20/04/2026
قابلت مره طالب fresh graduate و حكالى انه حضر training خاص بال business development و انه كان متحمس جدًا يتعلم ويبدأ أول خطوة في كاريره.
أول 10 دقايق سمع كلمات زي: Pipeline, Conversion Rate, Lead Generation, Market Pe*******on, ROI…
بص حواليه لقى الكل ساكت و محدش بيعلق على انه مش فاهم او محتاج اى استفسار ،، فافتكر إن المشكلة فيه هو.
خرج من الـ Session وهو حاسس إنه محبط و مش فاهم اى حاجه فى المجال و ان الموضوع صعب.
لكن الحقيقة المشكله ماكنتش فيه… المشكلة كانت في طريقة التوصيل.
لما نيجي نعلم حد لسه بيبدأ، لازم نفتكر إن المصطلحات دي بالنسبة لنا عادية، لكن بالنسبة له عالم جديد تمامًا.
الشطارة مش إنك تتكلم عشان تبين للناس انك فاهم ….الشطارة إنك تخلي اللي قدامك يفهم، يتحمس، ويحس إنه يقدر يكمل.
المفروض نكون واعيين إن كل شخص في بدايته محتاج شرح بسيط، وتدريب مناسب لمستواه، وخبرة تدريجية تساعده يفهم المصطلحات ويتعامل معاها بثقة.
المعرفة الحقيقية مش في إنك تستخدم كلمات كبيرة… و لكن إنك ازاى تقدر توصل المعلومة ببساطة.
ابدأ من مستوى الناس اللي قدامك، وبعدها ارفعهم لمستوى أعلى، مش تبدأ من فوق وتسيبهم تايهين.
كلنا بدأنا من الصفر، والفرق الحقيقي بين Trainer ناجح وغيره… هو مين اللي عرف يبسط الطريق لغيره.
