Tranoben'ny Tantsaha Mpamokatra Ihorombe

19/09/2026

PROGRAMME DEFIS : Coordination Inter-Régionale de Fianarantsoa

Appel à manifestation d'intérêt – ONG (AMI N°015 /2026-MINASA/SG/DEFIS/CIRFNR/S.)

Intitulé de la mission : Recrutement d'ONG pour la promotion de la nutrition sensitive et genre au niveau des AUE, GPS, CEP, GVEC, MCV et OPB au niveau des pôles de développement dans la région Ihorombe

19/09/2026

PROGRAMME DEFIS : Coordination Inter-Régionale de Fianarantsoa

Appel à manifestation d'intérêt – ONG (AMI N°014 /2026-MINASA/SG/DEFIS/CIRFNR/S.)

Intitulé de la mission : Recrutement d'ONG pour la promotion de la nutrition sensitive et genre au niveau des AUE, GPS, CEP, GVEC, MCV et OPB au niveau des pôles de développement dans la région Amoron'i Mania

16/09/2026

26/08/2026

🚘 [RECRUTEMENT] LE PROGRAMME DEFIS RECHERCHE UN CHAUFFEUR ! 🇲🇬

Pour étoffer notre équipe au niveau de la Coordination Interrégionale de Fianarantsoa, le Ministère de l'Agriculture (MiASA), à travers le Programme DEFIS (financé par le FIDA), recrute un Chauffeur expérimenté.

📍 Lieu d'affectation : Fianarantsoa (avec de fréquents déplacements dans les régions d'intervention).
📜 Contrat : CDD d'un (1) an renouvelable.

🎯 Avez-vous le profil idéal ?
✅ Âge : de 25 à 45 ans (de préférence).
✅ Diplôme minimum : BEPC.
✅ Permis de conduire valide : Catégories B ET C (ou D).
✅ Expérience : Au moins 5 ans en conduite de véhicule tout-terrain (4x4) sur pistes et routes secondaires. (Avoir travaillé pour un Projet/Programme est un atout).
✅ Connaissances en mécanique automobile, bonne condition physique et apte à communiquer en français.

💼 Comment postuler ?
Préparez votre dossier de candidature comprenant :
1️⃣ Lettre de motivation (rédigée en français)
2️⃣ CV avec photo récente et contacts de référence
3️⃣ Copies des diplômes et attestations
4️⃣ Photocopie certifiée conforme à l'original du permis de conduire
5️⃣ Certificats de travail

🚨 Modalité de dépôt :
Le dossier doit être envoyé SOUS PLI FERMÉ avec la mention obligatoire sur l'enveloppe : « Réf : Avis de recrutement Chauffeur FNR ».
📍 Adresse de dépôt : Monsieur le Coordonnateur Interrégional Fianarantsoa, Lot Enceinte Génie Rural Kianjasoa, Fianarantsoa 301.

🗓️ Date limite de réception : 25 Septembre 2026.

Vous connaissez un excellent chauffeur à Fianarantsoa ? Identifiez-le dans les commentaires ou partagez-lui cette publication ! 👇

20/08/2026

I A/toa JACQUIT, ILAY TANTSAHA MPAMOKATRA MODELY AO MANDABE- RANOTSARA!

Tsy nofy intsony fa zava-misy azo tsapain-tanana!
Raha hiverenana kely ny lasa, zara raha nahazo vokatra 1T ka hatramin’ny 1,5T/Ha amin'ny voka-bary, i A/toa NAFOLIARISOA Jacquit Dix Neuf (antsoina hoe Jacquit), tamin’ny fampiharana voly nentim-paharazana. Mazava hoazy fa kely ny vola niditra tao an-tokan-tranony tamin’izany. Vola izay tsy ampy akory hamelomana sy hiantohana ny hoavin'ny ankohonana, ka nanjaka ny varo maintso.
Tao anatin'ny taona vitsivitsy monja, niova tanteraka ny fiainan’i Jacquit, raim-pianakaviana 42 taona, tantsaha mpamokatra vary, monina ao amin’ny fokontany Mandabe (Kaominina Ranotsara, Distrikan’Iakora, Faritra Ihorombe). Avy tamin’ny maha-mpamboly madinika azy, dia lasa tantsaha modely eo amin’ny fiarahamonina izy ankehitriny. Inona moa no miafina ao ambadik’ity fahombiazana lehibe ity?

