10/06/2026
ასე უფროსი არ უნდა იქცეოდეს — მაგალითი №5
ამაზე არავინ საუბრობს. მაგრამ უნდა ვილაპარაკოთ.
ისეთი უფროსი, რომელიც თანამშრომელს არასოდეს ეუბნება, როგორ ასრულებს თავის საქმეს და რა შედეგები აქვს. არც აქებს, არც აკრიტიკებს. უბრალოდ დუმს და მის პერფორმანსზე უკუკავშირს არ აძლევს.
თანამშრომელი თვეებია მუშაობს და არ იცის, კმაყოფილია მისით უფროსი თუ არა. ცდილობს გამოიცნოს. აკვირდება ტონს, მზერას, განწყობას. და ამ გამოცნობაში ხარჯავს ენერგიას, რომელიც საქმეს უნდა მოხმარებოდა.
აი ოთხი მიზეზი, რატომაც ეს ერთ-ერთი ყველაზე საზიანო ქცევაა.
პირველი. ეს აჩერებს ზრდას.
უკუკავშირის გარეშე ადამიანი ვერ ვითარდება. ის იმავე შეცდომებს იმეორებს წლების განმავლობაში, რადგან არავინ უთხრა, რომ ეს შეცდომებია.
მეორე. ეს ქმნის მუდმივ შფოთვას.
ადამიანი, რომელმაც არ იცის თავისი პერფორმანსის რეალური შეფასება, დაძაბულობაში ცხოვრობს. და ეს დაძაბულობა პირდაპირ აისახება მის შედეგებზე.
მესამე. ეს კარგავს საუკეთესოებს.
კარგ თანამშრომელს ზრდა უნდა. თუ ხედავს, რომ მისი შრომა შეუმჩნეველია, წავა იქ, სადაც დააფასებენ.
მეოთხე. ეს უფროსის სისუსტეა.
უკუკავშირის მიცემა მენეჯერის პირდაპირი მოვალეობაა. თუ ამას ვერ აკეთებ, ან გეშინია, ან არ იცი როგორ. ორივე შენი პრობლემაა. დუმილიც პასუხია.
