Public Employment Service Office - Gasan, Brgy. Dos Pob. , Gasan (2026)

26/05/2026

📢 𝗔𝗡𝗨𝗡𝗦𝗬𝗢!

Inaanyayahan ang publiko na makilahok sa nail care services na handog ng mga benepisyaryo ng DOLE TUPAD TCP bilang bahagi ng kanilang immersion activity na gaganapin sa Gasan Municipal Covered Court sa Miyerkules, Mayo 27, 2026.

Bukas ito para sa lahat ng nais magpaganda at magpaayos ng kuko mula alas-8:00 ng umaga hanggang alas-4:00 ng hapon.

Kaya ano pa ang hinihintay ninyo? Tara na at samantalahin ang pagkakataong makaranas ng quality nail care services mula sa masisipag at mahuhusay na TUPAD TCP beneficiaries!

📍 Gasan Municipal Covered Court
📅 Wednesday, May 27, 2026
🕗 8:00 AM – 4:00 PM
💅 Donations are accepted!

26/05/2026

📌 𝗝𝗨𝗦𝗧 𝗜𝗡 | DOLE-PESO Marinduque, Nagsagawa ng Ikalawang Quarter Meeting para sa Mas Pinalakas na Serbisyo at Programa sa Trabaho!

GASAN, Marinduque — Naging makabuluhan at produktibo ang isinagawang 2026 DOLE-PESO Second Quarterly Meeting ngayong araw, Mayo 26 sa Luxor Resort and Restaurant sa bayan ng Gasan, na dinaluhan ng mga PESO Managers at mga kinatawan ng Public Employment Service Office (PESO) mula sa iba’t ibang bayan sa lalawigan, katuwang ang Department of Labor and Employment (DOLE) MIMAROPA Region – Marinduque Provincial Office.

Layunin ng pagpupulong na higit pang pagtibayin ang koordinasyon at pagpaplano ng mga programang may kaugnayan sa trabaho, kabuhayan, at serbisyo para sa mga Marinduqueño.

Pinangunahan ni Gasan Municipal Mayor James Marty Lim ang welcome message kung saan kaniyang binigyang-diin ang kahalagahan ng pagkakaisa at pagtutulungan ng mga ahensya at lokal na pamahalaan upang maihatid ang mas epektibong oportunidad sa hanapbuhay para sa mamamayan.

Nagbigay rin ng mensahe si DOLE Marinduque Provincial Head Marjun S. Moreno na naglatag ng mga mahahalagang update kaugnay ng implementasyon ng mga programa ng DOLE para sa Fiscal Year 2026.

Tinalakay sa naturang pagpupulong ang iba’t ibang mahahalagang usapin kabilang ang presentation of accomplishments ng bawat PESO office, updates hinggil sa mga programang SPES, GIP, DILP, at TUPAD, gayundin ang pagpaplano para sa nalalapit na pagho-host ng 2026 Regional PESO Congress.

Napag-usapan din ang patuloy na institutionalization ng PESO offices at iba pang mga aktibidad at trainings na naglalayong mapalawak pa ang kakayahan at serbisyo ng bawat tanggapan para sa kapakinabangan ng publiko.

Samantala, nagtapos ang programa sa closing message ni Ms. Dahlia N. Ituralde, PESO Manager at host mula sa LGU Gasan, kung saan kaniyang pinasalamatan ang lahat ng dumalo at nagpahayag ng patuloy na suporta sa mga programang naglalayong makapagbigay ng trabaho, pag-asa, at mas magandang kinabukasan para sa mga mamamayan ng Marinduque.

19/05/2026

📌 𝗟𝗲𝘃𝗲𝗹 𝗨𝗽 𝗞𝗮𝗯𝗮𝘁𝗮𝗮𝗻: Mga SPES Beneficiaries, Sumailalim sa Orientation at Opisyal nang Naideploy sa mga LGU Offices!

𝘎𝘈𝘚𝘈𝘕, 𝘔𝘢𝘳𝘪𝘯𝘥𝘶𝘲𝘶𝘦 — May 18, 2026 — Matapos ang makabuluhang SPES orientation kahapon, ang mga piling kabataang benepisyaryo ng Special Program for Employment of Students (SPES) ay matagumpay nang naideploy sa iba’t ibang LGU partners at offices. Ang inisyatibong ito ay pinangunahan ng Gasan Public Employment Service Office (PESO) sa ilalim ng pamumuno ni Ms. Dahlia Nuñez-Ituralde, katuwang ang DOLE Marinduque.

