09/03/2026
📊 SONDAJ TOMASIK TALAN — MEN KISA KI KA EKSPLIKE POUSANTAJ YO
54.81% + 18.27% + 15.97% + 10.95% = 100.00% ✔️
Apre analiz reyaksyon, kòmantè, pataj ak enterè piblik la sou piblikasyon Medya Tomasik Talan yo, men fason nou ka konprann rezilta yo:
🥇 Wenson Pierre — 54.81 %
Wenson Pierre pran premye plas la paske li sanble jwenn pi gwo nivo angajman nan mitan moun ki te patisipe nan diskisyon an. Non li suscité anpil enterè, kòmantè ak opinyon. Gen moun ki wè l kòm yon nouvo figi ki ka pote yon lòt vizyon pou Tomasik.
🥈 Marin Peralte — 18.27 %
Marin Peralte gen avantaj eksperyans, paske li deja patisipe nan eleksyon. Sa fè li gen yon sèten nivo rekonesans nan mitan popilasyon an. Sepandan, kòmantè yo montre opinyon yo pa tout menm jan: gen moun ki apiye l, pandan gen lòt ki toujou gen kèk dout sou kapasite li.
🥉 Yorline Etienne — 15.97 %
Yorline Etienne gen yon prezans ki pi limite nan analiz la. Li pa nesesèman yon moun tout moun nan kominote a rekonèt, men gen kèk moun ki konnen li, ki apresye li epi ki te eksprime yon opinyon pozitif sou li. Sa montre li genyen yon baz sipò, menm si rekonesans li poko menm nivo ak kèk lòt kandida yo.
4️⃣ Francisque Delacruz (TIT) — 10.96 %
Francisque Delacruz deja gen eksperyans kòm depite, sa ki fè li gen yon non ki deja konnen nan espas politik la. Nan kòmantè yo, gen moun ki konsidere eksperyans li kòm yon avantaj e ki pale byen de li. Men, nivo entèraksyon ki parèt nan analiz sa a pi ba pase twa lòt non yo.
⚠️ NÒT ENPÒTAN: Pousantaj sa yo se yon endis ki baze sou entèraksyon piblik sou platfòm Medya Tomasik Talan. Yo pa reprezante yon sondaj syantifik, yo pa yon rezilta elektoral epi yo pa vle di se opinyon tout popilasyon Tomasik la.
Medya tomasik talan 🔥
Pou yon lot tomasik
