23/05/2025
🔴ألف مبروك لطالبنا المجتهد جداً محمد عبد الناصر ❤️🇮🇹🇮🇹
ـ محمد خريج كلية التربية جامعة عين شمس ٢٠٢٢ وبيشتغل حالياً في شركة VXI 🇮🇹🇮🇹
-محمد درس معانا وكان هدفه من الأول إنه عايز يشتغل باللغة . الموضوع في الأول كان محتاج توضيح كبير ومفصل لأن تعلم اللغة ليه خطوات معينه و ده عكس اللي كان متعود عليه ولكن اللي عايز يجتهد وينجح بيقدر 🇮🇹🇮🇹
ـ وبدأنا نركز علي قدرة الاستمرار في المذاكرة بشكل سليم وبشكل عملي وطبيعي أخد وقت للتعود وفعلا تجاوز النقطة دي بمجهوده و بدأ يتعود علي الطريقة الخاصة بشغلنا وفعلا اهتمامه زاد باللغة وأثبت نفسه مع الوقت 🇮🇹🇮🇹
ـالنطق بدأ يتحسن بشكل ملحوظ وفكرة تذكر الكلام بشكل سليم وتخلص من شكل معين متكرر ومع عدم الاستسلام التذكر بقي واضح جدا وبياخد باله مع الوقت من الأخطاء 🇮🇹🇮🇹
ـفي نص الطريق بيحصل نوع من التفكير الزايد في اللي جاي و بيبدأ حياته في مجال جديد محتاج مجهود حقيقي والتزام كامل ،أحيانا بيحس يكمل ولا لا وإنه بيشتغل ،كان طبيعي يحصل نوع من اللغبطه 🇮🇹🇮🇹
ـوضحنا ليه الأسس اللي لازم يكمل بيها ،وإن هي دي معادلة الحياة اللي هيركز وعنده ثقة في نفسه وبمجهود حقيقي هيوصل 🇮🇹🇮🇹
ـورجع محمد بمجهود أفضل وسعي أكتر وبدأ يركز من تاني ووصل فعلا إلي مرحلة إنه يتكلم من غير تفكير كتير ومع الوقت قل 🇮🇹🇮🇹
ـ حصل مواقف كان فيها تقصير وتم توضيح الموضوع ليه وطريقة تقبله فرقت معاه لأنه اتعلم ازاي يتعامل مع المواقف و هو بيفكر واتغير كتير عن الأول وأظهر التزام حقيقي وبمجهود ممتاز 🇮🇹🇮🇹
ـوبدأ محمد يقدم علي الشغل والموضوع بقي بسيط وفعلا بعد رحلة وخطوات فيها إحباط وتفاؤل و تفكير كتير ربنا كرمه 🇮🇹🇮🇹
ـ محمد نموذج مهم جدآ لكل شخص عايز ينجح .. النجاح مش مجرد كلمه دي رحلة وفيها مجهود والتزام لازم يكون حقيقي واستمرارية لكن مش بالكلام.. 👏👏✌️🇮🇹
ـ كنت يا محمد عند حسن الظن وبذلت مجهود حقيقي وإحنا شاهدين علي الرحلة الصعبة الممتعة وخليتنا فخورين بيك وباللي وصلتله واللي لسه هتوصل ليه.. نموذج يستحق ❤️❤️
ـ ألف مبروك مرة تانية يا محمد وفخورين جدا بيك ❤️❤️🇮🇹🇮🇹