Nitondra zava-dehibe teo amin’ny fiainany, ny fahatongavan’ny DEFIS:
- Nanaraka fiofanana ara-teknika tao amin'ny saha sekoly na (Champ École Paysan) CEP TSARAVATSY izy. Nianatra mivantana teny an-tsaha sy niaina tsikelikely ny teknika nohatsaraina (PAPRIZ sy ny fambolena miatrika ny fiovaovan'ny toetr'andro) izy.
- Tsy vitan'izay fa nahazo tohana tamin'ny alalan'ny CGEAF koa, izay nampianatra azy ny fitantanana ny fambolena ho tena orinasa madinika, indrindra tamin’ny fifehezana ny kaotim-pamokarana (nahay nanao kajy ny tombony sy ny fatiantoka, nahay nametraka ny vidin'entana amin'ny tsena) ary ny fidirana amin'ny resaka tsena sy varotra (varotra iombonana).

Tsy fitomboana tsotra no hita, fa tena fiovana tanteraka!
Ny fampiharana mivantana eny amin'ny tanimboliny ny teknika rehetra nanomnboka tamin’ny fikarakarana ny tany ka hatraimn’ny famokarana, araka izay natoro tao amin'ny CEP dia nitera-bokatsoa hoan’ny A/toa Jacquit. Niakatra ny taham-pamokaran’ny voka-bary (3, 8 ka hatramin’ny 4,5T/Ha). Mazava hoazy fa nitombo ny fidiram-bola tao an-tokan-trano ary tsy nisy intsony ny varo maintso. Nanana fahafahana nividy tany ihany koa izy, ka nitombo ny velaran-tany novolena (1Ha lasa 4Ha ankehitriny).

"Ny fahalalana noraisiko teo amin’ny saha sekoly no nampianatra ahy hahafehy ny ara-teknika sy nampianatra ahy ny fomba fambolena tsara indrindra, ka nahatonga ny vokatra azoko ho betsaka sy tsara kalitao kokoa amin'ny velaran-tany kely (0,5Ha nahazoana vokatra 2,7T). Lasa mahay mandinika sy mamantatra mialoha ireo bibikely mpanimba na aretina mpahazo ny voly, ary mahay mitady vahaolana sahaza ara-potoana ny tenako", hoy Atoa Jacquit.
Nanamafy ny fifampizarana traikefa sy ny firaisankina eo amin'ny samy tantsaha ao an-tanàna ihany koa ny saha sekoly, ka miteraka fiaraha-miasa matanjaka (toy ny fanaovana varotra iombonana). I Jacquit moa dia miezaka mampianatra ny mpiara-monina (ohatra: fomba fanamboarana kaompositra, ny fiarovana ny voly tsy ho simban'ny bibikely tsy misy fanafody simika mahery ary ny fitantanan-drano…)

Fiantraikany mivantana eo amin’ny ankohonana:
Ny fiofanana noratovony no nanova ny fomba fiasany. Tsy hoe nampitombo vokatra fotsiny izy, fa lasa manana fahatokisan-tena sy afaka manome fiainana tsara kokoa ho an’ny fianakaviany. Ankehitriny, nitodi-doha amin'ny fandrosoana ny fianakavian’i Jacquit. Afaka nanavao ny trano fonenany izy, nividy omby, bisikileta, hanam-pamokarana sy fitaovam-pambolena maro isan-karazany. Voantoka tanteraka ihany koa ny saram-pianaran’ny ankizy, azo antoka ny fihinanana sakafo maroloko, voalanjalanja ao an-trano ary misy ny ambim-bava mandava-taona

Mankasitraka anao, Atoa Jacquit, amin'ny fahasahiana sy ny asa mafy! "Ary ianao kosa, vonona ve ny handray ny anjara toeranao hanova ny fomba fambolenao mba hahazoana vokatra tsara kokoa?” Aza matahotra isika ny hanova ny fomba fambolena efa tranainy. Andao hijoro ho tompon'andraikitra amin'ny fampandrosoana ny tanànantsika, satria ny tany tsy mba manda an'izay mikarakara azy!

