Skill up - Samah Sayed

16/07/2025

عارفين إيه أكتر حاجة بتضيع فرص الشغل من الشباب حتى لو هما مؤهلين ليها؟
إن ال CV بتاعهم ميبقاش بيعبر عنهم…
أو إنهم يدخلوا الإنترفيو وهم قلقانين ومش عارفين يجاوبوا يثبتوا نفسهم… حتى لو هما شاطرين جدًا
📸 الصور دي من سيشن عملية كنت بقدمها لشباب يجهزوا CV احترافي
و إزاي يعدّوهم للإنترفيو بخطوات عملية علشان يخرجوا من الدايرة دي ويبدأوا يلاقوا فرص حقيقية.
لو انت محتاج تعرف إزاي تجهز نفسك لسوق العمل بشكل عملي ومناسب .
ابعت رسالة على الواتساب ...




#تأهيل

14/07/2025

تخيل LinkedIn زى كافيه كبير قاعدين فيه ناس من كل المجالات، بيحكوا عن شغلهم، بيتعرفوا على بعض، وبيظهروا قدام الناس اللى بتوظف

وجودك عليه مش مرتبط بتخصصك بس، وجودك هناك بيعنى:

أنت شخص عايز تتطور وتتعلم

بتبنى شبكة علاقات تساعدك تلاقى فرص حتى لو مش فى مجالك

بتتعلم من تجارب الناس وتعرف إيه اللى بيحصل فعلاً فى سوق العمل

بتخلى أى شركة أو HR لما يبحث عن اسمك يلاقى إن ليك وجود وشخصية محترمة أونلاين

ممكن يجيلك فرص تدريب أو شغل أو حتى مشروع تطوعى يفتحلك باب كنت مفكر إنه مقفول

حتى لو أنت مش محدد مجالك دلوقتى، LinkedIn بيساعدك تكتشف أنت ميّال لإيه من خلال الناس اللى بتتابعهم، والبوستات اللى بتشدك

سؤال ليك: أنت حابب الناس تشوفك إزاى لما ييجى وقت الفرصة؟

وجودك على LinkedIn بيجهزك للفرصة قبل ما توصل، علشان لما تلاقى فرصة، تكون جاهز ليها بدل ما تدور بسرعة على حساب وتبنيه فى يوم وليلة

10/07/2025

"ما تعترضش على حاجة.. نفّذ وخلاص!"
بنسمع كتير الجملة دى فى شغلنا صح ..

🧑‍💼 وحضرتك تفضل ساكت عشان خايف عالشغل أو مش عارف تعترض إزاي.

هنا لازم نفهم:
✅ مهارة قول "لا" بأدب جزء أساسي من مهارات سوق العمل.
✅ لازم تعرف حقوقك الوظيفية والقانونية، وتحمي نفسك بذكاء.
✅ الاعتراض باحترام وبالأسلوب الصحيح هو Skill لازم تتعلمه، عشان تقدر تحمي نفسك وتحافظ على مكانك في نفس الوقت.

🔹 في كورساتنا بنعلّمك:
🔸 إزاي تعبر عن رأيك بدون مشاكل.
🔸 إزاي تواجه المواقف الصعبة في شغلك.
🔸 إزاي تتكلم مع مديرك بدون خوف أو كسر العلاقة.

🎯 سوق العمل مش مكان للخوف، لكنه مكان للتعلم، والتفاوض، والنمو.

لو عايز تتعلم المهارات دي بشكل عملي، احجز مكانك في كورسات التأهيل لسوق العمل والـ Soft Skills الجاية ❤️

09/07/2025

مفيش حاجة بتفرح قلبي زي لما حد بيخلص الكورس ويبعت يقولي إنه خرج بطاقة وحماس، أو إنه أخد خطوة في شغل أو مقابلة أو حتى بدأ يشتغل على في نفسه

لما حد بياخد من وقته وبيقرر يتعلم معايا، ويديني ثقته، ويكمل الكورس للنهاية

ولما يخلص، يجي يقولي إنه بدأ يحس إنه يقدر
أو إنه دخل مقابلة كان واثق في نفسه
الحاجات دي مش بسيطة بالنسبالي ❤️❤️❤️❤️

07/07/2025

لو طالب أو خريج وحاسس إنك تايه ومش عارف تبدأ شغلك أو تدور صح او مش عارف تبدأ منين أصلا ... ؟

أو مش عارف تكتب CV كويس أو تحضر نفسك للمقابلات؟

جهزت استبيان بسيط وسريع (ياخد منك دقيقة) علشان أقدر أعرف المشاكل اللي بتقابلك وأقدر أساعدك أنت وغيرك إننا نلاقي حلول عملية لها.

مش هياخد منك وقت وهتساعد ناس كتير غيرك كمان ❤️

خد دقيقة وجاوب على الاسئلة دى 👇👇👇

Made with Fillout, the best way to make forms, surveys and quizzes your audience will answer.

