Стихови и Поезија на Мирослав Лазарески

Стихови и Поезија на Мирослав Лазарески Поезија, песни, стихови и цитати.

04/01/2022

Среќна нова Година

Не е важно дали сфаќаш
колку ли ме повреди.
Кога од Срце ме сакаш,
јас сум среќен, погледни.

И грешев за многу нешта,
било па поминало.
Ти си таа која е вешта,
сите Грешки се Минато.

Среќна нова Година,
слатки Бакнежи и Соништа.
Се лошо нека помине
само ти ќе останеш.

Среќна нова Година,
се посилна е Љубовта.
Кога ти си крај мене
се би сторил за тебе.

Кога Облакот ќе се скрие
и две Ѕвезди ќе засветат,
твоето Око Солза лие
Песна штом ти запеам.

Месечината силно свети,
оваа Ноќ е волшебна.
Се сеќаваш ли што ми вети?
Љубовта е посебна.

Среќна нова Година,
слатки Бакнежи и Соништа.
Се лошо нека помине
само ти ќе останеш.

Среќна нова Година,
се посилна е Љубовта.
Кога ти си крај мене
се би сторил за тебе.

25/04/2021

Сребрени Крилја

После Полноќ во Десет до Два
пиејќи Вино збунето стоев
до мојот Прозор, Ноќ беше знам,
дури и Звездите јас ги броев.

Една Звезда знам блескаше сјајна
почна да паѓа во моите Очи,
еве ти откривам малечка Тајна
без тебе долги се овие Ноќи.

Но ти не ме слушна, спиеше мирна,
бескрајно нежна и слатка и мила.
Кого ли гушна, кого ли ѕирна
под око нежно ко сребрени Крилја.

Твојата Среќа знам немаше крај,
кога го виде одеднаш блесна,
во тие Очи имаше Сјај
колку за една љубовна Песна.

Но ти не ме слушна, спиеше мирна,
бескрајно нежна и слатка и мила.
Кого ли гушна, кого ли ѕирна
под око нежно ко сребрени Крилја.

28/06/2020

Најдобро е да заминам

Во мојата Земја
и светла и темна
богат со богат се бираат.

Не им е доста,
не сечат до Коска.
Во Светци се маскираат.

Со смешна Плата,
ко просјак од Врата на Врата,
барам јас милостина.

Од некои Шофери,
Магационери,
помага еден од стотина.

И кога ќе размислам,
без многу да планирам.
Најдобро е да заминам,
онака тивко сам.

И никогаш да не се вратам,
сите ќе ве паметам.
Најдобро е да заминам,
може некад ќе наминам.

А јас Магистар
и за некои нешта бистар,
за нив сум ко измислен.

Дури до Дубаи
за да заработам малку Пари,
јас сум присилен.

И кога ќе размислам,
без многу да планирам.
Најдобро е да заминам,
онака тивко сам.

И никогаш да не се вратам,
сите ќе ве паметам.
Најдобро е да заминам,
може некад ќе наминам.

25/05/2020

Стар Пријателе

Во сокакот наш
од мали дечиња место со мечиња
игравме кошарка во твојот Двор
по цела ноќ,
имавме чудна моќ.

Цреши да крадеме
и да ги лажеме
дека Комшијата ни ги дал
без да ни бара пари,
се лажевме сами.

Имавме детство за пример,
како браќа нема збор.
Јадевме лебче и бибер,
а баскетот го фрлавме пак во твојот Двор.

Продолживме пак да се дружиме,
до Дутлок да кружиме и
за една мала насмевка
денот да го заокружиме.
Така е братко.

На првиот снег
со топки се гаѓавме,
се лизгавме и паѓавме,
а времето леташе
но на кој му беше гајле.
Бевме на Улица до сабајле.

И животот се топи како Свеќа
и што би рекол Кумашинот мој,
нам ни треба само малку среќа,
а годините се само непостоечки број.