18/08/2026

MAMOKATRA ARA-TEKNIKA, MITAHIRY AMIM-PAHENDRENA ARY MAMPIASA VOLA AMIM-PITANDREMANA : « miteraka fahombiazana ka manova ny fiainam-pianakaviana »

Tantara iray miavaka momba ny fahasahiana niova sy nandroso no ho fantatrao androany. Fantaro ny tantaram-pahombiazan’I RAFANOMEZANTSOA Casimir, lehilahy 30 taona monja, mpikambana ao amin’ny OP TSARAMIVOATRY, monina ao Besakoa, Fokontany Manambondala, Kaominina sy Distrikan’Iakora, Faritra Ihorombe

Fijoroana vavolombelona nataon’I Casimir:

« Taloha, 1,2 t/ha monja ny taham-pamokaran’ny voka-bary, ary omby vitsikely ihany no nananako. Ankehitriny, mahatratra 4 t/ha izany ary manana omby efa mihoatra ny 10 aho!
Ny fandaharanasa DEFIS tamin’ny alalan’ny CGEAF_TTMR dia nampianatra ahy, tsy hoe hamokatra bebe kokoa ihany, fa hitahiry sy hitantana tsara ny vola azoko tamin’ny alalan’ny fanaovana GVEC. Izany no ahafahako manangana trano fonenana vaovao, sy mahatonga ny fari-piainan’ny fianakaviako mihatsara hatrany »

Inona marina no nitondra izany fiovana lehibe izany?
Tsy kisendrasendra ny fahombiazana, fa vokatry ny ezaka sy ny fanohanana azo:
- Fampiharana ny teknika fambolem-bary nohatsaraina: noho ny fanohanana avy amin'ny CGEAF, dia nianatra sy nampihatra ireo teknika vaovao i Casimir.
- Fampifandraisana ny fambolena sy ny fiompiana: nampiasa ny zezika avy amin’ny omby izy mba hanamasahana ny tany, ary ny mololo kosa nomeny ho an’ny biby ho lasa sakafo. Nihitatra tamin’ny fambolena voanjo sy tsaramaso mihitsy aza izany mba hampitomboana ny fidiram-bola.
- Fitantanana ara-bola mahomby (GVEC): ny fahaizana mitahiry sy mitantana ny vola miditra dia nahafahany nanao drafitra mazava sy nampiasa vola amin’ny fambolena tamin'ny fomba mahomby

Ny teny filamatr’i Casimir:
« Rehefa ovaina ny fomba fambolena, miova ny vokatra; rehefa tsara ny vokatra, miova ny fiainana. » Ary ampiany foana hoe: « mamokatra bebe kokoa, mitahiry tsara kokoa, mampiasa vola am-pahendrena, mandroso hatrany! »

👇 Ianao koa ve, te-handray an-tanana ny hoavinao amin'ny alalan'ny fambolena matihanina sy ny fitantanana ara-bola? Aza misalasala manantona ireo CGEAF eny amin’ny kaominina misy anao!

18/08/2026

TSY MISY ZAVATRA TSY HO VITA REHEFA MIRAY SAINA NY MPIVADY!

Ny GALS+ (Gender Action Learning System) dia fomba fiasa entina hampivelarana ny tsirairay sy hampisy fiovana eo amin'ny fitondran-tena. Rehefa ampiharina eo amin'ny sehatry ny mpivady izy io, dia mikendry ny hametraka fifandraisana mifototra amin'ny fitoviana, ny fametrahana ny hoavy mitovy, ary ny fandaminam-pianakaviana iombonana. Izy ity dia tena fanalahidin'ny fiovana maharitra ho an'ny fianakaviana ambanivohitra.
Rabetsitota sy Baozafy dia mpivady monina sy mipetraka, ao Ambatolahy, Distrikan’Ihosy, Faritra Ihorombe. Talohan’izy roa mbola tsy nianatra ny fomba fiasa GALS+, dia tsy mbola nisy tanjona iraisana. Ny lehilahy ihany no manapak’evitra amin'ny zava-drehetra, ary ny vehivavy dia nitana ny asa rehetra ao an-trano fotsiny.