Sa naturang orientation, tinalakay ang mga pangunahing alituntunin, responsibilidad, at inaasahang asal ng mga benepisyaryo habang sila ay nasa ilalim ng programa. Ipinaliwanag din ang kanilang karapatan, magiging mga tungkulin sa kani-kanilang mga workplace upang masiguro ang maayos, organisado, at produktibong implementasyon ng SPES.

Kasunod ng orientation, agad ding isinagawa ang deployment ng mga kabataan sa iba’t ibang LGU partner offices at participating establishments kung saan sila maglilingkod sa loob ng itinakdang panahon ng programa. Bawat benepisyaryo ay inatasan sa mga angkop na posisyon batay sa pangangailangan ng mga partner offices at kanilang kakayahan.

Ayon sa PESO Gasan, layunin ng deployment na hindi lamang mabigyan ng pansamantalang trabaho ang mga estudyante, kundi mahubog din ang kanilang disiplina, work ethic, at kakayahang makibagay sa tunay na workplace environment.

Makikita sa mga kabataang SPES beneficiaries ang kasabikan at determinasyon habang sila ay unti-unting tumatanggap ng mga unang hakbang sa mundo ng trabaho—isang karanasang magsisilbing pundasyon ng kanilang personal at propesyonal na pag-unlad.

Sa kabuuan, ang SPES 2026 ay patuloy na nagbibigay ng oportunidad sa mga kabataang Gaseño na hindi lamang kumita sa panahon ng bakasyon, kundi maging huwaran ng sipag, responsibilidad, at pag-asa para sa kanilang mga pamilya at komunidad.

15/05/2026

📢 𝗔𝗡𝗨𝗡𝗦𝗬𝗢!

Inaanyayahan ang publiko na makilahok sa libreng nail care services na handog ng mga benepisyaryo ng DOLE TUPAD TCP bilang bahagi ng kanilang immersion activity na gaganapin sa Mahunig Covered Court, Gasan sa Lunes, Mayo 18, 2026.

Bukas ito para sa lahat ng nais magpaganda at magpaayos ng kuko mula alas-8:00 ng umaga hanggang alas-4:00 ng hapon.

Kaya ano pa ang hinihintay ninyo? Tara na at samantalahin ang pagkakataong makaranas ng libreng nail care services mula sa masisipag at mahuhusay na TUPAD TCP beneficiaries!

📍 Mahunig Covered Court
📅 Monday, May 18, 2026
🕗 8:00 AM – 4:00 PM
💅 LIBRE para sa lahat!

06/05/2026

📌 𝗧𝗥𝗔𝗜𝗡𝗜𝗡𝗚𝗦 𝗡𝗔 𝗠𝗔𝗬 𝗞𝗜𝗧𝗔! 𝗦𝗔𝗔𝗡 𝗞𝗔 𝗣𝗔? | 220 Beneficiaries sa Gasan, Sumabak sa DOLE-TUPAD Orientation and Training!

𝘎𝘈𝘚𝘈𝘕, 𝘔𝘈𝘙𝘐𝘕𝘋𝘜𝘘𝘜𝘌 — May 6, 2026 — Isinagawa ngayong araw ang isang makabuluhang hakbang tungo sa mas matatag na kabuhayan para sa mga Gaseño matapos pormal na ilunsad ang DOLE-TUPAD Orientation and Training Program, na dinaluhan ng kabuuang 220 benepisyaryo mula sa iba’t ibang barangay ng bayan.

Pinangunahan ng Gasan Municipal Public Employment Service Office (PESO) sa pamumuno ni Ms. Dahlia N. Ituralde, katuwang ang Department of Labor and Employment (DOLE) Marinduque, ang nasabing aktibidad na layong bigyan ng sapat na kaalaman at kasanayan ang mga kalahok upang mapalawak ang kanilang oportunidad sa hanapbuhay.

Samantala, nagbigay naman ng panimulang mensahe si Mayor James Marty Lim. Binigyang-diin ni Mayor Lim ang kahalagahan ng ganitong programa sa patuloy na pag-angat ng kabuhayan ng bawat Gaseño. Aniya, ang pagbibigay ng tamang kasanayan ay hindi lamang pansamantalang tulong, kundi isang pangmatagalang puhunan para sa kinabukasan ng mga mamamayan.

Saklaw ng orientation at training ang iba’t ibang larangan tulad ng organic agriculture production, upcycling at recycling, food processing through fermentation, hilot wellness massage, butterfly culture production, agricultural crop production, at nail care services—mga kasanayang inaasahang magbibigay daan sa sariling pagkakakitaan ng mga benepisyaryo.

