22/07/2026
هل سيدنا موسي عليه السلام كان يعرف ان الله عز وجل هيشق ليه البحر ؟
تعالي اقولك قصه حلوه اوي
سيدنا موسي في لحظه فاصله في حياته كان قدامه البحر و وراه جيوش فرعون (اقوي جيش في العالم) بقياده فرعون بذات نفسه , في اللحظه دي مكنش قدامه ولا في ايده انه يعمل اي حاجه غير انه يدعي الله عز وجل انه ينجيه .
ساعتها الله عز وجل قال لموسي ﴿ فَأَوْحَيْنَا إِلَىٰ مُوسَىٰ أَنِ اضْرِب بِّعَصَاكَ الْبَحْرَ ۖ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ﴾ ركز كده في الايه القرانيه الكريمه دي , ربنا قال لموسي اضرب بعصاك البحر , مقولوش اية الي هيحصل بعدها و هنا يجي ايمان سيدنا موسي عليه السلام في الله عز وجل تخيل معايا كده لو كان سيدنا موسي قال في نفسه طيب انا لما اضرب البحر بالعصايا اية الي هيحصل و قعد يحسبها تخيلت كان هيحصل معاه اية ؟!
لاكن هو معملش كده هو خد كلام الله عز جل بدون تفكير خد كلام الله عز وجل بكل ثقه في الله عز وجل انه فعلا هيساعده .
هنا بقي الكلام ليك انت لو فاكر الدنيا متقفله في وشك و شايف ان مستقبلك ضبابي انت هنا زي سيدنا موسي عليه السلام بالظبط و الحل الله عز وجل قالهولك {وَأَنْ لَيْسَ لِلْإِنْسَانِ إِلَّا مَا سَعَى (39) وَأَنَّ سَعْيَهُ سَوْفَ يُرَى (40) ثُمَّ يُجْزَاهُ الْجَزَاءَ الْأَوْفَى (41)} , {وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ}
فهنا الله عز وجل قالك تعمل اية فاعمل زي سيدنا موسي عليه السلام بالظبط و متفكرش كتير و افتكر ديما ان سيدنا موسي عليه السلام لو كان فكر في امر الله عز وجل كان حصل معاه اية , انت كمان اعمل كلام الله عز وجل بدون تفكير و الله عز وجل هيعملك معجزات .
الخلاصه من الكلام هي انك تسعي و تجتهد و تتوكل علي الله عز وجل بكل ثقه في الله و استني المعجزات
سلام عليكم