Efa niova tanteraka izany!
Taorian’ny fiofanana GALS+, izay novatsian’ny FIDA vola, tamin’ny alalan’ny fandaharana DEFIS, eo ambany fiahian’ny MiASA dia niova tanteraka ny tokan-tranon’izy mivady. Ankehitriny, lasa ohatra velona eo min'ny fiarahamonina izy roa satria efa misy ny:
- Vina iraisana: entina hanatsarana ny tokan-trano
- Fanapahan-kevitra iombonana
- Fizarana andraikitra: mandray an-tànana ny fikarakarana ny sakafo sy ny zaza ihany koa ilay raim-pianakaviana. Manome sakafo ireo akoho amam-borona; mamboly sy manondraka ny voly legioma sy anana. Ilay Reny ihany koa dia manao ny asan’ny lehilahy, toy fakana kitay…
- Fangaraharana ara-bola sy fitantanana mitovy ny harena

“Taloha dia izaho irery no nandray ny fanapahan-kevitra rehetra momba ny fambolena sy ny vola azo tamin'ny fivarotana ny vokatra. Ankehitriny dia niova tanteraka ny zavatra rehetra. Mifampiresaka izahay mivady alohan'ny hanombohan'ny vanim-potoam-pambolena, momba ny fampiasam-bola ilaina. I Baozafy vadiko dia no miara-mitantana ny lafiny ara-bola ao an-trano ary mandray anjara amin'ny fanapahan-kevitra momba ny fampiasana ny vola azo avy amin'ny vokatray. Lasa mazoto mifampiresaka tsara izahay, nanjavona ireo disadisa, ary tsapanay fa miara-mandroso izahay, mifandray tanana, ho an'ny hoavin'ny fianakavianay”, hoy Rabetsitota nanamafy, nandritra ny resaka nifanaovany taminay.

Nihatsara ihany koa ny farimpiainan’izy mivady
Ankehitriny dia tratra tsikelikely ny vina napetrak’izy mivady ka efa maro ireo tombotsoa azo, izay nitera-bokatsoa hoan’ny tokan-tranon’izy roa :
• Nitombo ny fihariana amin’ny fiompiana ganagana
• Nanana fahafahana nividy tanim-bary (2Ha)
• Afaka nampitombo ny velaran-tany novolena vary
• Nitombo ny voka-bary
• Niroborobo ny fihariana omby (mitombo isa hatrany)
• Nanana fahafahana nanamboatra trano fonenana

“Rehefa misy ny fotoan-tsasarotra dia nifampahery izahay mivady ka nifampilaza hoe: raha mitambatra ny vato dia mahatsangana trano. Izany no nahatonga anay, nahita fahombiazana ankehitriny, ka lasa ohatra tokoa amin'ny fiaraha-miasa matanjaka eo amin'ny mpivady”, io ny teny namaranan’izy mivady ny resadresaka nifanaovanay.

17/08/2026

FIKAMBANANA TSARAVINTANA: “NY FIRAISANKINA NO HERY, NY FIARAHA-MIENTANA NO MITONDRA FAHOMBIAZANA”

Zava-nisy talohan’ny niorenany fikambanana:
« Talohan'ny Fandaharanasa DEFIS, dia efa nifofotra tamin’ny famokarana katsaka izahay, saingy toy ny rano raraka an-tany izany», hoy i Emmanuel RAZAFIMANANTSOA, Filoha lefitry ny fikambanana TSARAVINTANA, ao amin’ny kaominina Ankily, fokontany Ankily; izay ahitana mpikambana miisa 12 tokan-trano. Tamin’izany dia noringanin'ny biby kely mpanimba ny voly ny katsaka ary tsy nampiasa masomboly voamarina sy tsara kalitao ny mpikambana. Vokatr’izay dia tena ambany dia ambany ny taham-bokatra azo (1T/Ha). Etsy ankilany, nohon’ny tsy fahampian'ny fiofanana ara-barotra sy ny tsy fisian'ny lalam-barotra matotra dia samy nivarotra tsirairay ireo vokatra, teny an-tsena sy teo an-toerana tamin'ny vidiny ambany dia ambany izy ireo.

