aae4beb322548f7bd6d1d0af0cb7

მთლიან პროცესს დაახლოებით 1-1,5 საათი ესაჭიროება. როცა ყველა ინფორმაციას შეავსებთ, აუცილებელია შემდეგ ნაბიჯში დარეგისტრირდეთ https://portal.ustraveldocs.com/ - ზე, აირჩიოთ გადახდის ფორმა და გადაიხადოთ განცხადების საფასური. 2-3 სამუშაო დღეში მიიღებთ გადახდის დასტურს და შეგეძლებათ საელჩოში ვიზიტის გაკეთებას, სადაც მიგიწვევენ პირად 10-20 წუთიან გასაუბრებაზე.

აუცილებელია ინფორმაცია შეიყვანოთ სწორედ. თუკი მთლიანი პროცესის განმავლობაში კითხვები გაგიჩნდებათ ან პროცესს ვერ გაიგებთ, შეგიძლიათ დამიკავშირდეთ.

24/03/2024

ძალიან ბევრი მწერს და მთხოვს კონსულტაციას ჩაბარებასთან დაკავშირებით. მე მინდა გავუსვა ხაზი იმას, რომ "Asyl"-ის თემებში კონსულტაციას არ ვიძლევი.

2023 წლის 16 ნოემბერს საქართველო აღიარებული იქნა უსაფრთხო ქვეყნად (რაც ნამდვილად სასიხარულო ამბავია), ეს ნიშნავს, რომ არანაირი საბაბი არ არსებობს ქართველი ხალხის ევროპის ქვეყნებში ჩაბარებისთვის. ამ მიზეზით ახალი Asyl-ის განაცხადები დროულად იქნება უგულებელყოფილი.

https://www.bundestag.de/dokumente/textarchiv/2023/kw41-de-georgien-moldau-sichere-herkunft-970840 #:~:text=Moldau%20und%20Georgien%20als%20sichere,Moldau%20als%20sichere%20Herkunftsstaaten%20eingestuft.

სხვა თემებთან დაკავშირებით როგორიცაა კარიერა & სწავლა-განათლება, პერსპექტივები, ზოგადი ბიუროკრატიული თემები, სიამოვნებით დაგეხმარებით.

Schönen Sonntag Euch! 🌞

21/03/2024

იხილეთ ინსტრუქცია აპლიკაციის დახმარებით სამგზავრო ბილეთების შესაძენად.

გაითვალისწინეთ, რომ არანაირი ლეგარული თვიური ბილეთები 20-30€-ს ფარგლებში არ არსებობს. 49€-იანი ბილეთი (Deutschlandticket) 2024 წლის 1 აპრილიდან სტუდენტებისთვის 25 ევრო ეღირება, თუმცა ამისთვის უნივერსიტეტის დასტური იქნება აუცილებელი.

გთხოვთ მოერიდოთ ყალბი ბილეთების ყიდვას, ყალბი მონაცემების შეყვანას და აიცილოთ არასაჭირო პრობლემები.

17/03/2024

CHECK24 არის 1999 წელს დაფუძნებული კომპანია რომელიც მოღვაწეობს ქალაქ München-ში. ის 2008 წლიდან გამოიყენება ფასების შედარების პორტალად სადაზღვეო სერვისებისთვის, ფინანსებისთვის, ენერგიისთვის, ტელეკომუნიკაციისთვის და მოგზაურობისთვის.

ბევრს აინტერესებს სად და როგორ შეიძლება მობილურის განვადებით გამოწერა. Check24-ზე ეს მარტივადაა შესაძლებელი (რა თქმა უნდა, თუკი თქვენს ოფიციალურ ვიზას 2 თვე აქვს ვადა, 2 წლიან განვადებას ვერ მიიღებთ.)

იხილეთ ინსტრუქციაში Iphone14-ს მაგალითზე, თუ როგორ შეიძლება მობილურის კონტრაქტით გამოწერა Ckeck24-ზე (Handy mit Vertrag).

Viel Erfolg!✅

13/03/2024

ბევრს აინტერესებს, თუ როგორ შეადგინოს საგადასახადო დეკლარაცია ე.წ. "Steuererklärung" გერმანიაში.