Кажи стар Пријателе, каде згрешивме,
се помалку се гледаме,
се повеќе си требаме.
Еден на друг, еден за друг.
Ти на север јас на југ.
Ко Птица небесна,
ко сенка нечесна.
Стар Пријателе...

Во дваесетите
ти трета на работа, јас пијан во Сабота.
Кај да се свртиш е тесно,
а дома не те фаќа место.
Бараш да се издуваш често.

А после, љубовта, да,
со песните, ружите,
често се дружите,
ќе чуевме од секоја будала
што ќе не сретнеше
и небото ќе светнеше.

И животот се топи како Свеќа
и што би рекол Кумашинот мој,
нам ни треба само малку среќа,
а годините се само непостоечки број.

Кажи стар Пријателе, каде згрешивме,
се помалку се гледаме,
се повеќе си требаме.
Еден на друг, еден за друг.
Ти на север јас на југ.
Ко Птица небесна,
ко сенка нечесна.
Стар Пријателе...

06/05/2020

Виолина

Слушам негде Виолина свири,
распеани луѓе, пијат црно вино.
Само ти можеш да ме смириш,
само ти моја Виолино.

Слушам негде Виолина плаче,
тажна е ти што не си тука.
Биди ноќва мое мало Маче.
Само за тебе ова срце чука.

Слушам негде Виолина жали
за една љубов која негде летна.
Што и да ти дадам, се нешто ти фали.
Дали со друг можеш да си среќна?

Ретко сега негде Виолина свири,
само тогаш кога на тебе ќе се сети.
Нема кој сега топлина да шири,
заборави ли што се ми вети?

25/04/2020

Ели, Елена

Сакаше да шета со мене
и да ги пее моите стихови,
а јас само за неа
пишував само хитови.

Тогаш имав голема храброст
во нејзиното срце да оставам трага,
а таа беше мојата слабост
и за кратко време стана мојата драга.

Ели, Елена,
најубава девојка.
Не можам да живеам без неа,
Ели, Елена.

Беше слатка ко млеко и мед,
ја одведов на сладолед.
Во паркот си се шетавме
и на никој не му сметавме.

Тогаш имав голема храброст
во нејзиното срце да оставам трага,
а таа беше мојата слабост
и за кратко време стана мојата драга.

Ели, Елена,
најубава девојка.
Не можам да живеам без неа,
Ели, Елена.

Носеше бела блуза и сат,
имаше и машничка нова.
Ја бакнав за добра ноќ во врат,
ја испратив до Ленинова.

Тогаш имав голема храброст
во нејзиното срце да оставам трага,
а таа беше мојата слабост
и за кратко време стана мојата драга.

Ели, Елена,
најубава девојка.
Не можам да живеам без неа,
Ели, Елена.

23/04/2020

Бадник

Како стар спомен
се сеќавам на тебе мила.
Ко темен грев злобен,
ангелу што даваш сила.

Но сонуваш сама
ко што и личи на една Дама
и овој Бадник проаѓа.

Ти патуваш денес
на овој убав, голем празник.
Како ли смеев
да те пуштам баш за Бадник?

Но сонуваш сама
ко што и личи на една Дама
и овој Бадник проаѓа.

Заминувам поради нас
ми одзвонува во моите уши.
За да најдам спас,
спас за нашите грешни души.

Но патуваш сама
ко што и личи на една Дама
и овој Бадник проаѓа.

Секој ден на овој празник
еден спомен боли и сече,
знам не е секогаш Бадник,
но оваа вечер луто пече.

И овој Бадник ќе помине...

22/04/2020

Малечката Ивана

До улица на рекорд, многу блиску до Вегера,
скришно забележав еден поглед кој ме гледа.
Нежна и убава, слатка ко љубовен сонет,
ко љубовта да ме погоди во таа необична пролет.

Малечката Ивана ми украде срце,
а јас заминав во далечен свет.
И рече дека вечно ќе ме чека
затоа што љубовта е најубав цвет.