Ny fanohanana stratejika avy amin'ny Fandaharanasa DEFIS:
Maro tsy tambo isaina ireo tohana azon’ny fikambanana tamin’ny MiASA/FIDA/DEFIS toy ny fametrahana teknisiananina (CGEAF) teny ifitony, hanome ny toro-marika ara-teknika... Isany nahazo tohana ihany koa izy tamin’ny tetikasa fiasana ny tany (labour mecanisé) ho volena katsaka (8Ha), ary nisitraka masomboly voamarina (Irat 200).
Rehefa nandeha ny fotoana, taorian’ny fampiharana ny toro-hevitra naroson’ny teknisianina dia nihatsara isan-taona ny vokatra azo (niakatra tsikelikely izany ka lasa 2,5T/Ha ankehitriny). Ny biby mpanimba ny voly ihany koa efa voafehy ny fisorohana azy. Nitombo arak’izany ny vola miditra isan-tokan-tranon’ireo mpikambana. Vokatr’izay dia niezaka nividy tany isan-taona ihany koa izy ireo. Nanomboka teo dia nitombo hatrany ny velaran-tany novolen’ny mpikambana katsaka. Raha 8Ha izany teo aloha dia efa tafiakatra 40Ha izany ankehitriny.
Taty aoriana dia nahazo fitaovam-pambolena Kibota, tamin’ny fandaharanasa DEFIS ihany koa izy. Tsy nijanona hatreo anefa izany fa niezaka nanampy Kibota iray tamin’ny herin’ny tenany manokana izy ireo, nohon’ny halehiben’ny velaran-tany misy. Izany rehetra izany moa dia nohamafisin’ny famonjena irony foara Nasionaly irony (FIER MADA, FEPA), nohon’ny tohana avy amin’ny DEFIS.

Fampifandraisana mivantana tamin'ny LFL:
« Ny fahatongavan'ny Fandaharanasa DEFIS dia nanamarika fihodinana lehibe ho anay. Noho ny fampifandraisana mora nataon'ny CGEAF dia nanao fiaraha-miasa stratejika tamin'ny orinasa LFL ny fikambananay. Izany dia nanokatra ny varavaran'ny varotra iombonana sy ny tsenam-barotra mahasoa ary maharitra ho anay », hoy izy nanamafy

Vokatra azo tsapain-tanana:
Nanomboka tamin’ny 2024 dia nanao varotra iombonana tamin’ny société LFL ihany ny fikambanana. Nandritra ny telo taona nanaovana fifanarahana ara-barotra tamin’ny roa tonta dia milanja 92T ny vokatra efa nifampivarotana. Raha ny tamin’ity taona ity dia milanja 35T izany. Nahatsiaro tena ho afa afa-po sy nahazo tombony hatrany ny mpikambana, satria ny tsara raha mitaha amin’ny vidiny eny an-tsena ny vidim-bokatra miaraka amin’ny LFL. Ankoatry ny masomboly hoan’ny taom-pambolena 2026-2027 dia mbola manana vokatra katsaka azo amidy ny fikambanana fa miandry ny vidim-bokatra ho tsara kokoa.

Harena sy sakafo mahavelona ao an-tokantrano
Ity fahombiazana ara-toekarena ity dia nanova ny fiainan'ny mpikambana. Ankehitriny dia nanitatra ny zaridaina legioma sy anana iraisana (JP: Jardin Potager) izy ireo. Mirefy 1,5Ha eo izany ankehitriny, ka voatery tsy maintsy nividy fitaovam-panondrahana manaraka ny fenitra izy ireo (moto pompe). Hoazy ireo ny JP dia raisina ho iray amin'ireo fomba mahomby indrindra hiadiana amin'ny tsy fahampian-tsakafo sy ny tsy fanjarian-tsakafo, amin'ny alàlan'ny fampitomboana ny fisian'ny sakafo mahavelona mandritra ny taona. « Ny fanitarana ny JP dia ahafahan'ny fianakavianay mahazo sakafo feno, vaovao ary mahavelona. Noho ny vokatra azonay maro dia mivarotra ihany koa izahay. Ny fivarotana ny ambim-bava tamin'ny anana sy legioma dia manome anay ny vola ilaina handoavana ny saram-pianaran’ny ankizy, ny savony na ny fitafiana… », hoy i Emmanuel nanazava.