ამისათვის უნდა შეხვიდეთ Elster-ის ოფიციალურ გვერდზე და დარეგისტრირდეთ. Elster-ის გვერდზე დარეგისტრირება საკმაოდ მარტივი და ინტუიციურია, იხილეთ ბმული:

https://www.elster.de/eportal/registrierung-auswahl

როდესაც რეგისტრაციის ველზე გადახვალთ, შეგეძლებათ თქვენი ავტორიზაციის მეთოდის არჩევა. ამ შემთხვევაში გირჩევთ, რომ აირჩიოთ "Zertifikatsdatei", რომელსაც მიღების შემდომ თქვენს კომპიუტერში ჩამოტვირთავთ და შეინახავთ, რომელიც არავითარ შემთხვევაში არ უნდა დაკარგოთ ან წაშალოთ, რადგან თქვენ ის ყოველი ავტორიზაციისას დაგჭირდებათ. უსაფრთხოების მიზნით გააკეთეთ ამ ავტორიზებისთვის საჭირო სერტიფიკატის კოპია ან სხვა სახის Backup.

შეიყვანეთ პირადი ინფორმაცია, E-Mail, დაბ. დღე, საგადასახადოს საიდენტიფიკაციო ნომერი (Steueridentnummer), რომელსაც თქვენ Gehaltsabrechnung-ზეც იხილავთ.

ინფორმაციის შევსებისა და მისი გაგზავნის შემდგომ მაქსიმუმ 10 დღეში მიიღებთ გააქტიურების კოდს via E-Mail და ფოსტით. Მათი შეყვანის შემდგომ შეძლებთ ავტორიზებისთვის აუცილებელი სერტიფიკატის გენერირებას და მის კომპიუტერში ჩამოტვირთვას. ამის შემდგომ შეგეძლებათ სისტემაში შესვლა და ახალი ფორმულარების შევსება, გააჩნია რა სახის დეკლარაციას აკეთებთ.

კონკრეტული შემთხვევებისა და ფორმულარების შევსებისას ამოტივტივებულ კითხვების შემთხვევაში, მომწერეთ ქვემო ღილაკის მეშვეობით. :)

Viel Spaß!

Bei uns benötigen Sie aus Sicherheitsgründen stattdessen eine ZertifikatsdateiHilfe zum Begriff anzeigen und ein Passwort oder die App ElsterSecure.

11/03/2024

როგორ მივიღოთ გერმანიაში ე.წ. "Führungszeugnis" (ნასამართლეობის ცნობა)?
მისი გამოწერა შესაძლებელია იუსტიციის სამინისტროს ონლაინ გვერდზე, იხილეთ ლინკი: https://www.fuehrungszeugnis.bund.de/ffw/form/display.do?%24context=F633E65110E52CA5BFA7

მისი გამოწერა ხდება 5 ნაბიჯში, მიჰყევით ინსტრუქციას:

✅აირჩიეთ პირველ ველში "für mich selbst".
✅შეავსეთ თქვენი პირადი ინფორმაციები, სახელი/გვარი, საცხოვრებელი ადგილი, ეროვნება.
✅შეავსეთ დამატებითი ინფორმაციები როგორიც არის საკონტაქტო მისამართი.
✅შეიყვანეთ გადახდის მეთოდი და საბანკო ანგარიშის ნომერი და ინფორმაცია ბარათის მფლობელთან დაკავშირებით.
✅გადახედეთ ინფორმაციას, გადაამოწმეთ და დაადასტურეთ.

დაახლოებით 7/10 სამუშაო დღის განმავლობაში მიიღებთ ცნობას ფოსტის მეშვეობით.

დამატებითი ინფორმაციისთვის მომწერეთ ქვემო ღილაკის მეშვეობით.

Beste Grüße und schöne Woche wünsche ich Euch!

09/03/2024

ბევრმა ტურისტმა და ახლად მიგრირებულმა ქართველმა არ იცის, რომ 49 ევროდ შესაძლებელია მთლიანი გერმანიის მასშტაბით Nah- und Regionalverkehr-ით მგზავრობა. ამ პოსტით აგიხსნით, ამ ბილეთით რომელი მატარებლებით მგზავრობის უფლება გაქვთ და როგორ შეიძინოთ ის.

