24/06/2026
召集悉尼香港人商戶同創業朋友 📣
OzStarter 香港人市集 2026 將於 9月20日 再次喺 Chatswood 隆重登場，依家正式接受 EOI 報名 啦！！
今年檔位反應熱烈，唔少過去兩年有參加嘅檔主已經率先預留位置，我哋都期待今年有更多香港人創立嘅品牌、小店同創業項目參與，一齊將香港人嘅創意、生意同文化帶俾更多人認識。🙌
今次我哋會以 「香港街道」 做主題概念，除咗重現香港街頭熱鬧氛圍，仲會介紹澳洲同香港同名街道背後嘅歷史同故事，希望透過市集連繫兩地文化，勾起大家嘅集體回憶，同時創造新嘅社區連結。
今年除咗延續過去兩年一直受歡迎嘅熟食區同購物區之外，我哋仲希望加入更多文青元素，俾大家發掘更多香港創意品牌同特色手作。
同時，今年亦新增 創業街 / Start-up Booth，希望為一啲啱啱起步或者想測試市場反應嘅創業者提供一個曝光同交流平台，吸引更多唔同類型嘅品牌、手作、零售、小生意同創業項目一齊參與。
無論你係經營美食、小食、咖啡甜品、手作產品、生活雜貨、文創精品，定係啱啱開始自己嘅 startup 或 side hustle，都歡迎你嚟 「香港人市集」 試下市場反應，同時接觸更多香港人客群，建立連結，開拓更多客源同合作機會。🔥
過去三年，市集人流一年比一年多。去年更加吸引咗超過21,000 人入場，氣氛熱鬧，唔少檔主都成功打響知名度、搵到新客，甚至建立咗長期客源同合作機會。
所以與其淨係諗住到時嚟行下睇下，不如今次自己落場試下，俾更多人認識你嘅品牌同產品！🚀
快啲提交 EOI 啦！
報名連結：https://forms.gle/KUz2XJLyTFBcX9L56
名額有限，先到先得！
