03/03/2026
🔴ශම්මිගේ ඉල්ලා අස්වීම ඉල්ලා ක්රීඩා ලෝලීන්ගෙන් දැඩි විරෝධයක්!
ශ්රී ලංකා කණ්ඩායම පරාජය වීමත් සමඟ මෙවර පන්දුවාර 20-20 ලෝක කුසලාන තරඟාවලියෙන් ඉවත් වීමට සිදුවීම හේතුවෙන් ක්රීඩා ලෝලීන් අතර දැඩි නොසන්සුන්තාවක් හටගෙන තිබේ. ආර්. ප්රේමදාස ක්රීඩාංගණයේදී නවසීලන්තය හමුවේ ලැබූ මෙම අන්ත පරාජයත් සමඟ, ශ්රී ලංකා ක්රිකට් ආයතනයේ සභාපති ශම්මි සිල්වා මහතා සිය ධුරයෙන් ඉල්ලා අස්විය යුතු බවට වන බලපෑම් මේ වන විට දැඩි වෙමින් පවතී. අඛණ්ඩව සිදුවන පරාජයන් සහ පරිපාලනමය දුර්වලතා සම්බන්ධයෙන් චෝදනා නගන ක්රීඩා ලෝලීන්, සමාජ මාධ්ය ඔස්සේ සිය විරෝධය පළ කරමින් ක්රිකට් ක්ෂේත්රයේ ප්රමුඛ වෙනසක් අපේක්ෂා කරති.
මේ අතර, තරඟයෙන් අනතුරුව අදහස් දැක්වූ නායක දසුන් ශානක, කණ්ඩායම වටා පවතින සෘණාත්මක වාතාවරණය පිළිබඳව සිය කනගාටුව පළ කළේය. ක්රීඩකයන්ගේ මානසික මට්ටම ඉහළ නැංවීමට සහ ක්රීඩාවේ අනාගතය සුරක්ෂිත කිරීම සඳහා රජයේ මැදිහත්වීම පවා ඔහු මෙහිදී ඉල්ලා සිටි අතර, ප්රේක්ෂකයන්ගේ අපේක්ෂාවන් ඉටු කිරීමට නොහැකි වීම පිළිබඳව සමාව අයැදීමට ද ඔහු අමතක නොකළේය. කෙසේ වෙතත්, සිම්බාබ්වේ සහ එංගලන්තය වැනි කණ්ඩායම් හමුවේ ද පසුගියදා ලැබූ පරාජයන් හේතුවෙන් ශ්රී ලංකා කණ්ඩායමේ ඉදිරි ගමන පිළිබඳව මේ වන විට දැඩි විවේචන එල්ල වෙමින් පවතී.
