Haramaya University

11/10/2026

የሀዘን መግለጫ

በሐረማያ ዩኒቨርሲቲ የግብርና ኢንጅነሪንግ ትምህርት ክፍል የቀድሞ መምህርና የዩኒቨርሲቲያችን ተባባሪ ሬጅስትራል ኃላፊ ሆነው ያገለገሉት ፣ ከዚያም በኋላ በአዳማ ሳይንስና ቴክኖሎጂ ዩኒቨርሲቲ በተለያዩ ኃላፊነቶች ያገለገሉት ፕሮፌሰር እንጂነር ዘውዱ አብዲ ከዚህ ዓለም በሞት በመለየታቸው የዪኒቨርሲቲያችን ማኔጅመንት እና መላው ማህበረሰብ የተሰማውን ጥልቅ ሀዘን ይገልፃል::

የዩኒቨርሲቲያች ለቤተሰቦቻቸዉ ፣ ለወዳጅ ዘመዶቻቸዉና ለስራ ባልደረቦቻቸው መጽናናትን ይመኛል!

ሐረማያ ዩኒቨርሲቲ
ጥቅምት 01/2019 ዓ.ም

10/10/2026

10/10/2026

09/10/2026

የተቋማዊ ጥራት የውስጥ ኦዲት ሪፖርት ላይ የውይይት መድረክ ተካሄደ

ሐረማያ ዩኒቨርሲቲ ያለበትን አሁናዊ ሁኔታ ለማወቅ ያካሄደውን ተቋማዊ የውስጥ ጥራት ኦዲት ጥናት ሪፖርት ላይ የዩኒቨርሲቲው አመራሮች በተገኙበት የውይይት መድረክ ተካሂዷል፡፡

በመድረኩ ላይ በሰባት የትኩረት መስክ የተቃኙ አስራ ስድስት የአሰራር ግምገማ ሪፖርቶች ቀርበው ግምገማ ተደርጎባቸዋል፡፡

መድረኩን በንግግር የከፈቱት የአስተዳደርና ልማት ምክትል ፕረዝዳንት ዶ/ር አብዲ መሃመድ እንዳሉት ዩኒቨርሲቲው በጥሩ ብቃትና ትጋት የተሰጠውን ተልዕኮ እያከናወነ ቢሆንም የላቀ ተግባር ለመከወን ፣ እየሰራ ያለው ስራ በደንብና መመሪያ የተደገፈ መሆኑን ፣ የተሰሩ ስራዎችም ተሰንደው መቀመጣቸውን ለማረጋገጥና መስተካከል የሚገባቸውን ለማስተካከል ተቋማዊ ኦዲት መደረጉ ጉልህ ሚና ይጫወታል ብለዋል፡፡

የተዘጋጀው የራስ ተቋማዊ ግምገማ ሪፖርት ለባለድርሻ አካላት ቀርቦ እንደሚገመገምና ዩኒቨርሲቲው እያደረገ ላለው የራስ ገዝነት ጉዞ ወሳኝ ምዕራፍ በመሆን የሚያገለግል መሆኑን ዶ/ር አብዲ ገልጸዋል፡፡

ዶ/ር አብዲ አክለውም የውስጥ ኦዲት ሪፖርት ተቋማዊ አሠራሮቻችን ፣ የአስተዳደር አወቃቀሮቻችን እና የትምህርት ውጤቶችን በጥልቀት መመዘን ብቻ ሳይሆን የሃገራዊ ደረጃዎችንና የአለም አቀፍ መመዘኛዎችን መሰረት አድርገው የተሰሩ መሆናቸውን ራስ ገዝ ሆኖ ለመስራት ያለውን ዝግጁነት የሚያጠናክር መሆኑን አብራርተዋል።

የዩኒቨርሲቲው የትምህርት ጉዳዮች ምክትል ፕሬዝዳንት ፕሮፌሰር መንግስቱ ኡርጌ እንደገለጹት ተቋማዊ ግለ-ግምገማ እንዲደረግ የትምህርትና ስልጠና ባለስልጣን በሰጠው አቅጣጫ መሰረት ዩኒቨርሲቲው ኮሚቴ በማዋቀር በሁሉም የአገልግሎት ዘርፎች ያለውን አሁናዊ ቁመና ላይ ግለ-ግምገማ በማድረግ የተዘጋጀው ሪፖርት ለሚመለከታቸው ኮሌጆችና የስራ ክፍሎች አመራሮች ቀርቦ ውይይት ተደርጎበታል፡፡

ተቋሙ የአሰራር ክፍተቶችን በፖሊሲና በመመሪያ እያስደገፈ ለማሻሻልና ለመስራት ተቋማዊ ግለ-ግምገማ ማድረጉ አስፈላጊ እንደሆነና በመድረኩ የተነሱ የማስተካከያ ሀሳቦች ተካተውበት ሪፖርቱ ለትምህርትና ስልጠና ባለስልጣን እንደሚላክ ፕሮፌሰር መንግስቱ አብራርተዋል፡፡