Patunay ang programang ito na patuloy ang pagsisikap ng lokal na pamahalaan ng Gasan, katuwang ibang mga ahensya ng Pamahalaan katulad ng DOLE, upang maghatid ng mga programang hindi lamang tumutugon sa pangangailangan ngayon, kundi naghahanda rin sa mas maunlad na bukas ng mga mamamayan.

Sa tulong ng kaalaman, disiplina, at oportunidad—ang pag-angat ng kabuhayan ng bawat Gaseño ay hindi na lamang pangarap, kundi unti-unti nang nagiging realidad sa bawat hakbang.

01/05/2026

𝟭𝟮𝟰𝘁𝗵 𝗟𝗮𝗯𝗼𝗿 𝗗𝗮𝘆 𝗝𝗼𝗯 𝗙𝗮𝗶𝗿 𝟮𝟬𝟮𝟲 𝗛𝗶𝗴𝗵𝗹𝗶𝗴𝗵𝘁𝘀 🇵🇭

Matagumpay na naisagawa ngayong Mayo 1, 2026 ang Labor Day Job Fair na dinaluhan ng daan-daang aplikante at iba’t ibang kumpanya. Naging daan ito para sa agarang oportunidad sa trabaho at pag-asa para sa mas magandang kinabukasan.

01/05/2026

𝗧𝗮𝗴𝘂𝗺𝗽𝗮𝘆 𝗮𝗻𝗴 𝘀𝗮𝗺𝗮-𝘀𝗮𝗺𝗮𝗻𝗴 𝗽𝗮𝗴𝗸𝗶𝗹𝗼𝘀 𝗽𝗮𝗿𝗮 𝘀𝗮 𝘁𝗿𝗮𝗯𝗮𝗵𝗼 𝗮𝘁 𝘀𝗲𝗿𝗯𝗶𝘀𝘆𝗼!

Matagumpay na naisagawa ang 124th Labor Day Job Fair 2026 ngayong May 1, 2026 sa Marinduque State University Gymnasium sa pagtutulungan ng Department of Labor and Employment (DOLE), Provincial Government of Marinduque sa pamamagitan ng LMD-PESO, at Marinduque State University, katuwang ang iba’t ibang national government agencies na naghatid ng kani-kanilang serbisyo kabilang ang TESDA, DTI, OWWA, DMW, CSC, DICT, PSA, SSS, PhilHealth, Pag-IBIG, PNP, at PIA.

Sa kabuuan, may 1,289 job vacancies ang naihain para sa mga jobseekers. Mula sa 207 registered applicants na lumahok, 112 ang qualified applicants, 36 ang nearly hired, at 42 ang hired on the spot. Nilahukan ang aktibidad ng 23 employers mula sa loob at labas ng probinsya, 1 government agency, at 2 employers para sa overseas job vacancies, na lalong nagbigay ng mas malawak na pagpipilian ng oportunidad para sa mga dumalo. Bukod dito, may kabuuang 183 kliyente ang nag-avail ng one-stop-shop services mula sa mga partner agencies, na naghatid ng agarang tulong at serbisyong pampamahalaan sa iisang lugar.

Dumalo rin at nagbigay suporta ang mga kinatawan mula sa iba’t ibang sektor, kabilang sina DOLE Regional Director Naomi Lyn C. Abellana, Congressman Reynaldo P. Salvacion, Vice Governor Romulo A. Bacorro, Jr., Board Member Engr. John R. Pelaez, DOLE Provincial Head Marjun S. Moreno, LMD-PESO Provincial PESO Manager Alma C. Timtiman, CSC FO-Marinduque Director Jacinto C. Mateo III, University President Prof. Dr. Diosdado P. Zulueta, DTI Provincial Director Dr. Roniel M. Macatol, TESDA Acting Provincial Director Mr. Erwin M. Buñag, Family Welfare Officer ng OWWA Marinduque Ms. Venus G. Narvaez, at Labor and Employment Officer mula sa DMW Mr. Rydyl Rapsing.

Taos-pusong nagpapasalamat ang Pamahalaang Panlalawigan ng Marinduque sa pangunguna ni Governor Melecio J. Go sa lahat ng partner agencies, employers, at jobseekers na naging bahagi ng matagumpay na pagdaraos ng 124th Labor Day Job Fair 2026. Patuloy ang ating hangarin na makapaghatid ng mas maraming oportunidad at serbisyo para sa bawat Marindukenyo.