Ми го украде срцето уште на првата средба.
Ми рече дека е слободна во Сабота и во Среда.
Сака да се дружиме и дека со мене се чувствува своја,
а јас без да приметам стана опсесија моја.

Малечката Ивана ми украде срце,
а јас заминав во далечен свет.
И рече дека вечно ќе ме чека
затоа што љубовта е најубав цвет.

И зборував за музика и за многу други ствари,
како сакам да возам по широки булевари.
Дека сакам да патувам, Милано, Торино и Ница,
дека сум среќен што сум вљубен во таква убавица.

Малечката Ивана ми украде срце,
а јас заминав во далечен свет.
И рече дека вечно ќе ме чека
затоа што љубовта е најубав цвет.

20/04/2020

Елеонора

На прв поглед во тебе магично се вљубив.
Мојата душа срцево ко на тацна ти го нуди.
После тебе животот ми се смени,
а ти остана во моите вени.
После тебе се се измени.

Тоа лето немаше слободни Хотели.
Ти и јас, сонце, море и бакнежи врели.
Паѓаа звезди до зори касно,
да те сакам е толку опасно.
Ти си звезда која свети најсилно.

Твоите очи в срце стрелаат Елеонора.
Роб сум на твојата љубов, ајде дај ми знак.
Ја помниш ли таа ноќ во Барселона?
Во моето срце остави неизбришлив траг.

И таа плажа без тебе веќе не е иста.
И без твоите очи мојот поглед нема смисла.
Таа ноќ е само моја казна,
љубов кратка, љубов лажна,
боли оваа моја тажна приказна.

Твоите очи в срце стрелаат Елеонора.
Роб сум на твојата љубов, ајде дај ми знак.
Ја помниш ли таа ноќ во Барселона?
Во моето срце остави неизбришлив траг.

17/04/2020

Негде на пат

Гледаш ли каде сум јас, во која доба?
Четири ѕида и мрак во мојата соба.
Оставен на себе сам, изгубена душа,
а твојот таинствен глас ко ехо се слуша.

Слушни ја тишината, тој звух, немаме време.
Тешко се простува знам, посебно сам на себе.
Бледа и ко некој дух, зуи ко кобра.
Засолни се во мојот храм и биди добра.

Почнува новиот ден, се буди зората лажна.
Стануваш рано во шест како под казна.
Сите ги гледаш во сон, сите се исти.
Кога одиш негде на пат или на испит.

Понекогаш лутам и јас, ех фала Богу.
Не си ти крива за се, те сакам многу.
Сонувам дека сум среќен, но вкусот е солен.
Кажи ми добра ноќ и дај ми бакнеж голем.

16/04/2020

Љубовта е Тирамису,
љубовта е мила.
Таа е насекаде
кај што ти си била.

14/04/2020

Љубов

Понекогаш раните ме печат како Коприва,
болката се уште душава ми ја покрива.
Лутината поминува, но тагата останува,
а копнежот срцево ми го разбранува.

Како немирно море со бранови долги.
Небото ги слуша моите молби.
Тоа небо сјае кога звездите ќе го покријат,
а лицето се гордее кога солзите ќе го сокријат.

Среќата и љубовта единствено се важни.
Зошто ли Бог вака не казни?
Очите влажни, а срцата празни.
Дали сите вистински љубови се тажни?

Не верував дека ќе се вљубам во тебе.
Горчливи солзи врнеа врз мене.
Бог ми даде Дожд, да не плачам сам.
Прости што сум искрен, те повредив знам.

Миговите заеднички вечно ќе ми значат,
се сеќавам на нив, а очите плачат.
Спомените солзите ги бришат
и сите девојки на тебе ми личат.

Adresse

Heidelberg

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Стихови и Поезија на Мирослав Лазарески erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Стихови и Поезија на Мирослав Лазарески senden:

Verknüpfungen

Teilen