Ny fahombiazana dia tsy tongatonga ho azy, fa vokatry ny fahasahiana manova fomba fisainana sy ny firaisankina. Misaotra ny Fandaharanasa DEFIS tamin’ny fanohanana! Aiza ho aiza ny fikambanana misy anao? Efa vonona ny hiroso amin’ny fiaraha-miasa toy izao ve ianareo?

11/08/2026

🚨 [FAMPANDRENSANA OFISIALY - TANDREMO FISOLOKIANA] 🚨

⚠️ Misy vaovao tsy marina aely amin'izao fotoana izao !

Mampandre ny besinimaro ny Fandaharan'asa DEFIS fa misy hafatra hosoka mandeha amin’ny mailaka (e-mail) sy eto amin’ny tambajotra sosialy milaza fa misy « Organisation distribution moto Honda 110 cc et 125 » (Fizarana môtô).

❌ MANDÀ izany vaovao izany ny Fandaharan'asa DEFIS.

Tsy mitombina mihitsy io hafatra io, tsy avy amin'ny
Fandaharan'asa, ary endrika fisolokiana sy fisandohana andraikitra madio.

🛑 Tsara ny manamarika fa:
▪️ TSY MISY fizarana môtô karakarain'ny Fandaharan'asa DEFIS velively.
▪️ Tsy mitombina avokoa ireo lisitra, daty ary fomba fizarana voalaza ao anatin'izany hafatra hosoka izany.
▪️ Ny serasera ofisialy rehetra momba ny Fandaharan'asa DEFIS dia mivoaka hatrany amin’ny pejy sy ny tompon'andraikitra ofisialy ihany.

🛡️ Miantso ny rehetra mba ho mailo hatrany :
Aza manome ny mombamomba anao, aza manefa vola aman'olona na amin'ny fomba inona na amin'ny fomba inona.

🔄 Hamparitao ary zarao ity fampandrenesana ity mba hiarovana amin'ny mpisoloky.

06/08/2026

MISITRAKA IREO KARAZAN-TSAKAFO MARO LOKO, AMPY SY SAHAZA ARY ARA-PAHASALAMANA IREO TANTSAHA ATY AMIN’NY FARITRA IHOROMBE

Vokatry ny tohana avy amin’ny MiASA/FIDA/ Fandaharanasa DEFIS, dia mahatsapa-tena ireo tantsaha aty amin’ny Faritra Ihorombe, fa zava-dehibe ny fananany « jardin potager » : na zaridaina fambolena legioma sy anana. Ny fametrahana azy ity dia isan’ny fitaovana iray lehibe entina hiadiana sy hisorohana ny tsy fanjariatsakafo.

Ankoatr’ireo zaridaina fambolena legioma sy anana isa-tokan-trano (jardin potager familiale), dia misy ihany koa ny zaridaina itambarana hoan’ny vondron’olona maromaro mitambatra (jardin potager communautaire). Miroborobo fatratra izany ato amin’ny Faritra satria samy resy lahatra avokoa ireo tantsaha taorin’ny fanentanan’ny CGEAF, fa indrindra moa ireo vokatra azo tsapain-tanana fa manampy amin’ny:
- ady amin’ny tsy fahampian-tsakafo isan’andro izy,
- fahazahoana sakafo madio (ara-biolozika), tsara kalitao izy,
- fahazahoana sakafo ampy vitaminina izy: rehefa jinjaina amin'ny ara-potoana izy ireo, dia mitahiry tanteraka ny otrikaina sy ny vitamina ilaina rehetra mba hanamafisana ny hery fiarovan'ny vatana sy hitazonana ny vatana ho salama tsara,
- loharanon-karena fanampiny izy: ny ambin'ny vokatra dia amidy amin'ny any amin'ireo tsena eo an-toerana, ka mamorona loharanom-bola fanampiny tsy azo tsinontsinoavina ho an'ny tokantrano.