05/01/2025
يلا بينا ومنشور كل سنه وكل عام وحضرتكم جميعا بالف خير.❤️
شهر يناير دخل علينا 2025 💪🏻💪🏻
و ايه اللى ال HR المفروض بيعمله فى بدايه كل سنه 👨👨👧.
ويلا بينا نستعد لعمل الاتى :-💪🏻
1- عايزك تبكتب ميل وتبعته لكل الموظفين اللى عندك فى الشركة وهنيهم بالسنه الجديده وعرفهم انهم شركاء النجاح وان ليهم الفضل فى نجاح الشركة واشكرهم على مجهوداتهم العظيمة فى بناء الشركة .
2- جهز اجر الاشتراك التامينى الجديد ومتنساش ان الحد الادنى هيبقى 2300 ج والحد الاقصى 14500 ج
3- حضر س2 من 3 نسخ وارفق معاها صوره من البطاقة الضريبية والسجل التجارى ولو عندك عدد عمال اكثر من 100 موظف اعمل نسخه على اسطوانة ومتنساش تقدمها قبل 15 فبراير .
4- جهز شيك اعانه الطوارئ واللى بيتحسب1% * مجموع الاجور الاساسية فى شركتك ومتنساش تقدمة قبل يوم 15 يناير . . ومتنساش ان الحد الادنى للاجر الاساسي بقى 410 والحد الاقصى بقى 2540..
5- حضر رصيد اجازات العاملين الجديد ومتنساش ترحل رصيد السنه السابقه راجع ماده 48 من قانون العمل ولو عديت 3 سنوات متنساش تصفر الرصيد السنوى وادى الناس فلوسها فرح الناس ياعم .
6- جهز بيان القوى العاملة بعدد العاملين ومؤهلاتهم وبالمهن والاجور والارقام التامينيه والوظائف الشاغرة واحتياجات منشاتك من التدريب .
7- جهز شيك حصيلة الجزاءات للمؤسسة الثقافية العمالية والاجتمتاعية .
8- جهز شيك صندوق التاهيل والتدريب 1% من صافى الربح .وارفق معاه نسخه من الميزانية
9- جهز مرتباتك الجديده وزود العاملين 3% من اجر الاشتراك التامينى كحد ادنى او 7% من الاجر الاساسي ( شوف ايهما اكبر ) خليك حلو وراجع البند ج من الماده 1 من قانون العمل علشان تعرف توزيعه المبلغ هتكون ازاى !
10- جهز شيت الضرايب واشتغل الضرايب على المرتبات الجديده وجهز نفسك علشان هتشتغل فى تسوية الضرائب السنه السابقة
11- وزع خطه التدريب على العاملين والاقسام وعرفهم بمواعيد الدورات التدريبية والغرض من التدريب ومتنساش تعرف كل واحد بالمسار الوظيفى الخاص به والمسار الخاص بترقيته.
12- لو عندك اجانب متنساش تقدم الاحصائية والبيان للجهه المختصة راجع قرار 146 لسنه 2019 . و 305 لسنه 2015م
13- عرف الموظفين بنتائج تقييم اداءهم السنوى ونقاط ضعفهم وكيفيه التغلب عليها ونقاط القوه وكيفيه تطويرها . ومتنساش تراجع هل هتحتاج تغيير منهج وطرق تقييم الاداء الخاصه بشركتك ام لا .
14- متنساش تعمل بيان ذوى الاعاقة وتقدمة للقوى العاملة رغم فى بعض المكاتب لم تستلمه بعد القانون 10 لسنه 2018
15- متنساش تقدم شيك التامينات الجديد قبل يوم 15 يناير .
16- لو عندك اطفال تحت السن متنساش تبعت بيان بالعاملين تحت السن للقوى العامله.
17- متنساش تراجع شهادات قياس المهاره للفنيين ورخص مزاوله المهنه .
18- متنساش تحسب معدل دوران العماله واعمل نموذج لحصر المشاكل وكيفيه حلها وكمان متنساش تقيس نسبه رضا الموظفين.
19- متنساش ياغالى تراجع ال Job description لكل الموظفين ولو فى اى تعديلات او تغيير فى المهام الوظيفيه عدلها وعدل معها تقييم الاداء للموظف والبرنامج التدريبي كمان ومتنساش تحسب ROI الخاص بالتدريب .
20- متنساش تبعت ايميل لكل المديرين ورؤساء الأقسام واطلب منهم خطه التوظيف الخاصه بسنه. 2025 والمفروض انك تكون عملته اصلا من 15 نوفمبر 2024م.
21- اعمل اجتماع لجميع المديريين ولازم يحضر فيه الاداره العليا واعرض عليهم ال Action plan الخاصه ب سنه 2025 م وما تم تنفيذه من خطه 2024م
22- عايزك تكون دايما قدوه مشرفه لشركتك ودايما تكون داعم ومحفز ليهم واكد عليهم دايما انهم شركاء النجاح
وفى الختام لو اتكعبلت فى اى حاجه كلمنى فى اى وقت انا تحت امرك
😀😀😀❤