29/04/2026

[𝐑𝐄𝐏𝐎𝐒𝐓]

𝗕𝗮𝗸𝗮 𝗶𝘁𝗼 𝗻𝗮 𝗮𝗻𝗴 𝗦𝗶𝗴𝗻 𝗺𝗼 𝗺𝗮𝗴𝗶𝗻𝗴 𝗟𝗶𝗻𝗴𝗸𝗼𝗱 𝗕𝗮𝘆𝗮𝗻𝗶!

This Labor Day, baka hindi lang trabaho ang mahanap mo—baka pagkakataon para makapaglingkod.
Bisitahin ang mga job fair organized by the Department of Labor and Employment at dumaan sa Civil Service Commission (CSC) booth.
Nandito kami para gabayan ka sa pag-explore ng opportunities sa public service.

Learn more about:
✨ Civil Service Examinations
✨ Training Programs
✨ Career opportunities in government

Check the list of venues and plan your visit.
Sa isang hakbang, puwedeng magsimula ang iyong paglalakbay sa paglilingkod.

Serbisyong may puso, dangal, at galing—nagsisimula sa’yo.

23/04/2026

📌 𝐒𝐏𝐄𝐒 𝐄𝐗𝐀𝐌𝐈𝐍𝐀𝐓𝐈𝐎𝐍 𝐀𝐍𝐃 𝐈𝐍𝐓𝐄𝐑𝐕𝐈𝐄𝐖 | 𝐌𝐠𝐚 𝐊𝐚𝐛𝐚𝐭𝐚𝐚𝐧𝐠 𝐆𝐚𝐬𝐞ñ𝐨, 𝐍𝐚𝐤𝐢𝐛𝐚𝐡𝐚𝐠𝐢 𝐬𝐚 𝐔𝐧𝐚𝐧𝐠 𝐘𝐮𝐠𝐭𝐨 𝐧𝐠 𝐒𝐏𝐄𝐒 𝟐𝟎𝟐𝟔!

𝙂𝘼𝙎𝘼𝙉, 𝙈𝙖𝙧𝙞𝙣𝙙𝙪𝙦𝙪𝙚 — Matagumpay na naisagawa ang apat na araw na SPES Examination at Interview mula Abril 20 hanggang 23, na pinangunahan ng 𝗚𝗮𝘀𝗮𝗻 𝗣𝘂𝗯𝗹𝗶𝗰 𝗘𝗺𝗽𝗹𝗼𝘆𝗺𝗲𝗻𝘁 𝗦𝗲𝗿𝘃𝗶𝗰𝗲 𝗢𝗳𝗳𝗶𝗰𝗲 (𝗣𝗘𝗦𝗢) sa ilalim ng pamumuno ni 𝗠𝘀. 𝗗𝗮𝗵𝗹𝗶𝗮 𝗡𝘂ñ𝗲𝘇-𝗜𝘁𝘂𝗿𝗮𝗹𝗱𝗲, kung saan kabuuang 52 kabataan ang lumahok sa unang hakbang upang maging bahagi ng Special Program for Employment of Students (SPES) ngayong taon.

Sa kabila ng limitadong bilang ng slots, ipinamalas ng mga aplikante ang kanilang determinasyon at kahandaan na makapasok sa programa. Sa bawat araw ng pagsusulit at panayam, naging kapansin-pansin ang kanilang sigasig na makamit ang oportunidad na makapagtrabaho ngayong bakasyon—isang hakbang na makatutulong hindi lamang sa kanilang pinansyal na pangangailangan kundi pati na rin sa kanilang personal na pag-unlad.

Mahigpit na isinagawa ang screening process na kinabibilangan ng written examination at face-to-face interview upang matiyak na ang mga mapipiling benepisyaryo ay tunay na kwalipikado. Layunin nitong masukat ang kaalaman, kakayahan, at kahandaan ng mga kabataan na gampanan ang kanilang mga magiging tungkulin sa ilalim ng programa.

Sa pagtatapos ng apat na araw na pagsusulit at panayam, inaasahang ang mga mapipiling benepisyaryo ay hindi lamang magkakaroon ng pagkakataong kumita, kundi magsisilbing huwaran ng sipag, disiplina, at dedikasyon sa kanilang kapwa mga kabataan.

Higit sa lahat, ang kanilang paglahok sa SPES ay patunay na ang kabataang Gaseño ay handang humarap sa mga hamon ng hinaharap taglay ang determinasyon na magtagumpay at makatulong sa kanilang pamilya at komunidad.

Public Employment Service Office - Gasan

26/05/2026

26/05/2026

19/05/2026

15/05/2026

06/05/2026

01/05/2026

01/05/2026

29/04/2026

23/04/2026

Address

Website

Alerts

Shortcuts

Share