23/03/2026
තෙල්වලට වඩා භයානක "ඩිජිටල්" තර්ජනය: ලෝකයේ හුස්ම හිර කළ හැකි මුහුදු යට කේබල් යුද්ධය
ලෝකයම අවධානය යොමු කරගෙන සිටින්නේ මැදපෙරදිග යුද්ධය නිසා තෙල් මිල ඉහළ යයිද යන්න පිළිබඳවයි. නමුත් ඊට වඩා බරපතළ, මුළු මහත් ගෝලීය ආර්ථිකයම විනාඩි කිහිපයකින් අඩපණ කළ හැකි තර්ජනයක් පිළිබඳව බොහෝ දෙනාගේ අවධානය යොමුවී නැත. ඒ පර්සියානු ගල්ෆ් කලාපයේ මුහුදු පතුලේ ඇති ෆයිබර් ඔප්ටික් (Fiber-optic) අන්තර්ජාල කේබල් පද්ධතියයි.
අපි හිතා සිටින්නේ අන්තර්ජාලය ක්රියා කරන්නේ චන්ද්රිකා මගින් කියා වුවත්, ඇත්ත වශයෙන්ම ලෝකයේ සමස්ත දත්ත හුවමාරුවෙන් 95% සිට 99% දක්වා ප්රමාණයක් ගලා යන්නේ මුහුදු පතුලේ ඇති අතිශය සිහින් වීදුරු තන්තු කේබල් හරහාය.
ඉරානය හෝ හූති කැරලිකරුවන් විසින් මෙම කේබල් පද්ධතිය ඉලක්ක කළහොත් ඇති විය හැකි විනාශය සිතාගත නොහැකි තරම්ය.දැනටමත් ඉරානය මේ පිළිබඳව අනතුරු අඟවා ඇත.
පර්සියානු ගල්ෆ් කලාපයේ මෙම කේබල් පද්ධතිය මත රටවල් රඳා පවතින ආකාරය:
• කටාර්: ජාත්යන්තර අන්තර්ජාල සබඳතාවලින් 99% ක්
• කුවේට් සහ බහරේන්: අන්තර්ජාල සබඳතාවලින් 95% ක්
• එක්සත් අරාබි එමීර් රාජ්යය: 90% ක්
• ඉන්දියාවේ සිට යුරෝපය බලා යන දත්ත: 70% ක්
• යුරෝපය සහ ආසියාව අතර සමස්ත දත්ත හුවමාරුව: 30% ක්
ඉරානය හෝ වෙනත් පාර්ශවයක් විසින් මෙම කේබල් පද්ධතියට හානි කළහොත් ඇතිවන බලපෑම අතිශය විනාශකාරී ය.
එක් කේබලයක් හෝ කපා දැමුවහොත් සිදුවිය හැකි දේ:
1. යුරෝපය සහ ආසියාව අතර ජාත්යන්තර බැංකු ගනුදෙනු සම්පූර්ණයෙන්ම අඩපණ වීම.
2. ක්රිප්ටෝ වෙළඳාම සහ මූල්ය වෙළඳපොළවල් අක්රිය වීම.
3. ඇමසන් (AWS), ගූගල් සහ මයික්රොසොෆ්ට් වැනි ක්ලවුඩ් සේවාවන් බිඳ වැටීම.
4. දිනකට ඇමරිකානු ඩොලර් ට්රිලියන 10ක පමණ ගෝලීය මූල්ය ගනුදෙනු නතර වීම.
මෙහි ඇති භයානකම තත්ත්වය වන්නේ මේ සඳහා විකල්ප පද්ධතියක් (Backup) ලෝකය සතු නොවීමයි. ලොව පුරා ඇති චන්ද්රිකා පද්ධති සියල්ල එකතු කළද මෙම කේබල් හරහා ගෙන යන දත්ත ප්රමාණයෙන් 1% ක් වත් හැසිරවීමට ඒවාට හැකියාවක් නැත.
එසේම මෙම කේබල් අලුත්වැඩියා කිරීමද අතිශය දුෂ්කරය. මුළු ලෝකයටම මෙවැනි අලුත්වැඩියා කටයුතු සඳහා ඇත්තේ විශේෂිත නැව් 60ක් පමණි. එක් කේබලයක් යථා තත්ත්වයට පත් කිරීමට සති 2 සිට 4 දක්වා කාලයක් ගත වේ.
අද වන විට ලෝකයේ ඩිජිටල් ආර්ථිකය රඳා පවතින්නේ කිසිදු ආරක්ෂාවක් නොමැති, මුහුදු පතුලේ ඇති මෙම වීදුරු තන්තු මතය. මෙය හුදෙක් කලාපීය ප්රශ්නයක් නොව, මුළු මහත් ලෝකයටම බලපාන දැවැන්ත තර්ජනයකි