03/07/2025

كلنا عارفين شغل المكتب ومعروف..
بس السوق دلوقتي بقى مليان اختيارات تانية ممكن تناسب حياتك أحسن. تفتكر أنهي نوع فيهم يناسبك دلوقتي؟

#شغل #وظيفة

02/07/2025

بقيت بشوف أن الشغف لوحده كلمة هشة ( كلام تنمية بشرية - مجرد كلام )
يعنى حضرتك مش هتقوم الصبح تشتغل وتكمل وتقع وتقوم لمجرد إنك “عندك شغف”
ولا لمجرد إنك “عايز تثبت نفسك”
الكلام ده شكله حلو بس مش بيأكّل عيش
لو عايز تكمل وتحقق فعلا
لازم يكون عندك سبب حقيقي يقنعك تقوم من السرير .. وتقوم وأنت عندك طاقة كمان تكمل ...
زي إيه ؟
عايز تنشر علم يفيد الناس
عايز تبني شغل نظيف تكسب منه بالحلال
عايز تربي ولادك في مستوى أحسن
عايز تسيب أثر وتساعد غيرك
النجاح مش بيجي من “شغف” بس
بيجي من شغف + هدف واضح + التزام يومي حتى لو صغير
اسأل نفسك
ليه بتعمل اللي بتعمله ..وليه المفروض تكمل
لما تلاقي السبب ده ...هتقدر تكمل حتى لو الشغف غاب عنك يومين
لأنك عندك “سبب” أقوى من المزاج والتاثير النفسي
من غير ما نحط إيدينا على الدافع الحقيقي ( هدف واضح مع إلتزام )
اللي فعلا بيكون منطقي ويخلينا نكمل بجد

28/06/2025

انت تستاهل تعيش الحياة اللي بتحلم بيها .. تستاهل تكون في مكان يليق بيك ..

مفيش حاجة اسمها متأخر.... مفيش حاجة اسمها مش هينفع .. او لسة شوية ..

انت تقدر تبدأ دلوقتي ... بخطوة صغيرة

تقدر تتعلم حاجة جديدة، حتى لو حاجة بسيطة

تقدر تتحرك ناحية حلمك .. حتى لو الناس حواليك مش شايفينه .. مش مهم ..

مفيش حد في الدنيا بينجح من غير ما يغلط ويتعلم .. طبيعى عشان تتعلم ..

مفيش حد بيحقق حلمه وهو قاعد بيستنى اللحظة المناسبة .. هو ف الغالب بيفضل مستنى اصلا ..

اللحظة المناسبة هي دلوقتي .. مش لما الظروف تتهيأ ..

قوم دلوقتي، اكتب هدفك

ابدأ دور هتبدأ من انهى طريق ..

خلي عندك أمل حتى لو الظروف مش كاملة او مش مناسبة او متلغبطة معاك شوية ..

افتكر إن السعي في حد ذاته انتصار

وانت بتسعى، انت بتكبر من جواك

وانت بتحاول، انت بتبني نفسك يوم ورا يوم

حتى لو بكرة آخر يوم، متسيبوش يعدي وانت ساكت

عيش يومك

واسعى

وافرح بخطواتك حتى لو صغيرة

انت تستاهل الفرحة اللي بتدور عليها




#اتعلم #تطوير

24/06/2025

أوقات كتير بنقعد نسأل نفسنا:"أنا شاطر في إيه؟"
يعني أنا لو قدمت في شغل ... أقولهم إني مميز في إيه؟"

الأسئلة دي مهمة جدًا، مش بس عشان الشغل… لكن عشان نفسك

تعالى نبدأ خطوة خطوة نكتشف سوا

أوقات كتير بنقعد نسأل نفسنا:”أنا شاطر في إيه؟””يعني أنا لو قدمت في شغل … أقولهم إني مميز في إيه؟””هو أنا أصلا مختلف عن باقي الناس ف إيه؟” الأسئلة دي مهمة ج…

21/06/2025

لو رايح إنترفيو، أكيد هتقابل الأسئلة الكلاسيكية اللي دايمًا بتتكرر.الفرق بين اللي بياخد الوظيفة واللي لأ؟ الإجابة الذكية
خليني أقولك أشهر 5 أسئلة وازاى تجاوبهم صح

لو رايح إنترفيو، أكيد هتقابل الأسئلة الكلاسيكية اللي دايمًا بتتكرر.الفرق بين اللي بياخد الوظيفة واللي لأ؟ الإجابة الذكية. خليني أقولك أشهر 5 أسئلة، مع طريقة تجاوب ب....

19/06/2025

النهاردة كان يوم طويل.... بس من النوع اللي بيرجعلك طاقتك مش يسحبها.

قدّمت تدريب مكثّف عن المهارات المطلوبة لسوق العمل لأجمل مجموعة شباب بجد 💗🙏
ضمن برنامج التأهيل لسوق العمل بالتعاون مع جمعية سند ..

شفت في عيونهم الحماس، والرغبة الحقيقية إنهم يفهموا هما فين ورايحين على فين.
وشفت إننا فعلاً محتاجين نبص للتدريب المهني مش كـ "ورشة وخلاص"، لكن كجزء أساسي من رحلة بناء شخص مؤهل وواثق من نفسه.

أنا مؤمنة إن الجيل الجديد مش ناقصه طموح، لكن ناقصه حد يدله علي الطريق ويصدقه.

وده اللي بحاول أقدمه في كل جلسة، سواء كانت عن كتابة CV، أو المقابلات، أو حتى فهم الذات.

لأن دي مش شغلتي بس، دي رسالتي.

#تدريب