25/09/2026
🏛️ Plen ordinari deth mes de seteme en Ajuntament de Les
📅 Aué s’a celebrat en Ajuntament de Les eth plen ordinari corresponent ath mes de seteme, a on s’an tractat diuèrsi ahèrs d’interès entà toti es vesins e vesies deth nòste municipi.
🏠 Espacis municipaus entà toti
Entre es ahèrs tractadi, s’a aprovat era creacion d’ua ordenança reguladora dera cession e usatge des espacis, sales e installacions municipaus entà realizar activitats sociaus per part d’associacions, grops e entitats, atau coma entà activitats ludico-particulars des vesins e vesies de Les.
🤝 Des der Ajuntament volem facilitar e fomentar qu’es vesins e vesies de Les poguen hèr us des espacis e installacions municipaus, pr’amor que son espacis ath servici dera vida sociau, culturau e comunitària deth nòste pòble.
💚 Ath madeish temps, ei imprescindible que toti ne hèsquem un us responsable e cuedem es installacions. Son espacis publics, espacis de toti, e mantier-les en bones condicions ei ua responsabilitat compartida.
👉 Facilitar-ne er us tanben vò díder cuedar-les, entà que totes e toti poguen gaudir-ne aué e en futur. 🏡🤝
🐱 Gestion des colonies felines
Per un aute costat, s’a informat sus era implantacion deth programa de contròl des colonies felines deth municipi e s’an començat es tramits entà desvolopar un projècte CER (Captura, Esterilizacion e Retorn) en nòste municipi.
❤️ Damb aguestes actuacions, er Ajuntament de Les contunhe trabalhant entà melhorar es servicis municipaus, fomentar era participacion e era convivéncia entre vesins e vesies e avançar ena gestion responsable des espacis publics e deth benèster animau.
📍 Ajuntament de Les