ქვემოთ განვმარტავ, თუ როგორ შევიძინოთ 49 € Deutschland Ticket:

08/03/2024

„Nichts scheinen Götter und Männer mehr zu fürchten, als den Verlust der Kontrolle über Frauen.“ – Mary Daly

Happy Women's Day you guys! 😍💄👑

07/03/2024

Fit für das Bewerbungsgespräch 🤝✍️

რა უნდა გავითვალისწინოთ და რა სახის კითხვებს უნდა ველოდეთ პროფესიულ გასაუბრებაზე გერმანულ ან ინტერნაციონალურ, გერმანიაში ლოკალიზებურ კომპანიაში?

ჩემს მრავალწლიან გამოცდილებებზე დაყრდნობით დიდ და საშუალო კომპანიებში კანდიდატურის შესარჩევ გასაუბრებებში მონაწილეობის და მათი ხელმძღვანელთან ერთად შერჩევის შემდგომ, შემიძლია დაზუსტებით გითხრათ, რა არის ის, რაც კომპანიას თქვენს შესახებ აინტერესებს ან რისი მოსმენა სურს, რა თამაშობს უდიდეს როლს თანამშრომლის შერჩევაში და რა არის ე.წ "Red Flags" პროფესიული გასაუბრების დროს.

შესაძლო კითხვების ძირითადი პუნქტებია:

✅ კითხვები პროფესიული გამოცდილების შესახებ / CV
✅კითხვები ცოდნისა და უნარების შესახებ
✅კითხვები მოტივაციისა და კარიერული მიზნების თაობაზე
✅კითხვები მუშაობის მეთოდებზე და გუნდური მუშაობის უნარზე
✅პრობლემის გადაჭრის და გადაწყვეტილების მიღების უნარი
✅კითხვები ხელმისაწვდომობისა და სამუშაო პირობების შესახებ
✅სიტუაციური კითხვები / Case

დაუშვებელი კითხვები, ე.წ. Red Flags რომელთა დასმის შემთხვევაშიც უფლება გაქვთ გასაუბრება დაასრულოთ და ოფისი უკომენტაროდ დატოვოთ:

❌კითხვები რელიგიასთან ან მსოფლმხედველობასთან დაკავშირებით
❌კითხვები ოჯახურ მდგომარეობასა და ოჯახურ გეგმებთან დაკავშირებით
❌კითხვა სექსუალურ ორიენტაციასთან და იდენტობასთან დაკავშირებით
❌კითხვები ფიზიკურ ან გონებრივ უნარშეზღუდულობასთან დაკავშირებით
❌კითხვები სისხლის სამართლის საქმესთან დაკავშირებით. მაგ.: "ყოფილხართ ოდესმე ნასამართლევი?" - Es sei denn, Sie bewerben sich als Polizist:in 😅

ზუსტი კითხვები ჩამოთვლილ თემებთან დაკავშირებით დამოკიდებულია თქვენს დაგეგმილ პოზიციაზე ან/და თანამდებობაზე.

Für weitere Infos meldet euch gerne 😊

06/03/2024

მოგესალმებით ულამაზესი ბავარიიდან.😊

მსურს, რომ ჩემი გერმანიაში მოპოვებული გამოცდილებები და ცოდნა თქვენც გაგიზიაროთ და ხელი შეგიწყოთ თქვენს წამოწყებებში, კონსულტაცია გაგიწიოთ სხვადასხვა თემებთან დაკავშირებით როგორიცაა გერმანიაში ჩამოსვლა, სოციალური წლის დაწყება, CV-ის გამზადება, გასაუბრებისთვის მომზადება, მუშაობის კულტურა, მართვის მოწმობის აღება და საკითხები, რომლებიც გერმანიის კონსტიტუციას ემყარება. რა უნდა გაითვალისწინოთ როცა ქირაობთ საკუთრებას ან Leasing-ით ქირაობთ მანქანას და ა.შ.

ჩემი მიზანია დავეხმარო ახალგაზრდებს და ზრდასრულებს პერსპექტივების ლეგალური გზით აღმოჩენასა და მიზნების განხორციელებაში.

პატივისცემით,
Nina's Consulting Space