ተቋማዊ ግለ-ግምገማው በየአምስት ዓመቱ የሚከናወን ተግባር እንደሆነ ፕሮፌሰር መንግስቱ ጠቁመው በግለ-ግምገማው የተገኙትን ጠንካራ ልምዶች በማስቀጠል የተለዩትን የአሰራር ክፍተቶች ደግሞ እየታረሙ ስራዎች በጥራት የሚከናወኑ መሆናቸውን ጠቁመዋል፡፡

የሐረማያ ዩኒቨርሲቲ አካደሚክ ኦዲትና የጥራት ማረጋገጫ ዳይሬክቶሬት ዳይሬክተርና የኦዲት ኮሜቴው አስተባባሪ ዶ/ር ጋርኬቦ ባሻ በበኩላቸው የትምህርት ጥራትን ለማረጋገጥ ከሚሰሩ ስራዎች መካከል ተቋማዊ የውስጥ ጥራት ኦዲት አንዱ መሆኑንና የጥናት ኮሚቴ በማቋቋምና በአለም አቀፍ ደረጃ ተቀባይነት ባላቸው ፖሊሲዎችና መመሪያዎች በመጠቀም ላለፉት ስምንት ወራት አጠቃላይ የዩኒቨርሲቲው ስራዎች ኦዲት ተደርገዋል ብለዋል፡፡

ኦዲት በማድረጉ ሂደት ውስጥ በሁሉም ደረጃ የሚገኙ ከሃገር ውስጥና ከውጭ ሃገር የመጡ እንዲሁም መደበኛ ባልሆነ ሁኔታ የሚማሩ ተማሪዎችን፣ መምህራንን፣ ሰራተኞችን፣ የዩኒቨርሲቲውን አመራሮች፣ ሁሉም የስራ ክፍሎችና ባለድርሻ አካላትን ያካተተ ጥናት በማካሄድ የተሟላ ሰነድ መዘጋጀቱንም ዶ/ር ጋርኬቦ አብራርተዋል፡፡

በዚህ የኦዲት ጥናት በዋናነት ከተገኙት የአሰራር ክፍተቶች መካከል በመመሪያ ያልተደገፉ አሰራሮች መኖራቸው፣ የተሰሩ ስራዎችን በሚገባ ሰንዶ ያለመገኘት እና የመረጃ አለመናበብ ችግሮች የተለዩ መሆናቸውን ጠቅሰው ክፍተቶቹን በማረም ተቋማዊ የትምህርትና አሰራር ጥራትን ለማምጣት ሁሉም የስራ ክፍሎች በትብብር ተናበው መስራት እንደሚጠበቅባቸው ዶ/ር ጋርኬቦ ገልጸዋል፡፡

የዩኒቨርሲቲው የምርምርና ማህበረሰብ ጉድኝት ምክትል ፕሬዝዳንት ዶ/ር ይስሃቅ ዩሱፍ በማጠቃለያ ንግግራቸው ዩኒቨርሲቲው ስራዎችን በጥሩ ሁኔታ እያከናወነ ቢሆንም ወጥነት የሌለው አሰራር በመታየቱ የተፈጠሩ ክፍተቶችን ለማስቀረት የአሰራር ስርዓትን በመተግበር መስራት እንደሚገባ የቀረበው ጥናትም ያመላከተ በመሆኑ በቀጣይ የታዩትን ክፍተቶችን አርሞ መስራት ላይ ትኩረት እንደሚደረግ ተናግረዋል፡፡

ዘጋቢ፡ አወቀ አያልነህ
ፎቶግራፈር፡- ፎአድ አህመድ
ሐረማያ ዩኒቨርሲቲ የህዝብና ዓለም አቀፍ ግንኙነት
ለእድገት መሰረት እንጥላለን!

08/10/2026

የሐረማያ ዩኒቨርሲቲ ጤናና ህክምና ሳይንስ ኮሌጅ ከምሥረታው እስካሁን ለሀገር እያበረከተ ያለውን አስተዋፅዖ የሚያስቃኝ ዘጋቢ (ዶክመንተሪ) ፕሮግራም በፋና ፕላሥ ቴሌቪዥን ዛሬ መስከረም 28/2019 ዓ.ም ምሽት ከ3፡00 ሰዓት ጀምሮ ለዕይታ ስለሚቀርብ እንድታዩት እንጋብዛለን።

የሐረማያ ዩኒቨርሲቲ የሕዝብና ዓለም አቀፍ ግንኙነት

https://www.facebook.com/share/v/1F4aVCjzRd/

07/10/2026

Second Round Vacancy Announcement

06/10/2026